كومبريسور 2007 تيريوس

[callsdiab]

السﻻم عليكم ورحمة الله وبركاته
اشتريت من سنه السياره وبصراحه مش عارف اقول ايه غير انى مستغرب جدا العربيه ماشيه اقل من 100000 غيرت طنابير الكرنك والردياتير واخرها الكباس والمفاجئه المفزعه هى ان سعره استيراد كان 2500جنيه نفس سعر كباس الباسات الشكل القديم دا انا دخت السبع دوخات كمان عشان اعرف اجيبه عموما الحمد لله على كل شىء هو ده كده الطبيعى بتاع العربيه وﻻ ايه يا جدعان عموما الحمد لله على كل شئ

[callsdiab]

المحبط جدا بقى ان التكييف برضو زباله انا نضفت الثﻻجه والسربنتينه والشحنه جديده اعمل ايه المفروض تانى ؟؟؟؟
الواحد شكبو كده يبيع العربيه اكرملوا

[callsdiab]

هل من الممكن طيب حد يقوللى تكييف العربيه عموما كفائته زى ايه كده عشان انا عندى لانوس بالنسبه لها تكيف اللانوس ثلاجه

[dodo1086]

يا ريت حد يرد علينا انا برضة عندى نفس الاستفسار

[ahmedhekal122]

بص يا باشا انا تريوس 2007 اول ما جبتها حسيت ان التكييف تعبان و كان معايا لانوس و تكييفها بالنسبه للتريوس لا يقارن.
المهم رحت لمركز تكييف اثق فيه قالى ان الموديلات دى نازله من غير فلتر هواء و قاللى ان هيفك التابلوه و هيغسل الدوره بالكامل و هيشحن تانى و هيركب فلتر و ممكن نغيره بعد كده.
المهم عملت كل ده و حاسبته كان فوق 600 بحاجة بسيطه ...قلت مش مهم بس يبقي كويس و بعد التجربه لقيته برضه مش بالكفاءه المطلوبه فقالى انا لو شيلت الفلتر هيكون اندفاع الهواء اكتر بس كده يبقي معملناش حاجة ...المهم خدتها و مشيت و تقريبا هو ده اقصى ما تستطيع التريوس ان تقدمه في التكييف و ده بعد سؤالى لناس معاها نفس العربيه.....آه و نسيت اقولك صوت الموتور العالى اثناء تشغيل التكييف....و يابانى ازاى مش عارف...اتمنى تكون استفدت من تجربتى
السلام عليكم

[ahmedhekal122]

نسيت اقولكم يا ريت لو حد عمل صيانات بره التوكيل عند حد محترم او مركز محترم و يكون عنده جهاز الكشف على السياره يقولنا ....لان التوكيل بقي مبالغ جدا في اسعاره و اخوكم على وش صيانه ....و شكرا

[callsdiab]

انا الوضع عندى كالاتى
غيرت كومبريسور التكييف ب 2500 جنيه، غيرت الاكسبانشين وفلتر السربنتينه (السياره لا يوجد بها فلتر تكييف داخلى)
الملاحظ ان كفاءة التكييف على الطريق فى الحر يا دوب خفيف جدا للكرسيين الاماميان ولو وقفت فى الزحمه تكون كارثه اكنه شغال مروحه على ساقع خفيف
انا بس مستغرب جدا ازاى الموضوع ده محدش بيتكلم فيه هل حالات فرديه كده ولا الناس عارفه ان تكييف التيريوس زباله والواحد يكبر دماغه ويبعها

شكرا للرد

[Colin Chapman]

السﻻم عليكم ورحمة الله وبركاته
اشتريت من سنه السياره وبصراحه مش عارف اقول ايه غير انى مستغرب جدا العربيه ماشيه اقل من 100000 غيرت طنابير الكرنك والردياتير واخرها الكباس والمفاجئه المفزعه هى ان سعره استيراد كان 2500جنيه نفس سعر كباس الباسات الشكل القديم دا انا دخت السبع دوخات كمان عشان اعرف اجيبه عموما الحمد لله على كل شىء هو ده كده الطبيعى بتاع العربيه وﻻ ايه يا جدعان عموما الحمد لله على كل شئ

ده تليفون الدكتور (احمد سمير) هما بيسموه الدكتور 01223729496
القاهرة
صيانة وتعديلات التكييفات
تصليح طلمبات الباور والدركسيون
وبالاضافة لورشة كاوتش وتنضيف رشاشات

هو فى عين شمس شارع احمد اسماعيل
فى تقاطع شارع احمد اسماعيل مع شارع محمد رشاد