سؤال بخصوص فتحة اكصدام امامي سريون مش عارف بتاعت ايه

[Karim_Monir]

السلام عليكم ورحمه الله
طبعا هاصدعكم الفترة دي في الول بس كدة لحد ما امسك التراك :-)

دلوقتي في السريون ال الف الاكصدام الاصلي اللي راكب في العربية فيه فتة غريبة كدة معرفش بتاعت ايه
وانا بغير الاكصدام ومش عاجباني الفتحة دي
هل لو جبت اكصدام تاني مفيهوش الفتحة دي هاياثر علي حاجة في التهوية او التبريد ولا دي فتحة ايه بالظبط
لا انا اشتريت اكصدام فعلا فيه الفتحة دي بس شكلها مش عاجبني
عايز اجيب واحد مقفول مفيهوش الفتحة دي
اه مانا بعد ما كنت دايخ ومش لاقي عثرت علي كنز اكصدامات بقي :-)
وبنقي وبتامر براحتي :-)
دي صورة الاكصدام الحالي اللي فيه الفتحة

دي صورة وهي جديدة في المعرض





ودي صورة من غير الفتحة دي


يا ريت تردو النهاردة عشان احق اغير الاكصدام بس

[Ramy_2R]

كان في حد من فتره قال انها موجودة لزيادة التهوية في الدول الحاره
و ممكن أعرف حضرتك لقيت الأكصدام بكام و عند مين :؟

[Gelgel2004]

السلام عليكم كريم باشا
الفتحه دى لزياده التهويه و الله اعلم
و الفرق فى اللى مافيهوش فتحه حسب بلد الاستخدام الدول الاوروبيه او الشرق الاوسط
ممكن تسالى فى مغارة الاكصدامات اللى حضرتك عترت عليها دى :) على اكصدامات سيينا امامى و خلفى:) و ياريت لو لقيت او رمادى ميتالك
الف شكر

[rotanamasoud]

فى اعتقادى انها فتحه فلتر الهواء والله اعلم
وبنتهز الفرصه وفى سؤال عايز اسئلهولك
لما بكون عايز احط صوره فى توقيعى مبلاقيش علامه الصوره اصلا مع ان اعضاء اقل فى المشاركات وحطين صوره فى توقيعهم
ولما احتاج احط لينك فى توقيعى بيقولى كود html معطل مع ان فى اعضاء عامله روابط فى توقيعها

[Karim_Monir]

رامي دي اكصدامات خلع تامين
حالتها بتكون 80 % وبيكون فيها كسر او لحام بسيط وانا كدة كدة هارشه لانهم بيكونو مجرحين
الاكدصام الاصلي ب 1200 جنيه
خلع التامين ب 500 وانا فاصلت كمان عشان خدت 2 ورا وقدام
موجود عند مصطفي الطوخي في الحرفيين

عبد الجليل باشا ده بتاع دايهاتسو بس للاسف لكن ابصلك عند بتوع فيات واقولك يا كبير

روتانا فلتر الهوا تحت الكبوت جوة علبتة

دي فتحة دخول هوا زيادة تقريبا بس مبوخة شكل العربية عشان كدة بفكر اجيب اللي من غير فتحة فقولت اسئل الاول يمكن هاتفرق

[MohssenRashed]

كريم بيك ممكن تفاصيل اكتر عن الراجل ده عشان حاجات دايهاتسو هنا في اسكندرية غالية اوي

[Karim_Monir]

01117412899
مصطفي الطوخي
الحرفيين- قريب من العالمية ونزلة الريحاني
عندة خلع تامين كتير قوي وده بيكون اكصدام حالتة بين 60 الي 80 %
ممكن يتظبط عن بتاع بلاستيك ب 50 ولا 100 ودنة مكسوره ولا حاجة
غير ابو 1200 الجديد وخامته بتكون اقل من ده بكتير
انا خدته اقل من 500 طبعا بس ده السعر اللي هايقولهولك
والتوكيل 1309 من غير الضريبة :-)
وبعد كدة ممكن تجي الورشه ارشهولك اللون اللي يعجبك
بتاع اسكندرية ده كلمته قالي الكصدامين بالفين ونص وفانوسين 2000 :-)
ده انا في ال بي ام الاكصدام استيراد بالف جنيه
بتاع بي ام قد ده 4 مرات وموديل 2007 مش قديمة :-)
والفانوس الاصلي استيراد 700 ولا 800 :-)

ناقصة جنان اصلها

[eng.salama93]

معتقدش الفتحة دي هتأثر علي حاجة ولو ان كل ما اشوف سيريون بتشدني الفتحة دي و عجباني :)

[enghany]

بشمهندس كريم
اتمني ان تكون انت و الاسره بافضل حال
بص في اكصدامات في الحرفيين بتكون بتاعه عربيات بره يعني مثلا لو انت اشتريت اكصامات فيرنا هتلاقي فيها مكان فوانيس اشاره و دي مابتنزلش في العربيات المصري فهل ده قصدك و لا ايه ؟

[Karim_Monir]

بشمهندس كريم
اتمني ان تكون انت و الاسره بافضل حال
بص في اكصدامات في الحرفيين بتكون بتاعه عربيات بره يعني مثلا لو انت اشتريت اكصامات فيرنا هتلاقي فيها مكان فوانيس اشاره و دي مابتنزلش في العربيات المصري فهل ده قصدك و لا ايه ؟

شكرا يا هندسة
لا دي فتحة دخول هوا بص في السورة كويس لان وراها حتة مقوله بس بتدخل هوا ممكن للريداتير مثلا عشان كدة بسئل
لان اكيد الردياتير بياخد هوا من اماكن تانية

[eng.salama93]

شكرا يا هندسة
لا دي فتحة دخول هوا بص في السورة كويس لان وراها حتة مقوله بس بتدخل هوا ممكن للريداتير مثلا عشان كدة بسئل
لان اكيد الردياتير بياخد هوا من اماكن تانية

انا فاهم قصدك .. انا فكرت ف الموضوع دا كتير قبل كدا عشان في عربية سيريون بتركن جنبي بس مش فاكر وصلت لنتيجة ايه بصراحه عشان الميكانيكا مبهدلانا ع الأخر و الواحد مخه ساح
هو بالنسبة للهوا فا الشبكة و الإكصدام فيهم هوايات و طالما العربية بتنزل برا بالإكصدام المقفول فا ممكن تشتغل بيه
بس انا شايف ان الفتحة دي هتزود التهوية شوية و خصوصا انك لسه قايل ان الجو بكره درجة حرارتة 41 :d
انا عن نفسي عاجبني شكلها جدا :) ازواق بقي
بس هدورلك تاني ف الموضوع دا و افكرلك فيه

[eng.salama93]

انا دورت شوية و لقيت انها بتنزل برا بشكلين .. واحد اللي انتا منزله اللي من غير فتحه و التاني
دا

يفضل تخليك ف الإكصدام دا عشان تريح العربية حاجة بسيطة
بس كدا كدا احتمال متلاقيش اللي من غير فتحه عشان دا اوروبي بس و انتا بتقول بتجيبها خلع تأمين :D

[Karim_Monir]

الاكصدام الاس ده مفيش منه نهائي كان ممكن اشتريه لو باي تمن

[Gelgel2004]

رامي دي اكصدامات خلع تامين
حالتها بتكون 80 % وبيكون فيها كسر او لحام بسيط وانا كدة كدة هارشه لانهم بيكونو مجرحين
الاكدصام الاصلي ب 1200 جنيه
خلع التامين ب 500 وانا فاصلت كمان عشان خدت 2 ورا وقدام
موجود عند مصطفي الطوخي في الحرفيين

عبد الجليل باشا ده بتاع دايهاتسو بس للاسف لكن ابصلك عند بتوع فيات واقولك يا كبير

روتانا فلتر الهوا تحت الكبوت جوة علبتة

دي فتحة دخول هوا زيادة تقريبا بس مبوخة شكل العربية عشان كدة بفكر اجيب اللي من غير فتحة فقولت اسئل الاول يمكن هاتفرق

الله يكرمك يا باشا
انا اتاكدت انها لدخول هواء زياده و الاحسن تخليها
و لو موش عاجبك شكلها ممكن تجملها بشبكة سلك مثلا بحيث تغير الشكل من ناحية و تفيدك من ناحيه تانيه
تحياتى

[eng.salama93]

دا حتي العادي اللي مفيهوش فتحة صعب تلاقيه لأنه اوروبي