Terios 2x4ستاهل ولًا!!!!

[Rontato]

السلام عليكم و رحمة الله و بركاته،،،
أرجو من كل اخوانى فى هذا المنتدى الفاضل ان يساعدونى ، فاننى اريد ان اشترى التريوس 2*4 المانوال، بس لما رحت المعرض اكتشفت انها تقريباً مافيهاش غر باور و زجاج كهربا أما باقى الابشنز فلا يوجد حتى طاسات العجل، تصوروا!!!
س انا فعلاً بحب العربية دى ، اخويا بيقوللى هاتى ماتركس اهى شبهها و فيها كل الابشنز.
سؤالى هل التريوس 2*4 رغم ان ما فيهاش اغلب الابشنز برضوا تستاهل اجيبها؟؟؟؟
بالله عليكم ساعدونى لحسان انا خلاص تعبت و بآلي كتير بفكر

[أبو عبدالله]

أولا العربيه دي ليس هناك مجال لمقارنتها بالماتريكس خالص

ثانيا العربيه جيده واعتمادية وادائها جيد
ولا يوجد ما يعيبها غير ان الموديل ده الكماليات قليلة فيه فعلا
ولكن ممكن تشتري انتي جنوط والكلام ده بنفسك بعد كده
او هناك حل اخر انك تشتري الماتيريا فول اوبشن فهيا بجنوط وكل الكماليات اللي انتي عاوزاها

وانصحك بكثرة الأستخارة لكي ترزقي الخير اين كان ان شاء الله

[Rontato]

شكراً على اهتمامك و ردك السريع يا ابو عبد الله، انا فعلاً بصلى استخارة كتير.
انا مش كنت بقارنها بالماتركس انا بس بقول ان كل الناس كل لكا اقولهم عاوزة اجيب تروس يقولولى طيب ما تجيبى ماتركس احسن. انا مش عارفة ليه كل الناس بترشحهالى.
الماتيرا حلوة الابشنز اللى فيها بس شكلها شوية غريب.
انا بس كنت عاوزة اتاكد ان التريوس تستاهل لانى بحبها اوى بس مش بفهم اوى اذا كانت دى عربية احسن وللا دى، يعنى زى اغلب البنات الشكل بيأثر فيا اكتر، فقلت اتاكد من اصحاب الخبرة.
و جازاكم الله كل خير على الاهتمام

[أبو عبدالله]

هنا حلقات برنامج توب جير المشهور
ممكن تشوفي في الفيديو ده تجربة للتيريوس الجديده في اخر الحلقة
بس تجربة جامده بجد

http://www.mininova.org/get/1614818

[Rontato]

عرفتش اشغل اللينك.....
اسمحلى اسالك اذا كنت محتارة بين التريوس 2*4 و السوزوكى sx4 ، مين فيهم افضل خصوصاً ان فيه شبه كبير بينهم خاصتاً السوزوكى الهاتشباكSX4

[hussein]

نصيحتى ليكى لو بنت بلاش تريوس
على فكره انا عندى واحده :)

[أبو عبدالله]

أنا رايي التيريوس افضل علشان السوق بتاع التيريوس افضل من السوزوكي
ده غير التوكيل واسعار قطع الغيار والكلام ده
وعربيه بتتباع بسرعه ومتهيألي ان عددها اكبر بكتير من السوزوكي في السوق دلوقتي

[Rontato]

ايه السبب يا Husein ، انا شايفة اغلب اللى راكبنها بنات

[hussein]

ايه السبب يا Husein ، انا شايفة اغلب اللى راكبنها بنات

العربيات ال 4x4 بتكون بتاعت شغل شاق و بالتالى عفشتها نشفه و كمان كرسيها مش مريحة زى السيدان و ثباتها طبعا اقل من السيدان علشان ارتفاعها عن الارض
فلو انتى مش بتمشى فى مناطق وحشة او صحرا يبقى كدا هتفقدى ميزات العربيه السيدان و مش هتستفيدى حاجة من امكانيات ال 4x4

[Bubbles]

هيا التيريوس 2*4 جر أمامي ولا دفع خلفي؟

[Rontato]

دفع خلفى، بس هوه ده ميزة ولا عيب انا معرفش

[Sherif Sharaf]

هيا التيريوس 2*4 جر أمامي ولا دفع خلفي؟

أعتثد أنها دفع خلفى

[dodino2006]

Rontato
استقريتى على ال 2*4 و لا ال 4*4
علشان انا كمان محتار ما بينهم .

[Rontato]

انا كنت رايحة احجز ال 2*4 بس ماما و اختى ماعجبهمش انها مافيهاش اغلب الكماليات و اقنعونى انى اقسط على مدة اطول و اجيب ال 4*4 فول ابشن، فتوكلت على الله لانى حسيت انى مرتاحة لل 4*4 اكتر خصوصاً انى عملت استخارة كتير. انا لسة ماستلمتش و كل شوية اراجع نفسى بس بادعى ربنا ييسر لى و اقدر اسدد على مدة اقل إن شاء الله.

[sab3aawy]

بنظرة موضوعية انا ارشح ليكى الماتريكس

ليس لأن التيريوس وحشة، التيريوس عربية ممتازة وانا اصلا حاططها ضمن اختياراتى لسيارتى القادمة ، لكن نحسبها بالعقل

الماتريكس صالونها اوسع لأنها جر امامى(يوجد ارتباط وثيق بين هذا وذلك)، التكنولوجيا بتاعتها معروفة للجميع حاليا، عفشتها اريح لأنها جر امامى ومصممة لاستخدام المدينة ، ويوم ما هتزهقى منها هتبيعيها فى عشرة دقائق وهتجيلك فلوسك

الفروق بين الكورى واليابانى معادتش واسعة ، كما ان الماتريكس-وعن تجربة لسيارات كتير عاملة كيلومترات عالية-عربية معمرة، اما بالنسبة للتوكيل فهو زحمة ومبيصلحوش حاجة سواء هيوانداى او ديهاتسو، كل الفرق فى دايهاتسو انهم بيكلموا الزبون كويس ، لكن المحصلة واحدة، لكن تتميز الماتريكس ان اللى بيفهموا فيها كتير جدا وان قطع غيارها كتير جدا

ميزات التيريوس مش هتكون مهمة بالنسبة لك، هى هتكون مفيدة جدا لحد بيحب يركن فوق الأرصفة ويمشى فى طرق مكسرة ، يعنى مثلا حد بيسافر او عنده مزرعة او بيروح مواقع بناء، الخ، لكن مالهاش ميزة بالنسبة لاستخدام المدينة العادى

من الآخر الماتريكس سيارة سهلة وعملية، التيريوس سيارة بنيت لاغراض معينة مش هتكون ممتعة للى عايز سيارة للاستخدام العادى