38 ألف جنيه فرق من g ل glx+ فى التيريوس ليه؟؟؟

[Waleed_aboammar]

يا جماعة هي ليه العربية دى فيها الفروق الشنيعة دى ما بين الجى أوتو 146 ألف مرورا ب الجى ال 156 ألف ثم جى ال اكس 163 ألف و ليميتيد 169 و أخيرا كل دول (+) ب 184 ألف....

أنا عايز أغير الينترا 2008 اللى مراتى مش عارفة تسوقها و قولت أجيب تيريوس أبعادها حريمى و أبقى اسيبهالها بعدين.

يا ريت تساعدونى...

[dreslam]

انا كنت حاطط التيريوس في حساباتي.........ملقيتش غير اعلى فئه هيا اللي يتقال عليها كويسه بس لقيت سعرها عالي جدا وكان فيه اوفر زمان بيتعمل عليها ب 165 ساعتها بس كانت تبقى كويسه...يمكن يعملوه زي السنه اللي فاتت لتصفيه موديلات 2014..
غير كده بالنسبالي كل الفئات من الاول لحد قبل الاخير متسواش في نظري
في الاخر طبعا صرفت نظر عنها بالثلث..

[ezzdabo]

الفرق بين اول فئه جى و الفئه جى ال اكس و هى معايا بالمناسبه فرامل ايه بى اس جنوط كاسيت بكاميرا كفر خلفى للاستبن بلون السياره و ليس جلد و لو رحت توكيل عبد اللطيف جميل حتلاقى ورقه فيها مميزات كل فئه بالتفصيل
و بالتوفيق ان شاء الله

[ashrafwolf]

يا باشا قدامك النيسان جيوك ب177
او الرينو داستر ب150
و الاتنين ثباتهم احسن من التريوس

[ezzdabo]

يا باشا قدامك النيسان جيوك ب177
او الرينو داستر ب150
و الاتنين ثباتهم احسن من التريوس

على فكره ثبات التريوس مش وحش للدرجه دى و كمان اسعار قطع الغيار فرق كبير بينها و بين الجوك و الداستر و كمان القشقاى و ممكن تسال على الاسعار من فوانيس و مساعدين بالذات اسعار الجوك و القشقاى غريبه شويه

[blazer]

لو جبت اسبورتاج حتى لو كسر زيرو هتبقى احسن من التريوس بكتير
دا شكلها حمض التريوس و ماتورها و فتيسها الى بقالها زمن متغيروش

[J A G U A R]

هات ماتريكس يا باشا
ابعادها سهله جدا
وسيبك من التيريوس علشان اسعارها خزعبليه ومتستاهلش