تريوس 2015

[echo7]

في البدايه انا من اشد المعجبين بالشكل الخارجي لتريوس و رحت اتفرجت عليها في التوكيل من كام يوم.ركبت العربيه حسيت انها من جوه فقيره جدا مش دي العربيه الي ادفع فيها 164 الف جنيه. علي الرغم من اعتماديتها و انها ياباني وعاليه بس بصراحه من جوه مش مبسوط منها حاسس ان الاوبترا الي معايا شكلها احسن منها من جوه.المهم دلوقتي في اخبار ان شكلها حيتغير 2015 وشفت كام صوره كده علي النت لعربيه اختباريه بيقولوا انها حتبقي تريوس الجيل الجديد.تشوروا عليا بي ايه اعصر علي نفسي لمونه و اجيب التريوس ولا استني شويه علي ما ينزل الشكل الجديد.طبعا صرفت نظر عن النيسان قشقاي لغلو سعر قطع الغيار و الكيا سبورتج تمنها غالي جدا وفي الاخر عربيه كوري
منتظرارائكم

[J A G U A R]

اشمعنا التيريوس اللى عجباك .. فى عربيات تانيه كويسه وأحسن منها بكتير

[echo7]

ذي ايه من نفس الفئه؟

[J A G U A R]

لو هاتدفع 164 الف ممكن تشوف شارك هاى لاين او كروز او فلوانس e3 او كورولا او سيراتو .. العربيات دى كلها افضل من تيريوس

[echo7]

بس مش نفس الفئه دول سيدان والتريوس suv

[J A G U A R]

بس مش نفس الفئه دول سيدان والتريوس suv

اه انا بحسب مش شرط suv

[mhkorayem]

suv في رنج السعر ده هات كيا سول أفضل حل بس يارب تنتشر ومتبقاش زي هيونداي ix20

[echo7]

كيا سول عكس التريوس وحشه من بره وحلوه من جوه

[sanhory]

رائي تبص عالبريليانس ال v5 قبل ماتقول صيني روح شفها و جربها في البافارية
والبالتوفبق ان شاء الله

[echo7]

v5 شكلها حلو بس بصراحه مش حيجيلي قلب ادفع 150 الف في عربيه صيني وفي ناس بتقول فيها مشاكل . انا عاوز عربيه متجربه مش ناقص وجع دماغ وتوكيل وشكاوي و حمايه مستهلك.

[sanhory]

v5 شكلها حلو بس بصراحه مش حيجيلي قلب ادفع 150 الف في عربيه صيني وفي ناس بتقول فيها مشاكل . انا عاوز عربيه متجربه مش ناقص وجع دماغ وتوكيل وشكاوي و حمايه مستهلك.

الناس مش سايبة عربية في حالها انت تركب اللي يعجبك و سيبك من الناس .

[Mahmoud88888]

ما تفكر في الداستر يا باشا

[semsem5144]

peugeot 2008 اشيك بكتير من التريوس والهاي لاين جميله جدااا

[echo7]

الداستر مانيوال مفيش منهااتوماتك البيجو بفكر فيها حقيقي بس لسه جديده ومحدش يعرف ظروفها ايه غير ان ارتفاعها عن الارض 16.5 سم بس يعني مش عاليه قوي بس هي في بالي برضو

[Imhotep]

مادام هتدفع فلوس كتير فى سلعة المفروض انها معمرة و هينزل لها شكل جديد يبقى الانتظار افضل