سؤال للشعب السيريونى...........

[Ash]

السلام عليكم ايها الشعب السيريونى الحبيب،
انا بعد انضمامى للشعب السيريونى يوم الخميس اللى فات....عندى كذا سؤال اتمنى انى الاقى اجابتهم عند اى من افراد الشعب:

1- الموتور فى بداية التشغيل...هل طبيعى انه يبقى صوته عالى جداً..عالى جداً جداً يعنى.....كأنه موتور عربية قديمة؟؟؟ و بعدين الصوت بيوطى و ينعم

2- انا لاحظت ان دواسة البنزين مش طبيعية.......بحس انها بالبلدى كده "بتلوء" لمسافة سنتى واحد و بعدين بتبقى عادية.........هل ده العادى بتاع العربية

3- هو صحيح مفيش غيار زيت مع صيانة الالف و هل ده طبيعى؟؟

و شكراً مقدماً للشعب السيريونى و الغير سيريونى

[Eng_aly]

اولا مبروك العربية وربنا يبارك لك فيها ويحفظك من شرها ...
عند اول التشغيل صوت الماتور بيكون عالى شوية لحد لما تسخن وفيه لمبه خضراء بتبقة منورة ولما العربية تسخن بتنطفى "على فكرة يستحسن ما تواقفش العربية اكتر من 30 ثانية بعد التدوير وماتخليش الrpm يعدى 2.5" وطبعا العادى ان اول 1000كم براحة على الماتور يعنى متعديش 90كم/س
بالنسبة للدوسة هاسيب الخبراء يرودا عليك ...وتغير الزيت عند 5000كم ان شاء الله
ومبروك مرة اخرى

[أبو عبدالله]

السلام عليكم ايها الشعب السيريونى الحبيب،
انا بعد انضمامى للشعب السيريونى يوم الخميس اللى فات....عندى كذا سؤال اتمنى انى الاقى اجابتهم عند اى من افراد الشعب:

1- الموتور فى بداية التشغيل...هل طبيعى انه يبقى صوته عالى جداً..عالى جداً جداً يعنى.....كأنه موتور عربية قديمة؟؟؟ و بعدين الصوت بيوطى و ينعم

2- انا لاحظت ان دواسة البنزين مش طبيعية.......بحس انها بالبلدى كده "بتلوء" لمسافة سنتى واحد و بعدين بتبقى عادية.........هل ده العادى بتاع العربية

3- هو صحيح مفيش غيار زيت مع صيانة الالف و هل ده طبيعى؟؟

و شكراً مقدماً للشعب السيريونى و الغير سيريونى

اولا ماتور دايهاتسوا وتويوتا مميز ان صوته بيبقى له زنه كده عن المواتير الاخرى وده بسبب ان سير الكاتينه بيبقى جنزير مش جلد

وده بيبقى طبيعي في اي عربيه اول ما تشغلها وهيا بارده ان صوتها بيبقى عالي لسببين ان الماتور احتكاكه أعلى من انه يكون سخن
وان الكمبيوتر بيبقى مزود بنزين علشان العربيه تسخن بسرعه
ولما بتسخن الصوت بيهدى والأر بي ام بيرجع لوضعيته عادي

2- اي دواسه في غالب العربيات بيبقى اكيد فيها ضغطه خفيفه كده زياده

3- لا مفيش غيار زيت في الالف كيلو الاولانيين ده طبيعي

[Ash]

الف شكر للأخ على و الاخ ابو عبد الله على الاجابة الوافية و السريعة
و الله يبارك فيكوا :)
بس سؤال للاستاذ على........هو مش المفروض العربية متمشيش الا لما اللمبة تطفى؟؟ انا كنت فاكر انها معمولة اصلاً علشان كدة..علشان متمشيش الا لما تطفى على اساس ان العربية باردة.

[MoToRiZeR]

اللمبة بتاخد في الغالب ما بين دقيقتين أو 3 دقائق عشان تطفي
و اما تطفي تبقي العربية وصلت لدرجة الحرارة المناسبة إن الموتور يديك أفضل أداء و الإحتكاك ميبقاش عالي و الزيت يكون وصل لكل أجزاء المحرك

فا مش لازم تستني كل ده و ده مكتوب في كتيب السيارة .. إنت ممكن تمشي و اللمبة الخضراء منورة و لكن من غير قرص عالعربية يعني واحدة واحدة ، لو إستنيت هيبقي بدون فايدة و هتحرق بنزين عالفاضي .

انا عن نفسي بدور العربية .. علي بال ما بطلع الموبايل من جيبي أحطه في التابلوه و ألبس الحزام بيكون عدا حوالي 20 أو 30 ثانية .. بطلع بالعربية و كدة كدة ببقي ماشي بالراحة .. أول ما أطلع عالشارع الرئيسي ألاقي اللمبة طفت .

و أهلاَ بيك عضو جديد في المنتخب و الشعب السيريوني و نتمني تنورنا المقابلة الجاية و ربنا يباركلك في العربية

[aliabutaleb]

2- انا لاحظت ان دواسة البنزين مش طبيعية.......بحس انها بالبلدى كده "بتلوء" لمسافة سنتى واحد و بعدين بتبقى عادية.........هل ده العادى بتاع العربية

نفس اللي عندي بالظبط
هي مش عاملة أي فرق في الاداء
بس مضايقاني :)
كل ما أوريها لحد يقوللي عادي

نسيت أقوللك ألف مبروك على العربية وربنا يكتب لك خيرها ويكفيك شرها

[معاذ الشرباصى]

ربنا يبارك لك فيها و يحفظها لك من كل سوء

بس مقولتش هى اى موديل و لون ايه؟

طبعا مستنينك المقابلة الجاية :)

[ows212]

الف مبروووك العربية

[عمرو عمارة]

مبارك عليك السيارة.....وهي فعلاً دواسة البنزين فيها السنتي الي إنت بتقول عليه وعادي مفيهاش أي حاجة

[ara]

ربنا يبارك لك فيها و الف مبروك ..:cute:
ربنا يديك خيرها و يكفيك شرها

[Ash]

اللمبة بتاخد في الغالب ما بين دقيقتين أو 3 دقائق عشان تطفي
و اما تطفي تبقي العربية وصلت لدرجة الحرارة المناسبة إن الموتور يديك أفضل أداء و الإحتكاك ميبقاش عالي و الزيت يكون وصل لكل أجزاء المحرك

فا مش لازم تستني كل ده و ده مكتوب في كتيب السيارة .. إنت ممكن تمشي و اللمبة الخضراء منورة و لكن من غير قرص عالعربية يعني واحدة واحدة ، لو إستنيت هيبقي بدون فايدة و هتحرق بنزين عالفاضي .

انا عن نفسي بدور العربية .. علي بال ما بطلع الموبايل من جيبي أحطه في التابلوه و ألبس الحزام بيكون عدا حوالي 20 أو 30 ثانية .. بطلع بالعربية و كدة كدة ببقي ماشي بالراحة .. أول ما أطلع عالشارع الرئيسي ألاقي اللمبة طفت .

و أهلاَ بيك عضو جديد في المنتخب و الشعب السيريوني و نتمني تنورنا المقابلة الجاية و ربنا يباركلك في العربية

الف شكر على الرد الوافى و الله يبارك فيك........و ان شاء الله اتشرف بمقابلتكم

نفس اللي عندي بالظبط
هي مش عاملة أي فرق في الاداء
بس مضايقاني :)
كل ما أوريها لحد يقوللي عادي

نسيت أقوللك ألف مبروك على العربية وربنا يكتب لك خيرها ويكفيك شرها

هى فعلاً تضايق شوية..........و الله يبارك فيك :)

ربنا يبارك لك فيها و يحفظها لك من كل سوء

بس مقولتش هى اى موديل و لون ايه؟

طبعا مستنينك المقابلة الجاية :)

الله يبارك فيك....الحلوة GL 1.3 A/T
و لونها نبيتى

مبارك عليك السيارة.....وهي فعلاً دواسة البنزين فيها السنتي الي إنت بتقول عليه وعادي مفيهاش أي حاجة

شكراً على اهتمامك بالرد و الله يبارك فيك

ربنا يبارك لك فيها و الف مبروك ..:cute:
ربنا يديك خيرها و يكفيك شرها

الله يبارك فيكى و مبروك شفاء سيريونتك :)