اخر الاخبار من توكيل دايهاتسو

[معاذ الشرباصى]

النهارده الحمد لله ركبت المراية الجديدة مكان المكسورة

دى كانت اخر الاخبار من التوكيل, و الحمد لله كلها مبشرة جدا, الكلام ده من مهندس/ محمد عبدالصمد شخصيا مدير مركز الصيانة:

1- اهم و احلى خبر: هيتم البدأ فى اول ديسمبر فى التعديل الخاص بالعربية علشان الصوت اللى بيظهر. الخامات فى الطريق مشحونة لمصر, و خدوا الموافقة من اليابان.

2- بعد رمضان ان شاء الله هيبداوا العمل بنظام فترتين, صباحية و مسائية علشان الضغط يخف شوية, و الناس تلاقى اماكن بسهولة

3- الناس اللى بتفتى فى الكول سنتر, هيتم الغاء التعاقد مع الشركة دى بدءا من الشهر القادم, و الناس اللى هترد هتبقى شغالة فى دايهاتسو منعا للغط و الفتى اللى بيحصل

4- تطرقت مع الباشمهندس محمد الى موضوع غلو سعر صيانة ال 10 الاف + تاخر قطع الغيار, و و عد بالنظر فى الامر

5- مركز ابو رواش متوقع انه يفتح فى شهر مارس 2009

[bmya]

والله اخبار كويسه
بس ببالنسبه للتعديل ده ياتري هيتم ازاي للعربيات الجديده ولا كل العربيات

[bmya]

وهيبقي في فلوس ولا الكلام ده داخل الضمان يعني مجانا

[aliabutaleb]

1- اهم و احلى خبر: هيتم البدأ فى اول ديسمبر فى التعديل الخاص بالعربية علشان الصوت اللى بيظهر. الخامات فى الطريق مشحونة لمصر, و خدوا الموافقة من اليابان.
2009

أحلى خبر يا معاذ
ويارب يكمل الموضوع على خير
وكويس إن التوكيل خلص الموضوع بالشكل ده
لأن دايهاتسو كانت هي الخاسرة الوحيدة من بقاء الوضع على ما هو عليه
وزي ما بيقولوا
Late better than never

مبروك المراية الجديدة :)
ولا زلنا في اشتياق لمركز أبو رواش ربنا ييسر ويخلص على خير هو كمان

[ahmedelhamf]

1- اهم و احلى خبر: هيتم البدأ فى اول ديسمبر فى التعديل الخاص بالعربية علشان الصوت اللى بيظهر. الخامات فى الطريق مشحونة لمصر, و خدوا الموافقة من اليابان.

يعني قصدك ان سبب الصوت اكيد معروف جاي منين :conehead::confused2:
طب ممكن تقولي عليه علشان اطمن من فضلك

[Sharky]

شكرا يا معاذ على الاخبار الجميلة دى

فعلا كده توكيل دايهاتسو فى طريقه للحفظ على مكانته إللى حققها فى المبيعات و الحافظ على عملائه

كده أقدر اقول توكيل محترم
حل 4 مشاكل مرة واحدة
1- مشكلة الصوت .
2- مشكلة ضيق مركز الصيانة بفتح مركز أبورواش فى مارس 2009
3- مشكلة تأخر مواعيد الصيانة بعمل فترتين .
4- مشكلة الكول سنتر

باقى مشكلة تأخر قطع الغيار و بالمنظر دا إن شاء الله حتتحل فى أقرب فرصه

شكرا دايهاتسو مصر على تلاقى العيوب

[Ahmed Samy]

يعني خلاص يا معاذ عقدتك هاتتفك أخيرا

و تمشي في المدقات براحتك

[أبو عبدالله]

الف شكر يا معاذ على الأخبار دي
وربنا ييسر الحال ان شاء الله

بس احب اضيف انهم تقريبا على وشك اخذ توكيل سيارات ياباني تاني وهو تقريبا زي ما قولت هيبقى سوبارو او لكزس تقريبا

وان شاء الله يطلع الخبر صحيح لأنه ليس مأكد لحد الآن
بس المؤشرات بتقول كده

[aliabutaleb]

بس احب اضيف انهم تقريبا على وشك اخذ توكيل سيارات ياباني تاني وهو تقريبا زي ما قولت هيبقى سوبارو او لكزس تقريبا
وان شاء الله يطلع الخبر صحيح لأنه ليس مأكد لحد الآن
بس المؤشرات بتقول كده

كان فيه تلميح لحاجة زي كدة في ملحق سيارات أهرام الجمعة الماضية يابو عبد الله
وكان شكل الكلام عن دايهاتسو كدة فعلاً
بس انا قلت يمكن تشابه توكيلات زي تشابه الأسماء :)

بس الخبر لو حقيقي هايبقى تحدي جديد لإمكانياتهم في مراكز الصيانة ويمكن يحتاجوا ساعتها اتنين كمان زي مركز أبو رواش اللي بيقال عنه أنه أكبر بمراحل من مركز العبور

[noon_eg]

بس احب اضيف انهم تقريبا على وشك اخذ توكيل سيارات ياباني تاني وهو تقريبا زي ما قولت هيبقى سوبارو او لكزس تقريبا

ربنا يدينا ويديك طول العمر ونوفر تمن اللكزس علشان نستمتع بخدمات الوكيل المحترم عبد اللطيف جميل !

[OlaOsman]

بشرك الله بالخير يا معاذ

[MoToRiZeR]

غالباَ سوبارو .. انا ناس شغالة في فرع المعادي قالولي إن فيه مفاوضات من فترة

و تمام أوي الأخبار الحلوة دي يا معاذ .. يا رب مارس ييجي بسرعة
بس انا شكلي لسة عندي صيانة كمان في العبور يعني ابو رواش ده إن شاء الله علي صيانة العشرين ألف .. و موضوع فترتين ده هيوفر عالناس كتير .. شكراَ دايهاتسو

ممكن سؤال يا معاذ ..
و إنت بتركب المراية إتحاسبت إزاي ؟ فيه سعر لمصنعية تركيب المراية ولا بتتحاسب علي ساعة عمل ولا إزاي ؟

عشان عايز أعرف هدفع كام و انا بركب الكارتيرة

[hitham_sh]

الف شكر يا معاذ وبجد تعبينك معانا

[Eslam_A]

الف شكر علي الموضوع

بس ياتري التعديلات هاتتعمل للعربيات الجديدة بس ولا هايعملوها للقديمة كمان مجانا في الضمان

[Rontato]

دى بشرى كويسة يا اولاد، لانى حجزت الـ4*4 بعد كلامكوا المشجع عنهاو مستنية الاستلام. كدة طمنتونى انى حطيت ثقتى فى محلها.
شكراً لدايهاتسو:)