الى ملاك الماتيريا

[shekou]

سلام عليكم
انا معايا 70000 عايزة عربية اتوماتيك و بفضلها هاتشباك وطبعا المبلغ دة ميجبليش اتوماتيك زيرو خصوصا انى رافضة الصينى
المهم انا عجبانى الماتيريا ( مستعملة ) بس ناس كتير خوفونى منها مع انهم مجربوهاش اصلا اعتراضهم عليها انها عربية مش منتشرة و صعبة فى اعادة البيع كمان قطع غيارها مش متوفرة ولو لقيتها تبقى غالية و ان العربية اكيد فيها مشكلة بدليل ان مبقاش ينزل منها زيرو
يا ريت اللى معاهم ماتيريا يقلوللى الكلام دة صح ولا غلط و العربية عاملة معاهم ايه و يشجعونى اشتريها ولا لأ
و لو لأ تقترحوا عليا بديل ايه
و شكرا

[shoshasam]

ليه تشتري عربيه مش منتشرة وبالتالي قطع غيارها كذلك وتقيله في اعادة البيع
في رينج السعر ده هاتلاقي عربيات كتيره ممتازة وبحالة كويسه جدا

شيفروليه سبارك 2012
أوبترا 2008
أفيو 2009
فيرنا 2010
فيكترا 2002
نيسان صني 2001 فيما فوق
كيا بيكانتو 2010 وهاتشباك
أكسنت 2010
ماتريكس 2003 فيما فوق وهاتشباك
أسترا 2000 فيما فوق
رينو ميجان 2006 فيما فوق (ده اختياري لو معايا المبلغ ده)

وأنواع كتيره جدا تانيه وليها اعتمادية أفضل بكتير

[shekou]

ليه تشتري عربيه مش منتشرة وبالتالي قطع غيارها كذلك وتقيله في اعادة البيع
في رينج السعر ده هاتلاقي عربيات كتيره ممتازة وبحالة كويسه جدا

شيفروليه سبارك 2012
أوبترا 2008
أفيو 2009
فيرنا 2010
فيكترا 2002
نيسان صني 2001 فيما فوق
كيا بيكانتو 2010 وهاتشباك
أكسنت 2010
ماتريكس 2003 فيما فوق وهاتشباك
أسترا 2000 فيما فوق
رينو ميجان 2006 فيما فوق (ده اختياري لو معايا المبلغ ده)

وأنواع كتيره جدا تانيه وليها اعتمادية أفضل بكتير

شكرا جدا على الرد
طيب انا لو اخدت من اقتراحاتك الهاتشباك لانى مستبعدة جدا السيدان هنلاقى ان :
اولا شيفروليه سبارك مانيوال مفيش منها اتوماتيك
ثانيا البيكانتو صعب الاقى اتوماتيك فى حدود المبلغ الى معايا و لو لقيت هايبقى الشكل القديم و مبيعجبنيش كمان هى 1100cc فى حين الماتيريا 1500cc
ثالثا الماتريكس المبلغ اللى معايا ميجبش منها اتوماتيك
بحاول اشيل الماتيريا من دماغى مش عارفة العربية يابانى 1500cc اتوماتيك زجاج فيميه صغيرة وعملية من برا و واسعة جدا من الداخل و مناسبة للمبلغ اللى معايا
يا ريت حد يبقى معاه العربية و يدخل يقولنا هل فعلا بيواجه صعوبة فى قطع الغيار و اعادة البيع ولا الدنيا حلوة
و شكرا كمان مرة