زيت الفتيس الاوتوماتيك في التوكيل

[medosylka]

لو سمحتوا ياجماعه كنت عايز اعرف نوع زيت الفتيس الاوتوماتيك المستخدم في توكيل دايهاتسوا ولونه ايه بالظبط؟
وكنت عايز اعرف الناس بتحط ايه لفتيس السيريون الاوتوماتيك الموديلات الجديده

[أبو عبدالله]

انا غيرت لزيت اتوماتيك تويوتا من شارع دمشق من العالمية وسعره تقريبا 250 جنيه
اما اللي في التوكيل أظن هتلاقيه موبيل لأن موبيل متعاقدة مع التوكيل في مصر
وده شئ مش الزامي لك يعني براحتك

[hany63]

انا غيرت لزيت اتوماتيك تويوتا من شارع دمشق من العالمية وسعره تقريبا 250 جنيه
اما اللي في التوكيل أظن هتلاقيه موبيل لأن موبيل متعاقدة مع التوكيل في مصر
وده شئ مش الزامي لك يعني براحتك

يا ترى الاداء بيتحسن و النقلات بتبقى انعم لما الزيت بيتغير ؟
ولا الموضوع من باب الصيانه فقط ؟

[bmya]

انا عربيتي سيريون 2008 مغيرلها موبيل atf 320 وهو ده المناسب للعربيه في موبيل متحوطش atf 220 ده مش مناسب لبها
وطبعا السحب اتحسن والفتيس بقه انعم من الاول بس مش فرق كبير لان فتيس السيريون اصلا مش ناعم بطبيعته

[medosylka]

شكرا ياجماعه علي الافاده انا فعلا كنت حاطط mobile atf320 بس نزلته بعد 6000 كيلو لانه حرق فتيس كذا عربيه اعرفهم فنزلته وحطيط زيت بتاع البيجو والستروين لونه ابيض

[bmya]

ما هو اصلا 60 الف حلو اوي عليه ياباشا انا ناوي انزله على 40 كمان مش 60 بتاع الفبريقه اه ممكن تمشي عليه براحتط لكن الواحد مايضمنش الزيوت في مصر اصلا لكن اول مره اسمع عن زيت ابيض بصراحه !!!!!!!

[أبو عبدالله]

الزيت الأبيض ده علشان الحساسات موصل للكهرباء تقريبا على ما اتذكر
بس في السيريون مالوش لازمة

[Dr_Smart]

كتالوج السيريون بينصح بإيه ؟
مش atf 3309 ؟

[bmya]

السيريون من الكتالوج dexron 3 المقابل ليه في موبيل atf 320

[smsm199]

هوا ازاي اعرف ان محتاج اغير الزيت لان انا كنت عامله 3000 كليو بس مش فاكر وقتها العربيه كانت عامله كام كيلو انا معايا سريون اتو

[bmya]

ممكن توضح اكتر اولا انت كلامك على زيت ايه فتيس ولا موتور ؟

[smsm199]

الفتيس

[bmya]

ماله بقه زيت الفتيس :))

[smsm199]

ماله بقه زيت الفتيس :))

ازااااي اعرف انه محتاج يتغير

[bmya]

العربيه معاك من الزيرو ؟؟
لو معاك من الزيرو هتغيرها بعدد الكيلو مترات يعني ممكن على 60 الف انا كنت منزله على 70 وحطيت موبيل atf320 وهنزله برده بالكتير اوي ان شاء الله كمان 60 الف
لو العربيه جايبها يوزد من حد عارفه ممكن تسأله هو مغيره امته ولا مش مغيره اصلا وتغيره وانا افضل العربيات اليوزد انك تغير لها كل السوائل اضمن
كمان ممكن تبص على الزيت نفسه وتشوف لونه لسه احمر ولا بقه اسود