عايز اشتري تيريوس جديدة هل من ناصح

[ابو حفص مصطفى]

السلام عليكم رجالة الدايهاتسوا ،كنت عايز سؤال ونصيحة بعد إذنكم
ايه رأيكم في التيريوس الخمسة ٢٠١٤ و ممكن المواصفات لو امكن علشان هنشتري وحدة لأخويا وياريت كمان قطع الغيار أخبارها ايه ؟
والنصيحة اشتري منين التوكيل ولا اي معرض ؟
وجزاكم الله خيراً

[ابو حفص مصطفى]

ايه يا أخونا هي العملية صحرا ليه كده
هل من مجيب طيب ما نشتريهاش وخلاص

[mohamed_rhem]

اسأل عند اوتوسمير ريان في الغالب ارخص من التوكيل

واستني الشيب الجديد المفروض في تعديلات جوهريه

اما بخصوص قطع الغيار فموجوده لا تقلق ابدا

[ابو حفص مصطفى]

طيب الجيل الجديد ممكن يكون متى

[ابو حفص مصطفى]

وسمير ريان مش عنده واذا امكن يعني هل هي سيارة حلوة

[Imhotep]

الشكل الجديد هينزل زى الايام دى السنة الجاية و عليك خير
لو خدتلك لفة فى المواضيع القديمة اللى هنا فى القسم بتسأل نفس سؤالك هتلاقى ان الخلاصة هى ان التيريوس عربية عائلية اهم مميزاتها الارتفاع عن الارض و العفشة القوية و هى مش بتاعة شد و حرق و الكلام ده و تقدر تقول انها بطة حتى سرعة 60 كم
لغاية من كام سنة كانت هى الوحيدة ال 4*4 فى الفئة دى بس حاليا بقى فى حاجات تانية فى فئة الكروس اوفر ممكن تكون احسن من التيريوس زى القاشقاى و الاسبورتاج اللى ممكن يكونوا اوسع و اريح و انعم كعفشة

و خلى بالك هى 4*4 بس ده مش معناه انها عربية صحراء لانها بالاساس سيارة مدينة لكن اوبشن ال 4*4 بيضمن لك عفشة قوية تستحمل مطباتنا و شوارعنا الجميلة

بالتوفيق فى الاختيار

[ابو حفص مصطفى]

جزاكم الله خيرا

[meron_mero]

عربية ممتازة و خصوصا ال7 راكب عشانها تشترك مع التويوتا ف قطع الغيار فمتوفرة بشكل اوسع
و متقلقش فهي معمرة جدااا و عملية جداا
لكن اسمع انها مش ثابة اوي

[Yousef.Kamel]

بس سعرها فى المستعمل غالى قوي بالرغم من انها مش بتتباع بسهوله وبتاخد وقت كبير قوى للبيع

[J A G U A R]

عربيه جميله بس عيبها شكلها ومش عريضه على الارض