ايه اخبار ثبات التريوس؟

[mostafa_sti]

كنت بفكر اجيب تريوس 2008 ولما قلت لكذا حد كلهم كان رد فعلهم واحد ان العربية مش ثابتة على الطريق ؟؟ عايز خبرتكم

[kazamodia]

مش ثابته وعفشها ناشفة وسحبها زفت
عمري ما شفت حد شكر فيها

[M I D O]

ماعتقدش انها هتبقي ثابتة بحكم انها عربية suv و عالية عن الارض و كل ما العربية بترتفع كل ما الثبات بيضيع

[mostafa_sti]

مش ثابته وعفشها ناشفة وسحبها زفت
عمري ما شفت حد شكر فيها

انا بصراحة اهم حاجة عندي انها تبقى عربية عالية عشان الادغال اللي احنا بنمشي فيها .. وده موجود طبعا في التريوس بس في نفس الوقت انا بمشي على الدائري كتير مش عايز ابقى قلقان وانا بجري خاصة انا سايق عربية سيدان وبجري بيها الحمدلله

[houba85]

لالالالالالالالالا دي بطة بلدي على الطريق والعفشة لو فيه زلطة داست عليها بتنطر اللي قاعد جواها

اختي معاها الجراند وبرضه 2008 بكره نفسي لما بنطلع مشوار بيها ولو جابت 80 عالدائري بعد اربع دقايق من الثبات على سرعة 60 كيلو بحمد ربنا وحتى لما بوصل ل 80 العربية بتميل مني شمال ويمين ولو مقطورة عدت من جنبي بسرعة شوية وتتقلب .. قولت يمكن عاوزة ترصيص عجل او ظبط زوايا لكن ولا فيها الهوا والعربية لسة كسر زيرو قفلنا بيها 8 الاف كيلو من كام يوم بس

[houba85]

انا بصراحة اهم حاجة عندي انها تبقى عربية عالية عشان الادغال اللي احنا بنمشي فيها .. وده موجود طبعا في التريوس بس في نفس الوقت انا بمشي على الدائري كتير مش عايز ابقى قلقان وانا بجري خاصة انا سايق عربية سيدان وبجري بيها الحمدلله

صدقني لو طلعت بيها عالدائري بتاع المقطورات والنقل التقيل حتقرر تبيعها عند اقرب نزلة

[J A G U A R]

انا صاحبى معاه تيروس 2012 بس الصغيره مش جراند بيعمل بيها خمسات والله العربيه بتترفع من العجلتين وتنزل تانى زى التكاتك واصلا اللى مخليها مش ثابته انها مش عريضه على السكه وعاليه على الارض فده بيخلى ثباتها فى الضياع وكل ما العربيه بقت اوطى وعريضه على السكه بيبقى ثباتها افضل طبعا ..

[bmya]

يا جماعه مش اوي كده العيب في اللي بيجيب عربيه ويتسعملها مش في مكانها يعني الستاذ جاجوار صاحبه اللي بيخمس بالتريوس ده مش عارف يتقال عليه ايه ويرجع يقولك مش ثابته العربيه مع ابن عمي العربيه معقوله من ناحيه الجري والثبات وده اصلا مش مطلوب من عربيه زي التريوس انها تكون بيرفكت فيهم لكن تعالا اطلع اي مطب ولا يهمك خوش في بركه مايه عادي ممن لو رصيف تطلع عليه عادي وهو الممطلوب منها وهي معقوله اوي في كده غير كده العربيه تكييف وباور ممتازين وكمان فيها عوامل امان معقوله جدا على فكرع ابن خالي معه رانجلر ٢٠١٠ جايبها زيرو بيقولي ثباتها ضايع على السرعات العاليه لكن تعالى اطلع بها جبل والعربيه تميل لاقصى درجه ومع ذلك ما تتقلبش وتطلع بها اجدعها رصيفلا يهمك لكن تجري بها في طريق تلاقيها بتروح وتيجي

[mostafa_sti]

انا صاحبى معاه تيروس 2012 بس الصغيره مش جراند بيعمل بيها خمسات والله العربيه بتترفع من العجلتين وتنزل تانى زى التكاتك واصلا اللى مخليها مش ثابته انها مش عريضه على السكه وعاليه على الارض فده بيخلى ثباتها فى الضياع وكل ما العربيه بقت اوطى وعريضه على السكه بيبقى ثباتها افضل طبعا ..

انا عمري ماهعمل بيها خمسات :) ... بس تقريبا كل العربيات العالية مينفعش يتعمل بيها كدة

[mostafa_sti]

صدقني لو طلعت بيها عالدائري بتاع المقطورات والنقل التقيل حتقرر تبيعها عند اقرب نزلة

انا طريقي كل يوم رايح جاي دائري زي غالبيتنا .... طب ايه رايك في القاشقاي؟