تأمين دايهاتسو

[john_hurghada]

احسنلي أأمن على العربية فى دايهاتسو نفسها ولا الافضل التأمن تبع اي شركة تأمين اخري ؟؟
وانا بحجز السيريون الراجل اللى هناك قعد يقنعني بالتأمين عندهم
واني لو خبط العربية هاتدخل التوكيل تتصلح مش نظام ادفع وادوخ عقبال ماصرف الشيك من شركة التأمين
ياريت لو حد جرب التأمين عندهم يقولنا ايه اللى ممكن اميزه عن اي تأمين تاني مع العلم انه نسبته عاليا شوية

[OlaOsman]

احسنلي أأمن على العربية فى دايهاتسو نفسها ولا الافضل التأمن تبع اي شركة تأمين اخري ؟؟
وانا بحجز السيريون الراجل اللى هناك قعد يقنعني بالتأمين عندهم
واني لو خبط العربية هاتدخل التوكيل تتصلح مش نظام ادفع وادوخ عقبال ماصرف الشيك من شركة التأمين
ياريت لو حد جرب التأمين عندهم يقولنا ايه اللى ممكن اميزه عن اي تأمين تاني مع العلم انه نسبته عاليا شوية

انا كمان كانوا كلموني على التأمين عن طريقهم. يا ريت لو حد مأمن معاهم يقول لنا عن تجربته.

مبروك مقدما على السيريون :)

[MoToRiZeR]

أخ سريوني جديد !
أهلا بيك يا باشا و يا ريت تدخل كتير و تتابع منتدي دايهاتسو

انا معنديش معلومات بصراحة بس يا ريت لو حد مأمن تبع دايهاتسو يقولنا عشان انا بفكر مجددش مع الجمعية المهلبية

في واحد صاحبي معاه تريوس بس مش متأكد إذا كان مأمن تبع التوكيل ولا لأ .. هسأله و أقولكم

[askoda]

Ana m2amenn ma3ahom

Hoomma kwayseeen gedan enta btwadee el3arabya leltawkeel wb3deen homma bysalmohalak 5alsana wgahza bas bta5od wa2t 3ala malmohandes bta3 elta2meen yeegy ye3ayen el3arabya wkeda ya3ny

elmohem enak fi ela5er bta5od 3arabeetak wtemshy mn 3'eeer wala maleeem wala soda3 wala laff wala ay 7aga wkfaya enha msh bt5rog mn eltawkeeel nafsooo aslan .

law ay 7ad 3ayez yestafsar aktar yes2al wana ha7awel arod 3ala ma2dar

wb3deeen 2.5% msh keteeer

[egyptianmafia]

tayeb law el wahed gab Terios men bara el tawkeel....men 3and authroized dealer...can he go to the tawkeel and get insured with them???

the 2.5% is really good versus contact at 4%

[askoda]

i dunno but yopu can ask fi ay ma3rad bta3 daihatsu

[john_hurghada]

أخ سريوني جديد !
أهلا بيك يا باشا و يا ريت تدخل كتير و تتابع منتدي دايهاتسو

اهلا بحضرتك انا بقالي فترة متابعكوا وانتوا بصراحة اللى حببتوني فى العربية

askoda

شكراااااااا على تأكيدك للمعلومات وياريت لو حد له تجربة تاني مع تأمين دايهاتسو يشاركنا سواء كان بالسلب او الايجاب
يعني ايه مميزاته وايه عيوبه مقارنة بباقي شركات التأمين

[dodino2006]

انا عملت التامين مع التوكيل نفسه علشان لو لا قدر الله حصل حاجة ما ادوخش ما بين شركة التامين و التوكيل و الشيكات و المعينات و الكلام ده ، بس مش اقدر اقيمهم علشان معرفش حد مأمن معاهم و كمان انا ما استلمتش العربية لسه ، بس مبدئيا هو التأمين 2.7 مش 2.5 .

[m10_10]

بص يا سيدي دي تجربتي مع تامين السيريون....

العربيه طبعا بتاعه اختي وكانت معايا طول ماكنت فمصر لدرجه ان ماحدش بيركبها دلوقتي غير اخويا بيلف بيها لفه كل يومين...

المهم يا ريس العربيه احنا امنا عليها قبل مانركب النمر وانا باستلم العربيه مع اختي دفعنا فلوس التامين والوثيقه اخدناها تاني يوم ( اشترينا وامنا من فرع احمد عرابي - المهندسين )...

اخدت نمرة م-اسمه المهندس باهي لو حصل اي حاجه اكلمه...

حصل مرة وانا ماشي عالدائري عربيه نقل محمله ظلط وقعت منه ظلته شرختلي الازاز...

كلمت م-باهي وقلتله قالي كلم قطع الغيار لو الازاز موجود هاقابلك علي طول واستلم منك العربيه... كلمتهم كانت المشكله بس ان الازاز مكانش متوفر واتاخر شويه كتير...

اصراحه كلمتهم كذا مرة وقبل ما اسافر كلموني وقالولي الازاز وصل بعدها كلمت م-باهي وقلتله الازاز موجود قالي احجز وقولي معادك هناك امتي وانا هاكون موجود فنفس اليوم اخويا كلمهم وحجز وكلم م-باهي وراح واستلم العربيه بعدها بيومين لان تركيب الازاز مابيعدش اققل من يومين ... ومادفعناش ولا مليم...

في الحوادث اللي لاقدر الله بتكون جامدة شوية وتكلفه الاصلاح اعلي من 5000 جنيه بيحتاجو محضر وبس... وبرضه مابتدفعش ولامليم...

المعامله معاهم بخصوص التامين محترمه جدا جدا ومتعاونه جدا... المشكله الوحيدة اللي قابلتني مش في التامين بس في توفر الازاز وعلي بال ماجت شحنه الازاز...

[M.Mosaad]

كل سنه و انتم طيبين يا جماعه
انا مأمن مع التوكيل و علي فكرة دة احسن حل مع شركات التامين الزباله اللي في مصر لاني خبطت العربيه تاني يوم مااشتريتها و الحمد لله و غيرت اكصدام و رفرف و كرتيرة و فانوس و رديت الرفرف الوراني معلشي اصلها كانت خبطة جامدة شوية و اتصلحت في التوكيل و اتكلفت حوالي 4600 جنيه بس انا مدفعتش حاجة رحت وديت العربيه قعدت عندهم حوالي 3 اسابيع و رحت استلمتها و مضيت علي الفاتورة بس من غير مادفع ولا مليم و هما بيحاسبوا التامين و مشيت ( و علي فكرة في ميزة كمان ان لحد 7000 جنيه مش بتعمل محضر و لا حاجة اكتر من كد\ة بقي لازم تعمل محضر)
و ربنا يكفيكم شر الحوادث في شوارعنا العجيبه دي

[john_hurghada]

كل سنة وانتم طيبين وبصحة وسلامة
طاب فى حالة عمل محضر لازم يكون اللى كان سايق العربية هوا صاحبها علشان يصلحوها ؟!

[M.Mosaad]

اساسا اي تامين في الدنيا بيتلكك
فانت و انت بتعمل محضر طبعا اعمله باسم صاحب العربيه
لانهم بيصورا رخصة العربيه و رخصة السائق في التوكيل

[john_hurghada]

mohamed_momi88
المحضر دا بيتكتب فى قسم مش فى الشهر العقاري :D
يعني هايتكتب باسم اللى كان سايق :D :D مش انا اللى هاختار
شكرا ياباشا على التنبيه

انا سمعت ان دايهاتسوا احتمال تلغي موضوع التأمين دا عندها

[OlaOsman]

mohamed_momi88

انا سمعت ان دايهاتسوا احتمال تلغي موضوع التأمين دا عندها

الخبر ده أكيد؟

[john_hurghada]

الخبر ده أكيد؟

تقريبا كدا ياعلا، بس مش عارف ايه نظام اللى عاملين التأمين عندهم من قبل كده
مش هايجددولهم ولا ايه
ممكن يسألوا فى الموضوع دا