استفسار بخصوص عفشه الشاريد 1990

[mohamed_rhem]

اذيكم يا شباب
انا بس لي استفسار صغير
عايز اعمل العفشه بتاعه عربيتي
هل حاجه العفشه في متخصصين محلات مخصوص ليها بيبعوها زي الجلب والمقصات والبارات والكاوتش وخلافه ولا عند بتوع قطع غيار الديهاتسو بس
وفين احسن مكان اجيب منه
هل محتاجه عفشجي معين او اي حد شاطر وخلاص
ايه اللي انا محتاجه بعد العفشه
استعدال جنوط
ضبط زوايا واتزان
في حاجه تاني غير كده انا سمعت ان في حاجه اسمها روتشن ده امتي
انا عندي الكبالن بتطقطق هل لازم اغيرها مع العفشه ولا ملوش علاقه
وانا كمان عرفت اني ممكن اغير راس الكوبلن بس
ياتري مين بيبيع راس الكوبلن بس
وشكرا مقدما

[أبو عبدالله]

أزيك يا استاذ محمد

أولا اي قطع غيار لأي عربيه لا تصنف عند بتوع قطع الغيار
يعني مفيش حاجه اسمها واحد بيبيع حاجة العفشة ووواحد بيبيع حاجة الماتور والكلام ده

الحاجات دي كلها هتلاقيها المفروض عند بتوع قطع غيار دايهاتسو

احسن مكان هتلاقيه في الموضوع اللي مكتوب في الساحة هنا اللي فيه جميع محلات بيع قطع الغيار لدايهاتسو

الموضوع لا يحتاج عفشجي معين
وانما يحتاج عفشجي شاطر مش اكتر

اللي هتحتاجه بعد العفشة هو تظبيط وترصيص زوايا واستعدال الجنوط ايضا لو فيها حاجه فقط


ولو الكبالن بتطقط يبقى اكيد هتحتاج تغييرها علشان اي حاجه في العفشة بتأثر على اختها

وانصحك بلاش تعدل وتصلح فيهم
غيرهم اسلم شئ

اما شغل التصليح والكلام ده اولا مش معمر اصلا وهترجع تاني
ثانيا مش أمان خالص للعربيه لأنه ممكن يفرط

المهم انا رايي تشوف جديد وتغيرهم افضل
وهتلاقيهم برضه عند بتوع قطع الغيار

وربنا يعينك واي استفسار ان شاء الله موجودين

[mohamed_rhem]

شكرا اخي الكريم ابو عبدالله
وجذاك الله خيرا
يعني انت رأيك استني شويه واعمل الكبالن مع العفشه ولا العفشه دلوقت والكبالن لما ربنا يسهل قدام شويه؟
بس انا لي استفسار
انا بتكلم عن كوبلن جديد بدون العمود مش تصليح وخلافه اسمها راس كوبلن
اللي عليها الشغل
اما الكوبان كامل بيبقي الراس والعمود
فياريت بس حضرتك توضحلي رأيك علشان انا فهمت ان حضرتك تقصد اني عايز اصلح اللي عندي
وشكرا جزيلا
ابو اياد

[أبو عبدالله]

لا شكر على واجب

انا رايي لو الموضوع مش مأثر على حاجه يبقى تستنى علشان العربيه تتفك كلها على بعض مره واحده
وعلشان الجديد يبقى كله مره واحده

اما عن الكوبلن فالمفروض اللي يحدد الكلام ده الصنايعي
لأن تغيير العمود او عدم تغييره ده بيعتمد على حالته ومدى توافقه مع راس الكوبلن الجديد
وانا نصيحة مني بضه لو مش هتفرق في الفلوس كتير كبر دماغك وهاته كله على بعضه يبقوا معشقين افضل مع بعض وهما جداد

[mohamed_rhem]

شكرا يا باشا علي النصيحه
توضيح بسيط
انا قبل كده عملت شغل في العفشه عندنا في حدائق القبه عفشجي تحت البيت
بخلاصه اشتغلتي علي 3 مرات اول مره وانا بركن العجله ده فيها مشكله
قولتله ربنا يجازيك خير وشكرا انك عرفتني سيتله المفتاح والصبي بتاعه جابلي كاوتشه مقطوعه وقاله ده بايظه قولتله طيب
المهم اللي انا قهمته ساعتها ان في حد بيجيبوا منه حاجه العفشه اللي اكدلي ان انا بنفسي اشتريت طبه زيت ومسمار عجل من عند بتاع اكسسوار يعني الياباني كله بيركب علي بعضه كمان عندي ماسوره شجره نحاس ورا افران الشاكمان بتاخد من الردياتير بتاعه متسوبيشي وهي هي مفيش فرق
المهم صاحبنا العفشحي جيت احاسبه قالي 22 كاوتش احنا فاصلنا ب 20 ومصنعيه 20
قولتله اتفضل
مره كمان قالي نفس الموضوع وبرضه نفس المبلغ 40 جنيه
المره التالته فكلي القطره اللي ماسكه العجلتين الخلفيتين واخد حوالي 120
ولا فارق زي ما هي
يعني دفعت 200 علي ولا حاجه
ف انا كان استفساري
زي ما في محلات بتبيع الدسك والاسطوانه والدبرياج بكل الاحجام والمقاسات قولت اكيد في محلات بتبيع حاجه العفشه طيب لو مفيش
لما اجي اشتري حاجه العفشه اشتري انواع ايه
علشان في حاجات مضروبه وشكلها ميطمنش
وشكرا اخي الفاضل علي تواصلك معي
ابو اياد

[أبو عبدالله]

أولا الطبة والمسمار دول غالبا بيبقوا كلهم مقاس واحد فده شئ عادي مش محتاج نوع العربية او موديلها

اما الحاجات المتخصصه في تصميم العفشة أكيد هيبقى فيها اختلاف

المهم الحاجات تشريها من محلات قطع الغيار المعروفة لبيعها دايهاتسو

^^** == محلات قطع غيار دايهاتسو == ** ^^

لأنك هتلاقي الأنواع الياباني المتوافقة مع عربيتك ده لو ملقتشي الأصلي بتاعها كمان

يعني انا رايي انك تسال في المحلات دي حتى لو بالتليفون عى كل قطع الغيار اللي ان عاوزها وتشوف اسعارها وتعمل حسابك وتتوكل على الله وربنا يعينك ان شاء الله

انا عاوز اعرف هو عمل ايه في الدنجل الخلفي للعربيه ؟؟؟؟

عالعموم انا رايي تشوف ورشة معروفة ومحترمة


وبعدين مفيش حاجه اسمه محلات بتبيع الديسك والأسطوانة جميع الأحجام
اللي بيبع بيبيع بالماركة والموديل مش بالمقاس يا أخي

[mohamed_rhem]

عندنا في مصر محلات بتبيع دسكات واسطوانات صيني مجهوله الهويه اهم حاجه القطر الداخلي والخارجي وعدد الستون اللي بيركب فيها الاكس وكمان بيخرطوا الدس القديم ويركبوا تيل الاسطوانه القديمه بتاعتك
غالبا سائقي الاجره زبائن دائمين عند المحلات ده

[cybrarian]

الاخ الفاضل

انا عندي شاريد 1991 وخلال ايام هاعمل العفشة بتاعتها، يعني زي حالاتك.

بالنسبة للكوبلن، اعتقد انه صعب جدا تلاقي حد بيبيع الرأس فقط، واذا كان بيطقطق في الملفات فقط ، ممكن تصبر عليه شوية، لكن اول ما يطقطق وانت ماشي طوالي لازم تغيره فورا، وعلى فكرة تغييره مش هاياخد اكتر من 30 دقيقة، وسعره 160 جنيه.

واليك اسعار قطع غيار العفشة من عند محل فاروق:
مساعدين امامي: 625
مساعدين خلفي: 625
مقصين: 300
علبة دركسيون: 450

دي الحاجات اللى اعرف سعرها، وكلها على فكرة ياباني اصلي.

اتمنى اني اكون اضفت لك جديد