التريوس الجديده

[أبو عبدالله]

امبير الحرارة عبارة عن ضوء أخضر وضوء أحمر ولا شئ

الضوء الأخضر دليل ان العربيه لسه مسخنتشي وموصلتشي للدرجة المطلوبة
الضوء الأحمر يبقى انت دخلت في نطاق الحرارة المحظورة
اللاشئ اي لن العربية في حرارتها المطلوبة او القياسية

حينما يتم تشغيل زرار الأوفر درايف يتم منع السيارة من انها تعمل اوتوماتيكيا على النقل على النقلة النهائية للسيارة كي يستفاد من عزم النقلة القبل الأخيره في السياره حينما يتطلب الأمر ان تكون في حاجه للعزم بسبب الحمولة او المطالع

[abo mariam]

الف شكر يا ابو عبد الله

[أبوعبدالرحمن]

الف شكر يا ابو عبد اللة

نحن لا نعبد اللة يا أبو مريم نحن نعبد الله،،،

فبالتاء المضمومة تكون قريبة في نطقها من لفظ اللات ونحن لا نعبد أصنام وأشخاص بل نعبد رب الأرض والسموات

فرجاء تاخد بالك من اسم الله الواحد الأحد

[ZALABANY]

العربية التريوس الجديدة دي أنا بموت في شكلها وأمنية حياتي إني أجيبها ربنا يكرمنا ان شاء الله

[boty50]

أعزائي

علي فكرة ، فية نقطة مهمة جدا" لم ينتبة اليها احد او تطرق اليها
نبهني ليها مسئول المبيعات بتوكيل دايهاتسو الكويت قبل شراء التيريوس

وهي ان موتور التيريوس بالطول وليس بالعرض كما بالمواتير الحديثة
التي تعتمد الجر الأمامي ، والموتور اللي بالعرض دة حانلاقية في السيارة
السوزوكي الجيب الصغير

ودي ميزة كبيرة جدا انك دايما بتسوق بالعجلات الخلفية (دفع خلفي)
اما اذا ضغطت علي زر الدفع الرباعي فدة بيشغل جهاز مركب بوسط السيارة
يربط العجل الخلفي مع الأمامي بنسب متفاوتة حسب العزم اللي عليها

اما مع المقارنة بالدفع الأمامي والموتور اللي بالعرض فبيكون الجر علي
العجل الأمامي وعند الحاجة يتم تشغيل الدفع الخلفي معاة
ده غير ان مساحة الموتور اللي بالعرض بتكون واخدة كل غرفة الموتور
ومزحومة ، اما اللي بالطول بتلاقي المكان فاضي وواسع للصيانة

[Ibtal]

Good information. I am planing to buy one in shaa allah

[أبو عبدالله]

Good information. I am planing to buy one in shaa allah

ربنا يعطيك ويرزقك الخير ان شاء الله

[boty50]

دي صور حصلت عليها توضح وجهة النظر بالنسبة للموتور اللي بالعرض
في الجيبات الحديثة مع الأخري اللي بالطول كما بالتيريوس

دي صورة موتور السوزوكي الجديدة sx4
لاحظ الموتور بالعرض 4 سلندر مع الجير وبعدين لاصق فيهم المحول
علشان يقلب الحركة من العرض الي الطول مع عمود الكردان للمحور الخلفي


لاحظ هنا صورة للتيريوس الموتور بالطول (منتصف الصورة)
ومبين حالتي تشغيل زر 2 عجلة او 4 عجلة


ودي صورة موتور التيريوس لوحدة 4 سلندر 1500 سي سي بالطول

[wawoo]

لاحظ هنا صورة للتيريوس الموتور بالطول (منتصف الصورة)
ومبين حالتي تشغيل زر 2 عجلة او 4 عجلة


ودي صورة موتور التيريوس لوحدة 4 سلندر 1500 سي سي بالطول
[

التيريوس شغالة طول الوقت بالدفع بالاربع عجلات , الزر دة بس عشان يدى دفع خلفى اكتر فى حلات معينة و مش موجود فى ابوشن العربية اللى بتنزل مصر على ما اتذكر , انا اكرر التريوس دفع رباعى دائم طوال الوقت مش بتختار دفع رباعى او ثنائى .

[ابوحميد]

لا يا وااوو كلامك مش مظبوط
اللى اعرفه من اللى قريته فى المانيوال بتاع التريوس(بينزل مع العربية مانيوال واحد لكل الانواع ومكتوب فيه انه للعربية التريوس القياسية يعنى مش كل العربيات فيها كل اللى موجود فى المانيوال بالزبط لكن المانيوال فيه اقصى حد من الكماليات)
الزر اللى انت ذكرته اسمه مفتاح احكام غلق الجهاز التفاضلى
والكلام اللى حقوله مكتوب فى المانيوال
(يستخدم هذا المفتاح للخروج من اى موضع صعب عندما تعجز العجلات عن التقدم)
(عند الانغراز للعجلة وتظل تدور دون تحرك ولا تستطيع السيارة التحرك قم بتدوير نظام احكام غلق الجهاز التفاضلى المركزى لوضع التشغيل عند التوقف التام للعجلة عن الدوران)
كمان فى تحذيرات فى المانيوال من انه حد يتعمل الخاصية دى فى الطرق الممهدة او فى حالة القطر بحبل

[wawoo]

لا يا وااوو كلامك مش مظبوط
اللى اعرفه من اللى قريته فى المانيوال بتاع التريوس(بينزل مع العربية مانيوال واحد لكل الانواع ومكتوب فيه انه للعربية التريوس القياسية يعنى مش كل العربيات فيها كل اللى موجود

بغض النظر يا ابو حميد عن وظيفة الزر دة اللى انا مش فهمها قوى بصراحة , المهم ان التريوس الدفع الرباعى شغال طول الوقت , يعنى مش بتختار ثنائى او رباعى , يعنى الحركة وصلة من الموتور للاربع عجلات طوال الوقت , الزر دة بس بيوزع القوة بشكل تانى فى الحالات اللى انت قولت عليها , بس باكرر شغالة طوال الوقت بدفع رباعى , و دور فى الانترنت حتتاكد من كلامى تمام .

[ابوحميد]

انا اتاكدت من كلامك يا وااوو من مندوب مبيعات تريوس
وفعلا كلامك صحيح وهوا ان التريوس دفع رباعى دائم
اما وظيفة الزر دى هيا انه يستعمل فى حالة الغرز او الاجتياج لعزم اكبر
وشكرا لتنبيهى يا اخويا وااوو

[Mustafa_Farouk]

hey Everybody,

it's my first time to talk about new terios 08 &
?wants to know Advantage & disadvantage
because i'm planning to buy a new automatic car & i'm hesitate between Subaru Impreza 08 & terios 08 ?esipically they are 4x4 & from Japan direct & please to be according to Egyptian Market.

Thank u allll

[h_hezzah]

احب اوضح موضوع الدفع الرباعى والخلفى للتريوس

الموديلات الدفع الثنائى منها بتكون دفع خلفى فقط (مافيهاش مشاكل دى)
الموديل الدفع الرباعى بيكون شغال دفع رباعى طول الوقت بس فيه center differential رابط بين الاكس الخلفى والأمامى (زى اللى بيكون فى اى عربية بين العجلة اليمين والشمال) وده علشان العربية تقدر تمشى عالأسفلت ، لأن فى حالة الملفات ال 4 عجلات كل عجلة بتدور بسرعة مختلفة.
الزرار اللى موجود فى التابلوه ده اسمه differential lock وهو بيقوم بغلق ال center differential فيخللى الاكس الامامى والخلفى بيدوروا بنفس السرعة.
وهو مش بيدى عزم اكبر ولا حاجة. كل الموضوع انه بيثبت توزيع العزم بين العجل الأمامى والخلفى ل50% لكل اكس وبالتالى يقلل من فرصة ان عجلة تتزحلق وتتسبب ان العربية تغرز.
الوضع ده ماينفعش يتمشى بيه عالاسفلت لأنه ببساطه عند اول ملف هاتواجه العجلات صعوبة فى الدوران بسبب ان كل عجلة محتاجة تلف بسرعة مختلفة وتلاقى العربية بتتنطت.
هى طبعا مش هاتبوظ من اول مرة بس بعد كذا ملف بتقصف عمر مجموعة الحركة والكاوتش
الوضع ده بيكون استخدامه اساسا فى الرمل او فى الطرق الغير مثبتة عموما.

اما بقى موضوع انها ماتنفعش فى السفارى والصحراء، فاحب أأكدلكم انى دخلت كذا مرة صحراء وكان معانا ناس معاهم تريوس وبيمشوا معانا عادى جدا.
وده لأن وزنها خفيف، وحسب كلام واحد من اصحابها انها اول ماتاخد سرعة بتنط فوق الرملة وبتمشى زيها زى العربيات الدفع الرباعى الكبيرة اللى بمحركات 3000 سىسى واكتر.
مشكلتها الوحيدة انها مافيهاش الوضع الLow اللى موجود فى العربيات ال off road الكبيرة وده اساس مش بيستخدم فى 99% من الوقت غير لو العربية غرزت او ماشى فى رملة ناعمة قوى (زى شط البحر مثلا).
على فكرة فيه عربيات كتير بتنسب للدفع الرباعى وبرضه مافيهاش الوضع ده، زى ال Nissan X-Trail, BMW X3, Suzuki Grand Vitara 1.6

ارجو انه كده تكون وضحت

[أبو عبدالله]

شكرا يا حازم على التوضيح الرائع ده بجد