دايهاتسو شاريد 1992

[HossamEldeen]

ايه رأيكم فى دايهاتسو شاريد موديل 1992 سيدان من حيث المتانة وقطع الغيار ؟
ولو قدامى عربية فيها باور وسنتر لوك بس بدون تكييف تعمل كام ؟

رجاء المساعدة :)

[egyptiandiver]

أهم حاجة حضرتك تنزل تسأل على قطع غيار و تتأكد بنفسك من توفرها... مهما يكون ده موديل فات عليه أكتر من 20 سنة، الحرص على قرشك واجب بردو بدل ما تدبس، و أعتقد إن هي كعربية جميلة. و بردو إلي ليه خبرة مباشرة يفيد حضرتك. أخوك / أحمد سامي

[mohamed_rhem]

كل حاجتها موجوده في الحرفيين

تعمل من 20 الي 22

[sohbamody]

حاجتها موجوده عند تجار معينين وبيبالغو فى الاسعار بس موجوده لو انت من القاهره مش هتتعب انما بعض المحافظات هتتبهدل شويه على متلاقى حاجتها

بالنسبه للعربيه لو حالتها نضيفه دور فى حدود من 20 ل 24 الف مش اكتر من كده
انا ليا فتره بدور على واحده ولقيت اكتر من واحده فى الرنج ده بس الحاله كانت تعبانه



فى ناس بتبالغ فى السعر ل 30 الف ودول متتصلش بيهم اصلا لانك لو زودت 10 الاف كمان تقدر تجيب شاريد
2007 من اول 40 الف اوتو وموجوده
يبقى المختصر المفيد عربيه مش هتصرف عليها اخرها 24 او 25 ولو فيها شغل تنزل ل20

موتورها موجود استيراد فى حدود 4000 فى بورسعيد
وربنا يوفقك