فلتر زيت دايهاتسو سيريون

[Ramy_2R]

حاليا انا جيت فلرت زيت لسيريون 2008 1.3
من شارع دمشق
ال هو الأسود ال في الصورة
و فلتر من التوكيل
انهي فيهم ال مظبوط ؟

عشان أرجع التاني

[توفيق طة]

فلتر زيت السريون جميع الموديلات

حشو فقط اللى باللون الأصفر...,.

تحيـــــــــــاتى

[bmya]

زي ما الكبير استاذ توفيق ما قالك ياباشا السيريون حشوه صفره مش فلتر كامل + انه نفس الكورولا الجنوب افريقي الحشوه بتاعت الكورولا هي هي بتاعه السيريون عشان لو اتزنقت هات بتاعت الكورولا هتلاقيها متوفره عن السيريون اللي ادالك الفلتر الاسود بتاع الكورلا ده اكيد بياع بطيخ عمره ما سمع عن السيريون ههههههههه
وياريت تقولنا جبته بكام من التوكيل للعلم بالشئ
بالمناسبه شارع دمشق اشهر اتنين بتوع دايهاتسو هما اولا جابر والعالميه وهما الاتنين قصاد بعض ولو ملقتش حااجه عندهم ما تتعبش نفسك وتدور عشان غالبا مش هتلاقي بره طالما مش عندهم ده من خبره لف في شارع دمشق

[Ramy_2R]

سعر فلتر الهواء 199
سعر فلتر الزيت 57.5

بدون ضريبه

مش جايب حاجه من التوكيل تاني

بالمره
سعر طقم الدبرياج 1850

سعر سلك الدبرياج 365

[bmya]

فلتر الهواء 200 جنيه من غير ضريبه يا نهاااااااااااار
فلتر الزيت انا بجيبه الاصلي اخر مره جبته ب 70 من بره يعني مش فارق عن التوكيل لتر الهواء بجيبه اتحاد اوروبي ب 80 جنيه وبغيره كل 10 الاف
الدبرياج انا اتوماتيك

[Ramy_2R]

طيب فلتر الزيت بيقعد 10 تلاف بس بردو ؟

أنا كنت متظبط مع الكريستاله
كنت بروشها كلها ب 100 جنيه :d

[medo_sirion]

مبروووووووووووك الفلتر
وزي ما رجاله ديهاتسو قالولك الفلتر الحشو هو بتاع العربيه

[bmya]

على فكره انا كمان كان معايا كريستاله قبل السيريون وكانت معايا من الزيرو برده وطبعا الكريستاله عربيه مهروسه في مصر يعني ااي مكان هتلاقي لها قطع غيار
بالنسبه للفلتر بتاع الزيت انا بغيره مع الزيت وانا بنزل الزيت كل 7000 بحوط ليكوي مولي يعني كل غيار بغير فلتر وده افضل وطبعا الفلتر معاك لحد ما تغير الزيت ولو هتغير الزيت كل 5000 مش 10000 ممكن تغيره كل غيارين زيت بس نصيحه بلاش تحوط للسيريون زيت معدني 5000 سواء شيل الاصفر او موبيل عشان بيخلوا صوت الموتور عالي جدا وخشن والسحب بيتقل واستهلاك البنزين بيزيد وده عن تجربه مش كلام على النت :) ومستنيين تقريرك عنها ومقارنه بينها وبين الكريستاله

[mohamed_rhem]

زي ما الزملاء افادو الفلتر الحشو

شويه نصائح في اويل سيل صغير محدش بيغيرة ده المفروض لو هنغير زيت مش فلتر

تغيره مرة في السنة علشان ميسربش

خلي بالك من الفني وخصوصا وهو بيربط الطبة علشان ميكسرهاش

في ناس بتفضل الشفط

انا بفضل تصفية الزيت لاخر نقطه

تحياتي

[Ramy_2R]

مبروووووووووووك الفلتر
وزي ما رجاله ديهاتسو قالولك الفلتر الحشو هو بتاع العربيه

الله يبارك فيك :)
تصدق لسه معملتش الصيانه النصحتني بيها
عمال بأجل من جمعة لجمعة لجمعة :D

على فكره انا كمان كان معايا كريستاله قبل السيريون وكانت معايا من الزيرو برده وطبعا الكريستاله عربيه مهروسه في مصر يعني ااي مكان هتلاقي لها قطع غيار
بالنسبه للفلتر بتاع الزيت انا بغيره مع الزيت وانا بنزل الزيت كل 7000 بحوط ليكوي مولي يعني كل غيار بغير فلتر وده افضل وطبعا الفلتر معاك لحد ما تغير الزيت ولو هتغير الزيت كل 5000 مش 10000 ممكن تغيره كل غيارين زيت بس نصيحه بلاش تحوط للسيريون زيت معدني 5000 سواء شيل الاصفر او موبيل عشان بيخلوا صوت الموتور عالي جدا وخشن والسحب بيتقل واستهلاك البنزين بيزيد وده عن تجربه مش كلام على النت :) ومستنيين تقريرك عنها ومقارنه بينها وبين الكريستاله

فعلا عندك حق العربيه فيها شل الأصفر و حاسه خشن جدا
أستاذ محمد "ميدو سيريون " جزاه الله خير نصحني ب زيت 10000 و إن شاء ححط 5w30
أظبط بس الصيانه و أعمل التقرير

زي ما الزملاء افادو الفلتر الحشو

شويه نصائح في اويل سيل صغير محدش بيغيرة ده المفروض لو هنغير زيت مش فلتر

تغيره مرة في السنة علشان ميسربش

خلي بالك من الفني وخصوصا وهو بيربط الطبة علشان ميكسرهاش

في ناس بتفضل الشفط

انا بفضل تصفية الزيت لاخر نقطه

تحياتي

طيب هو الأويل سيل ده بيجي مه الفتلر ولا مش تبعه ؟
انا بفضل التصفيه برده

شاكر جدا ليكم :)

[bmya]

الفتر بيجي معه 2 جوان واحد كبير ده بيتغير مع كل غيار والصغير ده ممكن تغيره كل فتره زي محمد رحيم ما قالك كده