السريون الحلوة خفت خلاص :)

[ara]

الحمد لله بعد يوم طويل فى التوكيل السريون إتصلحت...
إحنا بعد اكتر من تفويلة و منظف رشاشات العربية كانت لسه بترجرج اوى و السحب مش الطبيعى بتاعها.
النهاردة كنا فى التوكيل من الصبح, المهندس اللى كشف على العربية إقترح تغير الفلتر و الكشف على الطرمبة إلخ...
بس بعد كونسولتو من م/احمد عبد الوهاب , م/محمد عبد الصمد , كبير العمال و مهندس اخر مش فاكرة الاسماء للاسف.. وصلو الى الاتى:
تغير البوجيهات (برضة فضلت مش مظبوطة)
الكشف على البوبينا (and a winner) طلعت واحدة من الربعة إتحرقت لان البوجيهات كلها رطبت!!

الحمد لله بعد تغير البوبينا و الاربع بوجيهات العربية رجعت زى الاول :)
ولازم زى كل مرة الواحد يشكر الناس اللى شايفة شغلها وزيادة كمان م/احمد عبد الوهاب و م/محمد عبد الصمد :) الإثنين إهتموا بالعربية كانها عربيتهم.

إحنا فرجنا مهندس أحمد على صور المقابلة و عجبيته اوى و تقريبا التوكيل كله إتفرج عليها :)

[معاذ الشرباصى]

مبرووووووك

الحمد لله ان الموضوع اتحل, و خلص على خير :)

بالنسبة لصور المقابلة بعت رابط الجروب بتاع الفيس بوك للمهندس محمد عبد الصمد علشان يتفرج على الصور و هو مشترك حاليا فى الجروب معانا.

بس بعد اذنك ممكن اعرف الموضوع اتكلف كام؟

[MoToRiZeR]

ألف مبروك يا هند و الحمد لله خلصت علي خير
تصدقي بجد و الله كان علي بالي إمبارح أكلم ياسر اسأله إيه الأخبار في الموضوع ده بس نمت و انا بفتح باب البيت تقريباَ

مبروك مرة تانية و أشوفكم عالمحور

[Sharky]

الف مبروك على عودتها لحالتها الطبيعية
و ربنا يبارك لكى فيها

[ara]

مبرووووووك

الحمد لله ان الموضوع اتحل, و خلص على خير :)

بالنسبة لصور المقابلة بعت رابط الجروب بتاع الفيس بوك للمهندس محمد عبد الصمد علشان يتفرج على الصور و هو مشترك حاليا فى الجروب معانا.

بس بعد اذنك ممكن اعرف الموضوع اتكلف كام؟

الله يبارك فيك يا معاذ إحنا كنا خلا إكتئبنا و عاملين زى الإعلان بتاع العربية اللى حيلتى بااااااااااظت :)
الأسعار بالظبت مع ياسر
بس تقريبا البوجيهات بالمصنعية 400 و سعر البوبينة 370 من غير المصنعية
بس الحمد لله ربنا كريم :) و هما كانو زوق قوى معانا
ممكن تبعتلى اللينك بتاع الفيس بوك؟ :)

ألف مبروك يا هند و الحمد لله خلصت علي خير
تصدقي بجد و الله كان علي بالي إمبارح أكلم ياسر اسأله إيه الأخبار في الموضوع ده بس نمت و انا بفتح باب البيت تقريباَ

مبروك مرة تانية و أشوفكم عالمحور

الله يخليك يا محمود القلوب عند بعضها :)
ياسر كان لسه يحكيلى إنه عايز يكلمك و يقولك خلاص عريفنا مكان البوجيهات :)

[waled369]

مبروك تمام شفائها بالسلامة و يا رب دايما بصحة و عافية .
ربنا يبارك لك فيها

[ara]

الف مبروك على عودتها لحالتها الطبيعية
و ربنا يبارك لكى فيها

الله يبارك فيك ياشاركى :)
إن شاء الله المقابلة الجاية الحلوة هاتكون فى رونقها

[MoToRiZeR]

ياسر كان لسه يحكيلى إنه عايز يكلمك و يقولك خلاص عريفنا مكان البوجيهات :)

دنا لسة قاري رد لمعاذ في موضوع بيقول لحد متزودش مياه عشان مببتزودش من فتحة الريدياتير و بتتزود بطريقة معينة .. قلت يادي النيلة حتي المياه مش عارف أزودها و دي بتتزود منين .. من ساعة ما جبت العربية مش عارف أغير حاجة غير السيديهات

ده لينك الفيس بوك

http://www.facebook.com/group.php?gid=35753706566

إن شاء الله أشوفكم قريب و أعرف مكان البوجيهات

[yuyiig]

الف مبروك ... تخليكي في الجاز من هنا ورايح!!!

[أبو عبدالله]

الف مبروك على التصليح
وربنا يبارك فيها ان شاء الله
وياريت تخلو بالكم من موضوع البنزينات ده
يعني اتعودا انكم تحطو من بنزينه نظيفه عالطول
انت جمب الامارات مصر كمان على اول الصحراوي تحفه بجد

وبعدين هبقى اصورلكم فك البوجيهات ان شاء الله
انا فكيتها بس مغيرتهاش ان شاء اول ما اغيرها قريبا ان شاء الله اصورها بإذن الله

[ara]

مبروك تمام شفائها بالسلامة و يا رب دايما بصحة و عافية .
ربنا يبارك لك فيها

الله يبارك فيك و يخليلك عربيتك :)

[ara]

دنا لسة قاري رد لمعاذ في موضوع بيقول لحد متزودش مياه عشان مببتزودش من فتحة الريدياتير و بتتزود بطريقة معينة .. قلت يادي النيلة حتي المياه مش عارف أزودها و دي بتتزود منين .. من ساعة ما جبت العربية مش عارف أغير حاجة غير السيديهات

ده لينك الفيس بوك

http://www.facebook.com/group.php?gid=35753706566

إن شاء الله أشوفكم قريب و أعرف مكان البوجيهات

العربية ديه و الله إختراع عبقرى
حتى المياه فيها مش سهلة
انا مش هاحرق المفاجأة و اقولك على مكان البوجيهات ... خليها فى المقابلة الجاية :)
شكرا على اللينك معاذ بعتهالى :)

[ara]

الف مبروك ... تخليكي في الجاز من هنا ورايح!!!

الله يخليك :)
و الله الجاز ماكانش هيعمل فيها كل ده!!

[ara]

الف مبروك على التصليح
وربنا يبارك فيها ان شاء الله
وياريت تخلو بالكم من موضوع البنزينات ده
يعني اتعودا انكم تحطو من بنزينه نظيفه عالطول
انت جمب الامارات مصر كمان على اول الصحراوي تحفه بجد

وبعدين هبقى اصورلكم فك البوجيهات ان شاء الله
انا فكيتها بس مغيرتهاش ان شاء اول ما اغيرها قريبا ان شاء الله اصورها بإذن الله

الله يخليك يا أبو عبدالله :) إنت عارف انا بحب العربية ديه قد إيه وكنت فعلا زعلانة اوى!
المشكلة فى البنزين على الطريق فى السفر.. إحنا فى القاهرة بنحط فى موبيل و إمارات مصر..
بس المشكلة لما سافرنا سيناء هناك التعاون كتير اووووووى!!
إنت ناوى تغير البوجيهات بنفسك :) ماشاء الله

[أبو عبدالله]

الله يخليك يا أبو عبدالله :) إنت عارف انا بحب العربية ديه قد إيه وكنت فعلا زعلانة اوى!
المشكلة فى البنزين على الطريق فى السفر.. إحنا فى القاهرة بنحط فى موبيل و إمارات مصر..
بس المشكلة لما سافرنا سيناء هناك التعاون كتير اووووووى!!
إنت ناوى تغير البوجيهات بنفسك :) ماشاء الله

الله يخليكي
الموضوع سهل وعبيط جدا مفيهوش حاجه يعني
انا اصلا فكيتهم قبل كده كنت بشوف حالتهم ايه

ان شاء الله ابقى اصورها بإذن الله