صيانة تكييف سيريون

[mohamed_rhem]

الموضوع ان التكييف في موجه الحر الشديدة اللي فاتت خاصة في اوقات الزروة

التكييف ادؤه مكنش مرضي خالص

خصوصا والعربية واقفه علي rpm 1000

روحت لمركز تكييف قريب من بيتي

اللي اتعمل بالضبط 3 حاجات

1-شد سير المجموعه وده عن طريق مسمار رجلاش

وده كنت قريت عنه في منتدي اجنبي

2-غسيل السربنتينة بالمياه وعلي ضغط مياه منخفض

ده عمري ما عملته من ساعة ما اشتريت العربية وقالولي ده بيتعمل كل شهر او شهرين

كتر خير السربنتينه بقالها 4 سنين متنضفتش

3- تزويد الفريون مع ان مفيش تسريب الحمد لله بس ماشي

الحمد لله التكييف فرق جامد جدا

لكن المشكلة الازليه ان العربية مفيهاش فلتر تكييف مضيقاني شويه

تحياتي للجميع

[عبدالله برعى]

ليس كل شهرين وانما كل موسم فقط

[mohamed_rhem]

ليس كل شهرين وانما كل موسم فقط

انا بتكلم عن غسيل السربنتينة بالماء فقط

مش شحن ولا صيانه

هو قالي وانت بتغسل العربية ابقي اغسل السربنتينة

لكن 4 سنوات مغسلش السربنتينة كتير

[Karim_Monir]

نفس اللي حصل عندي ما عدا شد سير المجموعه
السربنتينة نزلت سوااااد مشفتوش في حياتي
كانت قبل كدة بتفصل ويطلع هوا سخن
غيرنا الفريون وفكيت الاكصدام وغسلتها وفرق جدا

[Karim_Monir]

نفس اللي حصل عندي ما عدا شد سير المجموعه
السربنتينة نزلت سوااااد مشفتوش في حياتي
كانت قبل كدة بتفصل ويطلع هوا سخن
غيرنا الفريون وفكيت الاكصدام وغسلتها وفرق جدا

[mohamed_rhem]

مهو انا مكنتش اعرف ان السربنتينة بتتنضف

[أبو عبدالله]

مبروك الصيانة
مسالة شد السير دي اظن انها مش جيده
ثانيا اي سربنتينه لازم كل فتره تتنفخ هوا وبعدين تنضف بالميه
ثالثا انا ركبت فلتر للتكييف
اخر مره كنت فاكك التكييف كله وغسلته حته حته واخدت مقاسات مكان الفلتر رفتحت له فتحة للتغيير بعد كده واشتريت فلتر سيراتو وقصيته على مقاس التكييف عندنا وركبته

اخيرا بقه
لازم لما تحب تقيس كفائة التكييف
لازم تكون العربيه كانت مركونة في مكان ظل وليس في الشمس علشان العربيه متبقاش سخنة علشان ساعتها تشوف الهوا اللي خارج من التكييف بدون اي مؤثرات بارد ولا. نص نص

[aliabutaleb]

انا ملاحظ موضوع انخفاض كفاءة التكييف ده عندي من اول الصيف تقريباً.
طيب دلوقتي هو التوكيل مبينضفش السربنتينة ليه؟

[amoor89]

انا ملاحظ موضوع انخفاض كفاءة التكييف ده عندي من اول الصيف تقريباً.
طيب دلوقتي هو التوكيل مبينضفش السربنتينة ليه؟

مش مستاهلة هو التوكيل شغلته يغسل العربية حضرتك اللى بتعملها فى كار كير

[أبو عبدالله]

مش العربيه بتتغسل يا ابو حمزة في التوكيل
يبقى تمام نضفت خلاص غير اني على ما اتذكر انهم بينفحوها بالهوا

[أبو عبدالله]

لا بينضفها يا ابو حمزة تقريبا بالهوا والعربية بتتغسل في الاخر كمان
التكييف كفائته قلت يبقى محتاج تنضيف شامل ومراجعه
السربنتينه الداخليه اكيد هباب انا متأكد من كده
يا اخواني لا تستهينوا بالتراب ووساخة الشوارع
الثلاجات الداخليه للتكييفات لازم تنضف كل صيف او موسم يعني
الثلاجات دي بتبقى هباب بجد خصوصا لو العربيه مفيهاش فلتر داخلي

[Karim_Monir]

التلاجة دي نوصلها ازاي في السريون يا شهبور

[أبو عبدالله]

تنظيف دوري
يبقى عاوز تفك الجزء الرمادي اللي تحت في التابلوه وده ممسكوك بحوالي 4 مسامير و3 كلبسات تقريبا
وبعدها هتفك من تحت عند الدواسة بتاع الراكب الأمامي وبعدين هتلاقي طبتين بلاستيك في الرف اللي امام الراكب الأمامي هتفكهم هتلاقي مسمارين هتفكهم علشان دول ماسكين وحدة الكومبيوتر بتاع العربيه وبعدين تنزلها هتلاقيه 3 مسامير تحتها بتوع ماتور الهوا بتاع التكييف هتفك فيشته وتفك المسامير وتنزله تنظفه كويس وتدخل خرطوم ميه يكون اندفاعه حاد ومتوسط وتغرق السربنتينه الداخليه وياريت لو ترش مية بصابون كلوركس وديتول علشها اكتر من مره علشان تظهرها وتنضفها كويس وبعدين ميه تاني ويبقى تمام

اما لو بتتكلف في فك كامل يبقى التابلوه كله هيتفك

انا والله عندي صور كل حاجه وعامل في حسابي اني اعمل موضوع للفيلم ده كله بس ربنا ييسر الحال ان شاء الله

[bmya]

محمد باشا اعزل مواسير التكييف.كمان هتفرق معاك