عايز حل للتريوس الله يخليكم 2013

[eslam.maghawry]

العربية والتكيف شغال بتجنن وبتتعفرت
الأر بي ام يعلى جامد وينزل وبتحصل حاجات غريبة
والفرامل مرة تمسك ومرة لا وتخلي العربية تنط تحس انك هتبقي فلي قدامك لو مش مدى مسافة أمان
والتوكيل قال إنه نضف البوابة والعربية زي ماهيا والفرامل زي ماهيا
وعايز اعرف هل دي مشكلة فردية واتمنى ذلك ولا في حد حصله حاجة مشابهة واتحلت
العربية جايبنها كسر زيرو وكانت عاملة حوالي ٤ آلاف كم ووديناها التوكيل وكشفوا عليها وقالوا زي الفل دلوقتي هي داخلة على حوالي ١٠ آلاف ومش عارف ايه الحل
ملحوظة:العربية ودناها التوكيل ٣ مرات وبترجع زي ماهيا
الله يخليكوا لو حد عنده حل يقول

[J A G U A R]

اكيد المشكله دى فرديه علشان اول مره اسمع الكلام ده عن التيريوس .. بس انا رأيي اول ما العيوب دى ظهرت كانت ترجع لصاحبها .

[eslam.maghawry]

مهي المشاكل دي ظهرت بعد فترة للأسف والتوكيل لما كشف عليها اطمنا عليها

[eslam.maghawry]

يا شباب هو مفيش تفاعل خالص ليه كدا

[kamero]

ده حساس السلانسيه وش !!!
Idle عايز يتنضف او يتغير
وشوف لاقدر الله لايكون جه عليه زيت ولا حاجه

كانت بتعمل كده فى عربيتى المتسوبيشى الله يرحمها

[eslam.maghawry]

طب لما تغير العربية ظبطت معاك

[kamero]

انا جيبته استيراد ! قعد معايا فتره و باظ تانى .. بس بعت العربيه بعدها

جرب تروح لحد ينضفهولك

[Qmax]

روح الشركه تاني طالما عملتها هناك ومفيش تغيير ولو العربيه ليها ضمان خليك وراهم ومتضيعش حقك

[J A G U A R]

الأر بي ام يعلى جامد وينزل وبتحصل حاجات غريبة

لو العربيه على السلانسيه يبقى اكيد حساس ايدل