( استفسار ) عن سنتر لوك السيريون 2009 يا اخواتنا الكرام

[Medo.Malek]

السلام عليكم يا رجالة الديهاتسو الكرماء
العربية السيريون كانت مركونة فى الجراج فترة و باختصار البطارية نامت و اضطريت ان انا افكها و اوديها تتشحن على جهاز و ركبتها و الحمد لله اشتغلت و العربية دارت و مشيت بيها شوية
و لما رجعت لقيت السنتر لوك مش شغال !!!
الانذار و السرينة شغالين لكن السنتر مش شغال
حتى المفتاح مش بيقفل غير باب السواق بس و باقى الابواب بتتقفل باب باب
حد عنده تفسير او حل للمشكلة دى
طبعا انا رجعت ركنتها تانى فى الجراج عشان مش عارف اقفل الشنطة !

[Medo.Malek]

يا رب

[Medo.Malek]

ابعت يا رب

[bmya]

وعليكم السلام ورحمه الله وبركاته
الله يسهلك ياباشا هههههه

بص حضرتك معتقدش ان في علاقه بين البطاريه والسنتر طالما البطاريه سليمه وكله تمام
ممكن بس مكنه السنتر م ن الركنه باظت ممكن اي كهربائي يبصلك عليها او لو حضرتك ليه في الشغل البيتي فك فرش الباب وشوف المكنه كده على الطبيعه مش بتقفل ليه عموما لو باظت هي ب 20 جنيه تابواني لا تقلق

[Medo.Malek]

هههههه ماشى يا عم اى حاجة منك مقبولة
طيب دلوقتى انا لما بفتح الكونتاكت على اخر تكة قبل ما ادور و اقفل السنتر بيقفل كله مع بعضه عادى و بيفتح كله مع بعضه
لكن لو قفلت الكونتاكت و و حاولت اقفل السنتر كل باب لوحده عندك تفسير للحكاية دى ؟!!
و هل الموضوع ليه علاقة بالفيوزات ؟ّ!
و كمان فى لمبة الاوفر درايف بتظهرلى على الشاشة انها مقفولة o\d off
و مش فاهم هل دى كده مشكلة فى الاوفر درايف ولا اية

[MohssenRashed]

جرب شيل قواطيش البطارية و ركبها تاني

[bmya]

طيب ممكن تبص على القواطيش ممكن يكون مش مربوط كويس بينفث الاول
بالنسبه للمبه هي منوره على طول ؟ حتى لو دوست على الررار مش بتطفي ؟ ولو دورت برده منوره ؟
طيب كده كده جرب افصل الكابل بتاع البطاريه وسيبها ربع ساعه كده وبعدين اربطها وفي حاجه كمان ممكن البطاريه اصلا تكون بايظه فيها ربع ضارب مثلا بس جرب الاول فك الكابلات واربطها كويس وجرب كده وانا معاك

[Medo.Malek]

جرب شيل قواطيش البطارية و ركبها تاني

شكرا ليك يا اخى الكريم
هو من بعد ما البطارية ما نامت و انا على طول فاصل القواطيش من البطارية طول ما العربية مركونة مش بوصلها الا لما اجى ادورها بس
فا القواطيش كده اتفكت و اتركبت كذا مرة و لسه المشكلة قائمة

[Medo.Malek]

طيب ممكن تبص على القواطيش ممكن يكون مش مربوط كويس بينفث الاول
بالنسبه للمبه هي منوره على طول ؟ حتى لو دوست على الررار مش بتطفي ؟ ولو دورت برده منوره ؟
طيب كده كده جرب افصل الكابل بتاع البطاريه وسيبها ربع ساعه كده وبعدين اربطها وفي حاجه كمان ممكن البطاريه اصلا تكون بايظه فيها ربع ضارب مثلا بس جرب الاول فك الكابلات واربطها كويس وجرب كده وانا معاك

تم يا استاذى
اكدت على القواطيش متربطة كويس !
اه اللمبة بتنور و تطفى على طول بانتظام سواء مدور العربية او جايب نقلة او ضغطت على الزرار بس مجربتش اتحرك بالعربية و امشى بيها

ربع ضارب ؟!! مش لو هيا فيها ربع ضارب مش هاتشتغل اصلا ولا حاجات هاتشغل و حاجات لا ؟!

[bmya]

اللمبه بتنور وتطفي على طول طيب ما انت لازم تتحرك بالعربيه عشان تشوف هتاخد النقله الرابعه ولا واقفه على التالت بس
بالنسبه للبطاريه انا كان عندي بطاريه كانت ماشيه عادي واحيانا تقف واعملها وصله وتمشيني شويه وبعدين تقف روحت لواحد قالي ربع ضارب وغيرتها
لبمه الاوفر درايف دي لازم تتأكد منها عشان الفتيس لو في حاجه لاقدر الله تتأكد منها وقيس الزيت بتاعه احتياطي وممكن تبص على الفيوزات

[mohamed_rhem]

بص في الغالب مشكلة بطاريه

جرب بطارية تانيه

[Medo.Malek]

اللمبه بتنور وتطفي على طول طيب ما انت لازم تتحرك بالعربيه عشان تشوف هتاخد النقله الرابعه ولا واقفه على التالت بس
بالنسبه للبطاريه انا كان عندي بطاريه كانت ماشيه عادي واحيانا تقف واعملها وصله وتمشيني شويه وبعدين تقف روحت لواحد قالي ربع ضارب وغيرتها
لبمه الاوفر درايف دي لازم تتأكد منها عشان الفتيس لو في حاجه لاقدر الله تتأكد منها وقيس الزيت بتاعه احتياطي وممكن تبص على الفيوزات

هاحاول امشى بالعربية و اشوف حاضر
ربنا يستر بالنسبة للفتيس
طب ما تعرفش مقياس زيت الفتيس موجود فين ؟
و الفيوزات انا مش عارف مين بيودى على فين و مش معايا المانويل بتاع العربية !
يا ترى تقدر تحددلى ارقام الفيوزات اللى ابص عليها ؟
و شكرا لاهتمامك

[Medo.Malek]

بص في الغالب مشكلة بطاريه

جرب بطارية تانيه

هممم
طيب هاحاول اتصرف فى بطارية تانية و اشوف و ربنا ييسر ان شاء الله
شكرا لاهتمامك :)

[bmya]

بص ياباشا مقاس زيت الفتيس تحت البطاريه هتلاقي دراع زي بتاع مقاس الزيت
الفيوزات صراحه مجبش افتي لكن على الغطاء هتلاقي مكتوب مين بتاع ايه غالبا او ممكن اي كهربائي يبصلك عليهم ولو ينفع هات بطاريه سليمه من عربيه وجربها

[Medo.Malek]

طيب تمام هو انا انهاردة مشيت بالعربية شوية و العربية حاسس انها مش بتنقل او انا اللى مش حاسس بالنقلة !!
حاولت انى اقرص عليها شوية و اشوفها هاتنقل ولا لا و وصلت لسرعة 100 !! و مفيش نقلات
و خدتها بالتدريج لحد 100 برضه و مش حاسس بالنقلة !!

ان شاء الله هابص على الزيت و ربنا ييسر
ما هو انا بصيت على غطاء الفيوزات من اول يوم بس فى حاجات كتير مكتوبة حروف و ارقام مش مفهومة فا مش عارف اية بتاع مين ههههه
و الله يا ريت تبقى على قد البطارية هاحاول اتصرف فى واحدة و هاتابع معاكم هنا ان شاء الله
و ربنا يكرمك يا استاذى
شاكر جدا لمساعدتك و كل اللى ردوا عليا
جزاكم الله خيرا