معايا تريوس 2000....ازود ثباتها ازاى

[dr ahmed saleh]

معايا تريوس موديل 2000 العربية ممتازه فى كل شىء فيما عدا الثبات بمعنى لو زودت السرعه عن 100 بحس انى طاير وقلبى بينقبض ....ارجو من اهل الخبره ويكون حد عن تجربه يقولى ازاى اخليها ثابتاوشكرا

[aw2100]

راجع على المساعدين ممكن يكونوا خفاف ولو عاوز ثبات اعلى ركب مساعدين غاز مونرو بيبقوا ناشفين شوية وعرض الكاوتش !
ومنعا للتكرار اقراء الموضوع ده

http://www.nilemotors.net/Nile/354046-a.html

[hugan]

التريوس 200 طبيعتها كده
ممكن تشوف لو تقدر تجنطها وتزود عرض الكاوتش

[dr ahmed saleh]

اشكركم على الردود بس طيب اللى انا اعرفه ان تعريض الكاوتش ده بيأثر على العفشه ومعلش مقاس الكاوتش 205 /70/ 15 دى مقاسات تريوس 2000 أجيب انا بقى مقاس كام عشان احس بالثبات

[aw2100]

اشكركم على الردود بس طيب اللى انا اعرفه ان تعريض الكاوتش ده بيأثر على العفشه ومعلش مقاس الكاوتش 205 /70/ 15 دى مقاسات تريوس 2000 أجيب انا بقى مقاس كام عشان احس بالثبات

المقاس الأفضل لثبات التريوس هو 215 /60/ 16 وده طبعا بتغير الجنوط لمقاس 16 بوصة وتركيب كاوتش خاص بالجيب والموصى علية من المصنع وهو Bridgestone Dueler H/T
وبكده كتلاقى التريوس بقت قمه الثبات على الأرض تحياتى !!

[dr ahmed saleh]

المقاس الأفضل لثبات التريوس هو 215 /60/ 16 وده طبعا بتغير الجنوط لمقاس 16 بوصة وتركيب كاوتش خاص بالجيب والموصى علية من المصنع وهو bridgestone dueler h/t
وبكده كتلاقى التريوس بقت قمه الثبات على الأرض تحياتى !!

شاكر ارد حضرتك بس السؤال هنا هل الكلام ده عن تجربه شخصيه من حضرتك لان الموضوع كدا هيتكلف كتير فياريت حضرتك تقولى هل الكلام ده عن تجربه

[aw2100]

شاكر ارد حضرتك بس السؤال هنا هل الكلام ده عن تجربه شخصيه من حضرتك لان الموضوع كدا هيتكلف كتير فياريت حضرتك تقولى هل الكلام ده عن تجربه

ممكن تبعت رسالة على الخاص لعضو فريق سكودا تيم mo7a_mo7a هو يمتلك سيارة تريوس موديل 2000 ممكن يفيدك علشان الكلام اللى بقوله لحضرتك هو من ضمن الناس اللى مركبه فى عربيته وممكن تخش على صفحته وحتلاقى مواضيع كتير عن كاوتش وثبات التريوس تحياتى !!

http://www.nilemotors.net/Nile/387581-mo7a_mo7a-2.html

[mo7a_mo7a]

ممكن تبعت رسالة على الخاص لعضو فريق سكودا تيم mo7a_mo7a هو يمتلك سيارة تريوس موديل 2000 ممكن يفيدك علشان الكلام اللى بقوله لحضرتك هو من ضمن الناس اللى مركبه فى عربيته وممكن تخش على صفحته وحتلاقى مواضيع كتير عن كاوتش وثبات التريوس تحياتى !!
http://www.nilemotors.net/Nile/387581-mo7a_mo7a-2.html

السلام عليكم ورحمة الله وبركاته

او mo7a_mo7a حضر بنفسه يا فندم
انت بس قول جزر حتلاقيني قدامك



الخلاصة في موضوع الثبات ده لاني اتكلمت فيه كتير

وجود اي شكوي من ثبات تريوس 2000 غالبا نتيجة الاتي

1. عيوب بالعفشة عموما وخصوصا المساعدين والمقصات
2. اطارات سيئة او غير قياسية او غير موصى بها
3. ضبط زوايا
4. تركيب دفندرات امامية ثقيلة بطريقة خاطئة

تعالو نمسكهوم واحدة واحدة ونحدد المشاكل والحلول
العربية عالية عن الارض وضيقة من الامام وده يبان لاي حد انه فير مناسب للملفات وبيقلل من ثبات العربية (ودي نظرية سليمة وصح علي فكرة) ولكن لازم نفهم كويس ان تريوس عربية SUV للمدقات والطرق الوعرة وليست سيارة سباق او سيارة رياضية ومينفعش تقارن ثباتها بسيارات الصالون الرياضية

اما النقطة الثانية ان تصميم العربية معتمد علي مساعدين كبار جدا علشان يوفروا الامان والثبات الضروري للسيارة والتعليق من نوع ماكفرسون وبالتالي عند الملفات المساعدين بيخلقوا ضغط رهيب عكس اتجاه حركة السيارة وطبعا العفشة مرتكزة علي مقصات وبيضات واي خلل في المنظومة دي حيؤدي لضعف في الاداء
ولان السست بتاعة العربية قوية جدا جدا فممكن احيانا يكون المساعدين بايظين خالص وصاحب العربية ميخدش باله انما يبدا يشتكي من الثبات بتاع العربية لان المساعدين بقيت مبتقومش بالمطلوب منها

النقطة الثانية (الاطارات) المختصر المفيد الجماعة اليابانيين دول لما يكتبوا حاجة في الكتالوج لازم نصدقهم لمصلحتنا ومنحاولش نفتي ابدا
الاطارات الموصى بها بريدجستون دويلر 205/70/16 ومكنوش حيخسروا شئ لو حطو اختيارات
لكن تعريض الكوتش بيعمل حاجة واحدة كويسة وحاجتين غلط
الحاجة الكويسة بيزود التماسك بالطريق وبالتالي Traction اعلي
وفي المقابل استهلاك بنزين اعلي وكمان حتغير من مركز ثقل العربية والنتيجة غالبا عدم تحسين الثبات دا ان مكنش اضعافه

والمشكلة ان طقم الكاوتش الاصلي الياباني بيعدي 3000 جنيه لو حطيته حترتاح وترجع العربية بمواصفات المنشا لو استرخصنا منلومش الا نفسنا
وكمان لازم نفتكر ان الكاوتش ده بمواصفات وتركيبة محددة بيدي الثبات المطلوب وعمرة الافتراضي 4 سنين لو قدم عن كده بيتاكل وينشف ويفقد خواصه وانا شخصيا اعرف زميل معاه تريوس 99 وعليها طقم اصلي معدي 7 سنين وبيشتكي من الثبات وراكب دماغه ومتخيل ان الكاوتش لازم يتمسح خالص علشان يتغير (ربك الهادي)

النقطة الثالثة (الزوايا) معظم ملاك السيارات بيروحوا يظبطوا زوايا في ورش بلدي مش فاهمة ان كل عربية وليها ظبطة معينة مخصوص ليها يعني مش مجرد ان العجلتين اللي قدام يوازوا بعض يبقي كده تمام لا لا لا
كل عربية ليها ظبطة معينة ممكن تكون العجلتين مايلين لجوة او مقفولين علي بعض بدرجة معينة او مفتوحين لبرة زي التريوس 2000 وبالتالي لازم تظبط في مكان فيه كمبيوتر وجهاز حديث ومش بس كده لا لازم يكون عنده موديل العربية علي الكمبيوتر


النقطة الرابعة (الدفندر الامامي)
معظم الناس تستغرب من ان ده يكون سبب في عدم الثبات بس انا حطيت شرط انه يكون ثقيل ومتركب غلط
طبعا الصنايعية في مصر اساتذة في العك والفتي معظم العربيات بيركبلها دفندرات غير اصلية وبتكون احيانا بلدي او صيني من الحديد ووزنها ثقيل وبتركب علي ذراع حديد طويييييييييييييل يربطها بالشاسيه وده بيسبب تاثير سلبي علي ثبات العربية
علشان نقرب الفكرة
تخيل نفسك ماسك علبة حاجة ساقعة في ايدك وحاول تحرك ايدافقياً يمين وشمال (طبعا مفيش مشكلة)
طب حط العلبة علي طرف صينية مستطيلة وامسكها من الطرف الثاني وحرك الصينية (ازي الحال؟؟ صعبة وتقيلة ومتارجحة ...صح!)
نفس الفكرة اثناء الملفات الدفندر حيسبب ضغط علي العربية من الامام ويحدفها مع الملفات زيادة في اتجاه الملف وطبعا حياثر علي الثبات



الخلاصة راجع كل ما سبق وحط الكاوتش الصح
وكله علي الله وهو اعلي واعلم
اللهم لا تؤاخذنا ان نسينا او أخطأنا



ارجو ان اكون افدت

تقبلوا تحياتي

[dr ahmed saleh]

انا شاكر لرد حضرتك جدا بس السؤال المقاس الاصلى 205 / 70 / 15 ولا 205 / 70 / 16

[dr ahmed saleh]

الحاجه التانيه أروح لمين اظبط زوايا ويكون عنده البرنامج بتاعها انا من سكان القاهره ومعنديش مشكله اروح ﻷى حد بداخلها

[mo7a_mo7a]

عفوا انا غلطت في الكتابة
المقاس الاصلى 205 / 70 / 15

ضبط الزوايا عند fit& fix
انا بفضلهم
تحيات

[dr ahmed saleh]

Mo7a_mo7a بشكرك دائما على اهتمامك وتاعبينك معانا دائما

[mo7a_mo7a]

نورت

[yaso12]

مش محتاج تغير جنط خليك فى الاصلى اهم حاجة فى الموضوع هو :
- الكشف عن الزوايا وتربيط عفشة كويس،
- التأكد من سلامة المقصات ولو فى بيضة بيظة المقص كلة بيتغير ويفضل زوج المقصات فى هذه الحالة عشان يبقوا ميه واحده،
- سلامة كاوتش الميزان وعلبة الدركسيون متكونش فيها بوش.
- مساعدين سليم ورياضى ويفضل مونرو Adventure 4x4 (مجربه)
- كاوتش مقاس الفابريقة 205*70*15 يفضل بريدجستون او ارخص شوية هانكوك وبلاش كومهو
- الاهم هو ضبط الضغط عشان لو زياده هتسمع هبد السنين من كل حته ولو ناقص يبقى السحب ضعيف والضبط المثالى 27 (يفضل نيتروجين والضبط الديجيتال).

واخيرا ربنا يستر طريقنا جميعا .

[mo7a_mo7a]

مش محتاج تغير جنط خليك فى الاصلى اهم حاجة فى الموضوع هو :
- الكشف عن الزوايا وتربيط عفشة كويس،

100%

- التأكد من سلامة المقصات ولو فى بيضة بيظة المقص كلة بيتغير ويفضل زوج المقصات فى هذه الحالة عشان يبقوا ميه واحده،

لو المشكلة في بيضات الطرف بيتغيروا لوحدهم منغير ما تغير المقصات ومفيش مشكلة انك تخلي مقص قديم ومقص جديد طالما سليم


- سلامة كاوتش الميزان وعلبة الدركسيون متكونش فيها بوش.

التريوس فيها قطمة مش علبة
ومن العيوب الشائعة ان عمود التوجيه يتعوج سنة ويبقي ضروري استعداله عند حداد


- مساعدين سليم ورياضى ويفضل مونرو Adventure 4x4 (مجربه)

افضل شئ المساعدين الاصلي ومنوفرين بالتوكيل جديد ياباني بتوع الشركة


- كاوتش مقاس الفابريقة 205*70*15 يفضل بريدجستون او ارخص شوية هانكوك وبلاش كومهو
- الاهم هو ضبط الضغط عشان لو زياده هتسمع هبد السنين من كل حته ولو ناقص يبقى السحب ضعيف والضبط المثالى 27 (يفضل نيتروجين والضبط الديجيتال).


لا بديل عن البريدجستون الديولر واي تغيير يتبعه قلة الثبات والضغط المثالي 26 ورا وقدام

واخيرا ربنا يستر طريقنا جميعا

امين


.