اسعار بعض قطع غيار شاريد 89 و90 و91 و92

[upaupa]

اشتريت اليوم بعض فطع الغيار الاساسية سيارتى الشاريد 90 وخى كالتالى:
سير كاتينة: 75 جنيه
سير دينمو: 20 جنيه
سير تكييف 20 جنيه
كاوتشة كوبلن 20 جنيه
جلبة ميزان امامى 10 جنيه

الاسعار دى اشتريتها دون فصال لانى ما باعرفش افاصل وهذه القطع كلها غير موجودة عن اوشين للعلم ولكنها موجودة عند اولاد حمزه

[wael61]

يا باشا الف مبروك امال الناس معقدانى ليه من الدايهاتسو شاريد مع انى مقتنع بيها بس بيقولولى ملهاش قطع غيار ومحدش بيفهم فيها ولو اشتريتها مش هتتباع تانى
ياريت تحكيلنا انت عندك دايهاتسو شاريد كام سى سى واحكيلنا انطباعك عنها وهل بتسافر بيها ولا لا

[mo7a_mo7a]

شكراً جزيلاً بارك الله فيك

[mohamed_rhem]

عندي واحده ولله العظيم اخواتي بيتخانقو عليها مع لعلم ان وحد معاه اتوس والتاني ميجان٢

عربية سفر ما شاء الله عليها شرم ومطروح وقطع غيارها علي راي احمد خويا ببلاش الا شوية

[upaupa]

يا باشا الف مبروك امال الناس معقدانى ليه من الدايهاتسو شاريد مع انى مقتنع بيها بس بيقولولى ملهاش قطع غيار ومحدش بيفهم فيها ولو اشتريتها مش هتتباع تانى
ياريت تحكيلنا انت عندك دايهاتسو شاريد كام سى سى واحكيلنا انطباعك عنها وهل بتسافر بيها ولا لا

100 سى سى اوتوماتيك مكيفة

هيا معايا من اسبوعين فقط وعلشان كده كنت باغير السيور والجلب والزيت وباظبط العفشة
بتسافر بيها والا لا: ذهابى للحرفيين بها سفر فى حد ذاته حيث المسافة من عندى للحرفيين 50 كيلو ذهاب وطبعا 50 عوده باستخدام الطريق الدائرى يعنى فى يوم الحرفيين عملت 100 كيلو دون ان تسخن او تشتكى

ومن ناحية الميكانيكية اى ميكانيكى وعفشجى شاطر وبيفهم وأمين (لو موجود) ها يفهم فيها جسب رأيىى ولكن المشكلة انه ها يحتاج قطع غيار اثناء الاصلاح وعالبا لن تجدها الا فى الحرفيين وعند محلات تعد على اصابع اليد الواحدة (ده لو لقبتها) فمش معقول كل ما تحتاج قطعة غيار تروح الحرفيين خاصة لو انتا ساكن بعيد
وفى الحقيقة انا لا ادرى هل كل قطع الغيار موجودة هناك ام ان بعضها منعدم ...كل اللى اقدر اقوله انا كنت بادردش مع الباشمهندس سيد الفراش (وهو رجل قمة فى الزوق والادب ومشهور انه صاحب اشهر ورشة ميكانيكا للديهاتسو ولديه قطع غيار ديهاتسو استيراد) فى اول زيارة لورشته حسب نصيحة خبير الديهاتسو فى المنتدى العضو الفضى الاخ mohamed_rhem الذى اشكره من كل قلبى
المهم سألت المهندس سيد الفراش: عندك قطع غيار الشاريد 90 ....؟
قال لى لا ........ اصل الموديلات القديمة دى بطلت اجيب حاجتها
جملة بليغة صدمتنى
بس الحقيقة كل االى احتاجته العربية فى اليوم ده واللى كتبته فى الموضوع لقيته
ولسه فيه هزة فى العربية لما ادوس فرامل وانا وافغ فى اشارة وهزه اخف على وضع (N) اعتقد قاعده من قواعد الموتور بس يا رب الاقيها لو كانت السبب
على العموم انا ساسجل حكايتى معها اولا باول فقد يستفيد احد من هذه التجربة كما استفيد انا من المواضيع السابقة ونصائج الاخ mohamed_rhem بارك الله فيه

[donotbesad3]

انا معايا العربيه من سنه تقريبا و ما شاء الله زى الفل , كنت عاوز ابيع الجنوط السبور الى فيها و اجيب الجنوط الحديد الاستوك و عاوز مقصين و علبه دركسيون لو حد يعرف سعرهم كام اكون شاكر جدا

[كوكش]

انا معايا العربيه من سنه تقريبا و ما شاء الله زى الفل , كنت عاوز ابيع الجنوط السبور الى فيها و اجيب الجنوط الحديد الاستوك و عاوز مقصين و علبه دركسيون لو حد يعرف سعرهم كام اكون شاكر جدا

طب ليه عايز تبيع الجنوط الاسبور ؟؟ اللي اعرفه دايما الناس بتغير من حديد لاسبور، انت العكس .. ليه؟؟؟

[medo5th]

انا ممكن ابدل معاك الجنوط و انا عندى الاستوك لو عايز

[sohbamody]

يا جماعه العربيه عاجبانى اوى حد يقولى بس نصيحه اخلينى فى الاوتوماتك ولا المانوال لولو الاتوماتك منها فتيسه فى مشاكل ولالا .

ردو عليا الله يجازيكم خير وبفكر اشترى واحده نفس الموديل 1990

[donotbesad3]

الجنوط الاستوك بتريح العربيه و العفشه و بتساعد علي التسارع
انا عارض الجنوط للبيع ب 600 جنيه و لو حد مهتم ممكن ارفع صورتهم
فيهم جنط و احد ملحوم قبل كدا بس انا ماشى عليه زى الفل مفيهوش مشكله

[medo5th]

الجنوط الاستوك بتريح العربيه و العفشه و بتساعد علي التسارع
انا عارض الجنوط للبيع ب 600 جنيه و لو حد مهتم ممكن ارفع صورتهم
فيهم جنط و احد ملحوم قبل كدا بس انا ماشى عليه زى الفل مفيهوش مشكله

ياريت يا جميل ترفع الصور او تبعتههم ع الميل و توضح صناعتهم ايه و اكون شاكر ليك جدا
Heartgreen31@yahoo.com

[sherif2003ab]

السلام عليكم .. يا جماعة أنا انضميت مؤخراً لمالكي هذة السيارة الرائعة جداً من وجهة نظري في حدود سعرها .. أنا معايا شاريد هاتش باك موديل 92 ، 1000 cc ثلاثة سلندر مكيفة تكييف ثلاجة بقالها معايا سنة مشيت بيها 45 ألف كيلو متر .. سفر وداخل المدينة زي الفل
وعندي خبرة كافية بدون مبالغة في فك وتركيب واصلاح كافة أعطالها وأماكن بيع قطع غيارها وحلول أي مشكلة فيها مع العلم اني محاسب في توكيل بوش لقطع غيار السيارات
.. لسة مغيرلها فتيس مانيوال 5غيار غير المرشدير اشتريته من الوكالة زي الفل فبريكة وناعم ومحترم جداً عمل 700جنيه وركبته بايدي ، في حين ان فتيس الفيورا اللي كانت معايا قبلها ثمنة 1500جنيه !
جوز كبالن أمامي خارجي تايواني بالكوتش والشحم 250جنيه
غيرت الرادياتير بتاعها واشتريت رادياتير ألومينيوم أصلي بتاع النترا 2006 عريض جديد زيرو عمل 480جنيه مخلي العربية الحرارة لا تتجاوز الربع حتى مع التكييف في عز الحر .. بيركب بدون أي تعديل أو مشاكل مجرد تطويل الخرطوم الكاوتش اللي رايح على كوعة المياه ..
طقم اصلاح الكربراتير كامل ياباني أصلي هو هو بتاع تويوتا كرولا 80 عامل 75جنيه بكل الجوانات والبيكات وابرة العوامة والرداخ وكل شيء وبفكه وأركبه وانظفة بايدي .
بليةة العجل الامامي تايواني محترمة عاملة 70جنيه
طقم تيل فرامل امامي تايواني نظيف جداً 70جنيه
سير دينو وسير تكييف كوري الواحد بـ 15جنيه
سير كاتينة ياباني أصلي 75جنيه
مارش استيراد 200جنيه
ديسك واسطوانة وبلية دايكون ياباني محترم 500جنيه ، ديسك واسطوانة فاليو كوري محترم برضه 350جنيه بدون البلية ..
علبة دريكسيون تايواني جديدة 480جنيه
طقم بيض بارات اسكاترا 180جنيه
صليبة عمود دريكسيون استيراد 120 جنيه

أي حد يا جماعة عاوز أي مساعدة لا يتردد في السؤال وأنا في الخدمة

[khalid_adel]

احب اشكر ردك ده ياشريف باشا اللي فعلا فتح نفسي للعربيه لو تقولي بس انت عامه بتتعامل مع مين من الميكانيكيه والاسعار اللي انت ذكرتها دي عند محل ايه وفين مكانو

[matrix_it]

شكرا استاذ شريف علي التقرير

Sent from my Nexus 5 using Forum Runner

[upaupa]

احب اشكر ردك ده ياشريف باشا اللي فعلا فتح نفسي للعربيه لو تقولي بس انت عامه بتتعامل مع مين من الميكانيكيه والاسعار اللي انت ذكرتها دي عند محل ايه وفين مكانو

نفس السؤال وسؤال تانى الا يؤثر الراديتير الاكبر على طلمبة المياه ويعمل حمل عليها ..؟؟ وشكرا للمعلومات الثمينة