طنابير تيريوس 2012 اماميه

[ehab_mansour]

السلام عليكم يا جماعة

اخي عربيته الجراند تيريوس فيها رعشة مع الفرامل و دي حسب فهمي محتاجه تغيير للطنابير الامامية ... هي العربية دي بتحتاج تغير طنابير و تيل بسرعه كده ؟؟؟ بيقول ان التيل اخره 15 الف كيلومتر و الطنابير اهه محتاجه تغيير بعد اقل من سنتين

السؤال هنا يا تري اشتري طنابير منين بالضبط و ياريت لو ارقام لمحلات قطع الغيار ليها و لو فيه حد في اكتوبر يبقي تمام
لو حد غير طنابيرها ياريت يقلنا علي افضل الانواع و الاسعار
ياريت كمان سعر و افضل نوع للتيل امامي و خلفي
و هل الموضوع صعب ولا ممكن اي حد يغيرهم و لا لازم التوكيل لأنه مش عايز يروح التوكيل لأن اسعارهم غالية بغباء و علي الفاضي

و جزاكم الله خيرا مقدما و كل عام انتم بخير

[mr_green]

على حد علمى المتواضع

صعب أوى الطنابير فى الفترة دى تسافر كده

أول حاجة خليه يرصص فى مكان كويس - ذى fit and fix
لو لسه

هل هو مركب تيل نضيف ولا لأ ؟ لأن التيل ممكن يبوظ الطنابير

خليه يكشف عند ميكانيكى كويس و بعدين يشوف إيه الموضوع

[ehab_mansour]

على حد علمى المتواضع

صعب أوى الطنابير فى الفترة دى تسافر كده

أول حاجة خليه يرصص فى مكان كويس - ذى fit and fix
لو لسه

هل هو مركب تيل نضيف ولا لأ ؟ لأن التيل ممكن يبوظ الطنابير

خليه يكشف عند ميكانيكى كويس و بعدين يشوف إيه الموضوع

الكاوتش متغير جديد لسه و مترصص صح و مافيش اي رجرجه مع المشي ... الرجه فقط مع الفرامل

التيل متغير في التوكيل اخر مره المفروض انه الاصلي لأنه غالي جدا

[mr_green]

طالما بيروح الوكيل خليهم يكشفوا عليها هناك لو فيه مشكلة فى الضمان تتغير لو خلص الضمان يعرف إيه المشكله و يصلحها بره

[ehab_mansour]

طالما بيروح الوكيل خليهم يكشفوا عليها هناك لو فيه مشكلة فى الضمان تتغير لو خلص الضمان يعرف إيه المشكله و يصلحها بره

اكرمك الله لمتابعتك
التوكيل في اخر صيانه قله طنابير و كان كاتبها في الفاتورة ب 2000 جنيه غير التيل كمان غالي عشان كده بدور عليهم بره لأنها غاليه جدا و هو مغيرهاش وقتها

[alemam2005]

بص حضرتك 90 % عربيه حضرتك مش محتاجه طنابير و لا حاجه لان المشكله دي حصلت معايا ب 10 الاف فقط من شراء السياره


المشكله الرجه دي مع دوسه الفرامل ان البيه المحترم اللي في التوكيل و اثناء الصيانه بيظبط رجلاش الفرامل الخلفي و للاسف بعد ذلكك بيكون التيل العجل الخلفي تقيل جدا و ساعات العجلتين في الرجلاش مش ذي بعض في ظبطه الرجلاش.


طبعا العربيه اتوماتك وساعت ما بتيجي تشيل رجللك من علي الفرامل و دوس فرامل فيه عجله من العجل الخلفي تقريبا بتقفش و بحس برجعه شديده بالظبط كما لو ان الطنابير الاماميه عاوزه تتخرط او تتغير.

حل المشكله دي ان حضرتك تخف رجلاش العجل الخلفي شويه و ان شاء الله المشكله تتحل.

المشكله دي مش بتكون ظاهره في العربيات الدفع الامامي و خاصه المانيوال

[mr_green]

أخى الفاضل - إنت لم توضح إذا كان العربية فى الضمان ولا لأ

لو فى الضمان يبقى غصب عن التوكيل يغير على حسابه الطنابير

+ راجع موضوع رجلاش الفرامل ده ممكن فعلا يكون ده السبب

ياريت تقول العربية ماشية كام ألف كيلو و موديل كام

[ehab_mansour]

العربية في الضمان و ماشيه في رينج ال 50 الف كيلومتر و موديل 2012

امبارح نزلت بصيت علي الطنابير هي فعلا فيها ريجه خفيفة و لكن لا تستدعي تغيير الطنابير حاليا
بعد البحث امس في اكتوبر لم أجد سوي طقم تيل ماليزي و عجبني خامته و اشتريته ب 65 جنيها و تم تركيبه ب 30 جنيها و الحمد لله و اكتشفت ان التيل الامامي كان منتهي تماما و ده احد اسباب ظهور الهزة دي و بعد تغيير التيل اختفت و الحمد لله و لكن لازالت الطنابير فيها ريجه خفيفه ايضا و اتفقت مع الميكانيكي نفكها المره القادمه و نمسحها علي المخرطه

استكمالا للمعلومات ... لم اجد طنابير اماميه للجراند و التاجر قال انه طالبها و هتجيله علي بعد العيد ... لقيت طنابير للتيريوس ال 5 راكب الصغيره ب 500 جنيه ياباني
كل الشكر و التقدير لكل من ساهم برأي و مشورة و مساعده

[ehab_mansour]

نسيت اوضح ان التيل اللي اتفك من العربية محفور عليه كلمة دايهاتسو و بارت نمبر تقريبا و ده اللي كان متغير اخر مره في التوكيل و لكن بكااااااااااااااااام ب 550 جنيها ده غير الضريبه و غير تركيبه و ضريبه اخري يعني معدي ال 650 جنيها

بصراحه حرام حرام حرام اللي بيتعمل فينا ده
و كمان ده التيل اللي خلال ال 50 الف كيلومتر اللي مشيهم عمل ريجه في الطنابير ؟؟؟؟؟؟؟؟؟ يعني موت و خراب ديار

ربنا المستعان

[mr_green]

طالما فى الضمان و بتعمل صيانتك - يبقى لو فيه سنة ريجه حتى دى تتغير عليهم وش و إعمل خناقة عليها هايغيروها إن شاء الرحمن

[mohamed_rhem]

امسحها عند خراط طنابير علي مخرطه بتخرط كل ناحيه لوحدها بعد ماالتيل ده يخلص

تحياتي

[ehab_mansour]

امسحها عند خراط طنابير علي مخرطه بتخرط كل ناحيه لوحدها بعد ماالتيل ده يخلص

تحياتي

ان شاء الله ده اللي هيحصل

شكرا لك