معلومه ثرموستات مروحة الاكسل بتركب علي الشاريد 90

[geo_yacoub]

احبائي واخوتي اعضاء نايل موتورز
كان عندي مشكلة في الترموستات بتاعت مروحة الردياتير وهي انها علقت علي مفتوح يعني بقت شغاله علطول من اول مابدور الكونتاكت
والفني قالي دي عايزه ترموستات ،، دورت عليها ملقيتهاش غير عند واحد ف شارع شبرا وقالي دي بتاعت فبريكتها بس انا لاحظت انها اطول من الناحيه الداخله ف الموتور لكن قطر الصاموله واحد وكانت ياباني وب 90 جنيه ، وعرفت انها بتاعت الشاريد بس موديل قديم مش بتاعت موديلي دي
قعدت معايا كتر خيرها شهر ونص وباظت .. علقت علي مقفول :d :d يعني المروحه مبقتش تفتح بس ستر ربنا اني عامل زرار طوارئ للمروحه
وواحد ابن حلال اداني ترموستات الاكسل!! بصيت علي الابعاد عملت زي محمد هنيدي ف رمضان مبروك .. انبي هوو .. احيات النبي هووو :d
نفس الابعاد والقطر وركبتها اشتغلت 100 100
فلو حد صادفته المشكله دي يتجنب بقه المشاوير ويلفلف علي ترموستات الشاريد ،، يجيب الاكسل وينجز و ب 40 جنيه

[Gelgel2004]

مشكور و جزاكم الله كل خير

[amoor89]

اللى ب40 جنيه مش اصلية وخلى بالك منها الاصلى 65 جنيه