اخيراااااااااااا استلمت النهاردة

[MoToRiZeR]

موضوع الستبن الصغير متبع في شركات كتير من زمان .. موجود ستبن صغير في عربية واحد صاحبي كوردوبا 94 و كان نازل مع العربية

طبعا زي ما قال الزملاء تقدير السخونة من الكبوت غير صحيح

و الباور برضه شرحه .. و هتلاقيه بيلف معاك علي فكرة .. علي فكرة باور السيريون ناعم جداَ .. و فراملها فعلاَ قوية انا اما باجي أسوق الكليو لازم بخلي بالي من فرق حساسية الفرامل بدل ما ألبس في الناس

مبروك مرة تانية و يا ريت نشوفك في المقابلة الجاية .

[placebo]

:)
لا لا .. الاستبن بتاع السيريون فعلا صغير زي ما معاذ قال مش تخيل ..
و نفس الموضوع اعتقد متبع في الجولف الجديد ... و هو حجمه قريب جدا لحجم الكاوتش بتاع الفيزبا

ايوه .. انا شفته فى عربية جولف او فابيا "تقريبا" قبل كده .. وكنت فاكر ان صاحب العربية مشتريه كده مخصوص ، ومش مهم شكله مادام قطر العجلة الاستبن هو نفس قطر الكاوتش الاصلى .. لكن مكنتش اعرف ان فيه عربيات جديدة بتنزل بالاستبن السيسى ده !! .. اشك انه يكون تيوبلس زى الكاوتش الاصلى !!
عموما شكرا على المعلومة والتصحيح

[دموع الثلج]

ااااااااااااااااااااااااااااااااالف اااااااااااااااااااااااااااااااالف مبروك على السيريون

ربنا يبارك لك فيها

[amr011]

ألف مبروك على العربية وكلام الشباب كله صح
وعقبالي ، انا نفسي فيها أنا كمان ودخلت هنا أشوف رأي الناس فيها

ألف مبروك مرة تانية

[john_hurghada]

الله يبارك فيكوا ياجماعة وبجد هاكون سعيد لو بقيت معاكوا فى المقابلة الجاية
فعلا الدريكسيون خفيف جدا جدا، بس انا تقريبا اللى كنت بقيس البارو فى المكان الغلط وعلى السرعة الغلط :k37:

[mahamedaraby]

الف الف مبروك على العربيه وربنا يباركلك فيها ويعيطك خيرها

[askoda]

Alf Mabrook ya basha

wsooo2 3ala mahlak soooo2 :):)

[amrico]

مبروك عليك وربنا يديك كل خيرها ويكفيك شرها

[ahmedelhamf]

بالنسبة لموضوع الاستبن ده اسمه space saving الهدف منه توفير مساحة في الشنطة
واقصي سرعة عند استخدامه 80 كم

[Eng_aly]

الف مبروك وربنا يحفظك ويحفظها

[ows212]

الف مبرووووووك على العربية واهلا بك فردا فى الشعب السيريونى

[ara]

الف مبروك وربنا يعطيك خيرها ويكفيك شرها :)
الإستبن ده مش بيتنفخ ولا بيفضى ولا أى حاجة, هو بينزل مع عربيات كتيرة دلوقتى علشان بيوفر المكان و تغيره سهل. يعنى مثلا مش محتاج قبل السفر تكشف عليه او تزوده هواء إلخ
ده لو لا قدر الله حضرتك إضريت تستخدمه بتمشى على سرعة اقصاها 80

[abohalmos]

الف مليون مبروك.........عقبالى يا رب ان شاء الله

مبروك عليك , ان شاء الله اختيار ممتاز, على فكرة انا بحب العربية دى قوى و ان شاء الله ناوى اشتريها, بس اكمل المقدم بتاعها لانى ناوى اشتريها بالقسط , يا مسهل يا رب على الله سعرها ما يزيدش. يا ريت تقولنا تفاصيل شراء العربية يعنى تمنها , جبتها كاش و لا فسط و سعرها, اشتريت منين و كده ؟؟؟
يا رب يحافظلك عليها و يديك خيرها و يبعد عنك شرها ان شاء الله.

[john_hurghada]

مبروك عليك , ان شاء الله اختيار ممتاز, على فكرة انا بحب العربية دى قوى و ان شاء الله ناوى اشتريها, بس اكمل المقدم بتاعها لانى ناوى اشتريها بالقسط , يا مسهل يا رب على الله سعرها ما يزيدش. يا ريت تقولنا تفاصيل شراء العربية يعنى تمنها , جبتها كاش و لا فسط و سعرها, اشتريت منين و كده ؟؟؟
يا رب يحافظلك عليها و يديك خيرها و يبعد عنك شرها ان شاء الله.

مبروك لكل اللى عندو العربية دي، بجد عربية ممتازة، وربنا يكملك وتجيبها إن شاء الله
بص ياسيدي، انا جيبتها قسط دفعت 50% من تمنها اللى هو 42.5 الف والباقي اخدت بيه قرض سيارات من كريدي اجريكول على 3 سنين بفايدة كانت تقال انها 9% بس وانا بحسبها لقيتها 9.5 % (كريدي اجريكول - اكثر من وعد التزام )
بعد التحريات والموافقة على القرض
البنك بيطلب منك تعمله توكيل على العربية (له الحق يبيعها لنفسه او لغيره ) والتوكيل مايتلغيش غير بموافقته (بعد ماتخلص القسط)
تاني حاجة لازم تعمل تأمين شامل سنوي مدفوع مقدما والتأمين دا يطلع لصالح البنك
انا عملته فى مصر للتأمين (دلوقتي بقت هي والشرق للتأمين واحد )
تالت حاجه مضيت 3 شيكات قيمة الشيك الواحد 18 الف ومئتين
رابع حاجة اخدوا نسخة من مفتاح العربية :D
خامس حاجة بقى كان فى عرض لقروض السيارات بهدايا كبونات بنزين وماخدتهاش حتى بعد ماطلبتها (مش بقولك اكثر من وعد التزام :D )

بس ياسيدي بعد دا كله بتستلم العربية بسلام وبيطلع واحد معاك من التوكيل عشان ترخص العربية وياخد الرخصة للبنك للاطلاع على الرخصة وبياخد صورة منها ويرجعهالك - انا لسة ماخدتهاش، شوفت الموضوع سهل ازاي :D
لو عندك اي استفسار انا تحت امرك

[abohalmos]

ياه كل ده !!!!!!!

متشكر على اهتمامك جدا
ومبروك عليك مرة تانية
بس انا حاسس انه دى خطوات كتير اوى
انا بقكر اقسط من توكيل دايهاتسو نفسه
و ابعد عن البنوك و التعب بتاعها
معرفش ليه ماعملتش كدة مع انك دافع نص تمن العربية و اعتقد كان هايبقى اسهل عليك
معلش فى سؤال تانى ليك و لكل الشعب السريونى هل يا ترى فى مكان لعمل الصيانة فى
الصعيد ( اصلى انا صعيدى يا بوى) و برضه بالنسبة لقطع الغيار هل متوفرة فى الصعيد و لا ايه؟؟؟؟؟؟؟؟؟
برضه طلب اخير لو حد كان قسط السيريون بطريقة تانى يقولنا تجربته
و هنيئا لكم يا كل السيريونية
ما شاء الله بدون حسد