جلب المقص الامامي للتيريوس

[iahamza]

السلام عليكم
روحت اعمل صيانه شامله المهندس قالي ان المقصات الاماميه محتاجه تتغير لان الجلب بتاعتها متآكله وسعرها 1980 بعد الضربيه
انا معنديش اي مشاكل ظاهره في مشي العربيه
سؤالي: 1. ايه اعراض تلف جلب المقصات و 2. هل تلفها بيٱثر علي باقي العفشه 3. هل ممكن تغيير الجلب بس?
منتظر رودودكم ضروري

[aymanshebl]

متابع

[iahamza]

أهل الخبره فيييييييين

[mo7a_mo7a]

اولا مش ضروري تغيير المقص بالكامل ممكن الجلب بس لكن ده مش في التوكيل
لازم يكون برة عند صنايعي عفشة وانا غيرت الجلبة الشمال قبل كده

ثانيا المقصات ممكن تكون برة التوكيل ارخص

ثالثا ممكن التوكيل يشوف الجلب متاكلة لكن المهم انها متكنش مقطوعة ولو في قطع لازم تحس بدبة مع الطرق المكسرة


تحياتي

[mohamed_rhem]

اهم حاجه تركب كبس تجنب تركيبها ببنطة لحام

تتكبس عند خراط مش الصانيعي اللي يفكها

تحياتي

[iahamza]

اشكركم يا جماعه
المهم بقى الجلب متاحه فى السوق و تغييرها بيعيش ولا عمرها قصير

[Genral.Huncky]

انا لسة مغير جلب مقصات لكورولا
تشترى الجلب و تتكبس فى المخرطة ع المقص و تركب المقص تانى
الشغلانة متاخدش ساعة لو الصنايعى فاضى

[alemam2005]

جلب التريوس هي نفس جلب تويوتا افانزا

[mido elsakkar]

ممكن تلاقيها عند اوشين اللى في الحرفيين وهتلاقي صناعة ماليزى

[Waleed_aboammar]

عن تجربة في مقصات الينترا إن أفضل شيء تغيير المقص بالكامل و لكن لما يكون المقص محتاج فعلا و بما ان حضرتك بتقول مفيش تأثير ظاهر و لا بتسمع شيء يبقى تغيرهم دلوقتى ليه.