سريون 1000 سي سي -استفسار

[Karim_Monir]

السلام عليكم
لي صديق بيشتري سريون الف سي سي
هل هي عربية حلوة ولا موتور ضعيف ؟
هو هايستعملها سيتي كار
وهل هي 3 ولا 4 سلندر
في قطع غيار ناقصة ولا متوفرة كلها
شكرا مقدما يا رجالة الدايهاتسو
تحياتي

[J A G U A R]

عليكم السلام

ماتورها 3 سلندر والماتور 1000 cc وبالنسبه لحجم العربيه هايعملو اداء كويس بس تكون الحاله كويسه طبعا وقطع غيارها اعتقد انها مش متوفره بكثره بس موجوده وهاتبقى غاليه نسبيا

[elking60309]

العربية 3 سلندر ومش هتحس اى فرق نهائى وحتى مع تشغيل التكييف السحب ممتاز اما بالنسبة لقطع الغيار الى الان لم ابحث عن قطعت غيار ولم اجدها ولو غاليه نسبيا بس عمرها الافتراضي ممتاز

[medo_sirion]

العربيه ممتازه جدا وموضوع ال 3 سلندر 1000 سى سى مش هيحس بيها اطلاقا
الى هيلاحظوا ان استهلاك البنزين اكثر من رائع
الجميل فى الموضوع ان بيجوهاتها بيجوهات موتسيكلات علشان يوفر اقل استهلاك للبنزين
العربيه عمليه و وسعه جدا

[Karim_Monir]

شكراجزيلا ليكم
التهم من سعر قطع الغيار التوفر
هل هي متوفرة في القاهرة كويس ؟

[bmya]

كريم ياشا منور قسم الدايهاتسو النايم ههههههه
المهم العربيه كأداء مش عارف عشان انا معايا ال 1300 بس اللي اسمعه انها تمام اوي
بالنسبه لقطع الغيار متوفره طبعا هي مش متوفره غير في القاهره اصلا :)) انا بجيب كل حاجتها من شارع دمشق موجود اصلي وفي بعض الحاجات موجود منها كذا حاجه غير الاصلي

[mohamed_rhem]

حبيب الملايين كريم بك

انا عندي العربية وماشي بيها 100.000 كم من الزيرو

جوا البلد وسفر ماشاء الله

صفقه رابحة ان شاء الله

[Karim_Monir]

يا عم نايم ليه ما شاء الله مدورتش علي معلومة الا ولقيتها القسم غني جدا بيكم

محمد رحيم ربنا يباركلك فيها
هي متوسط سعرها يعمل كام دلوقتي لو واحد حالة سليمة

[أبو عبدالله]

كل حاجتها موجوده يا كريم في العالمية في الحرفيين او شارع دمشق
العربيه سعهرا حسب الحالة بس بيلعب في 60 زيادة او نقص حسب الكيلوهات والحالة الخارجية

[Karim_Monir]

حبيبي يا شهبور
طب ممكن اسعار استراشادية تقريبيا

فانوس امامي
فانوس خلفي
رفرف
مقص
كوبلن
تيل ورا وقدام
طنابير
مساعدين ورا وقدام
فتر هوا
فتر بنزين
سيور
اللي فاكر سعر حاجة يقولها

[أبو عبدالله]

الاسعار اللي اعرفها
المقصات 1200
تيل امامي 380
تيل خلفي 180
فلتر هواء 160
فلتر بنزين بيتغير مع العوامة كلها 1000 وشوية
سير محموعة بــ 160 تقريبا او اقل على ما اتذكر

[Karim_Monir]

اسعار كويس جدا شكرا يا ابو عبد الله
بس اغلاهم المقصات

[bmya]

دي اسعار الاوريجنال يا كريم وبالنسبه لعربيات كتير تعتبر رخيصه لكن فيه حاجات تانيه تايواني مثلا غير الاصلي برده
الطنابير الطنبوره الكبيره مش الصغيره بتاعت ال 1500 و ال 1300 موديلات من اول 2008 موجود منها ريمسا اسباني ب 500 ونوع تاني ب 650 والاصلي ب 1250الطنبوره الصغيره موجود من اول 350

[Karim_Monir]

طب كدة اسعارها معقولة فعلا

[Karim_Monir]

ممكن تفيديوني في سعر ااكصدامين امامي وخلفي وسعر فانوسين امامي
وطقم دبرياج اصلي ؟؟