بشأن التريوس من 1997 الى 2006 عيوبها

[yourfreeman]

السلام عليكم ورحمة الله وبركاته
انقل اليكم خبرة اخ فاضل فى مجال مبيعات السيارات بالمملكة عن رأيه فى السيارة دايهاتسو تيريوس موديلات حتى 2006
السيارة تنقسم الى جيلين
الاول من 1997 الى 2004
الثاني 2004 حتى الان
ولكن النقله الحقيقة جاءت من موديل 2007 حيث ادخلت التعديلات الجزرية لتلافي عيوب الجيل السابق
وهي
اولا التريوس مميزاتها فقط انها صناعة يابانية بالكامل
اما بقي عيوبها اكثر من مميزاتها
صغيرة الحجم من ناحية العرض تعتبر ضيقة نوعا ما بالنسبة لمسمي سيارة جيب حجم صغير
ثانيا خطيرة جدا في الملفات علي السرعة العالية لانها مرتفعة والات الجر الخلفي علي كرونا وده عيب فيها
لان عيوب الكرونا مع سيارة عالية وعرضها صغير تعرضها للانقلاب بسهولة
ثالثا موتورها مش قوي تناسبا مع حجم السيارة ووزنها هي موتور 1500 سي سي قوة حصان مش عالية وده يعيبها طبعا لو كانت 1600 موتور 2 كامة كانت حققت معادلة لا باس بها وكان هاتبقي قوة حصان اعلا مقارنه مثلا بالسوزوكي الفيتارا اقوي بكتير منها وافضل لانها اعرض من التريوس وده يديها ثبات علي الطريق افضل وخصوصا في المنحنيات للسرعة العالية نوعا ما
وكمان محتاجة تعديل في الات الجر الخلفي كان مفروض تبقي كبالن خلفية زي مثلا البيجو ال 504 ال جي ال لان الكبالن الخلفية بتكون تعليق منفرد وبتتحرك كل جهة بشكل مستقل وده يديها مرونة وتوازن للبودي وثبات اكتر
معلش طولت عليكم انا بس بتكلم بحكم خبرتي في مبيعات السيارات لفترة اكثر من 20 عاما وهي خبرة اتبنت علي اساس علمي وتدريبات عالية في اكبر وكالات السيارات بالسعوية
وفي التدريب بتعرف مميزات وعيوب كل سيارة بشكل مفصل من ناحية الموتور والقوة والبودي والات الجر والي اخره واي استفسار اخر انا تحت امركم وياريت المعلومات تكون مفيدة للجميع
ومن عندي انا قطع غيار ها مش موجودة بكثرة
سلامي للاحبه

[aymanshebl]

شكرا يا باشا

[yourfreeman]

شكرا يا باشا

العفو
وانا شخصيا بشجع على شراء السيارة من موديل 2007 وانت طالع
والله الموفق

[mohamed_rhem]

تقرير رائع

[mo7a_mo7a]

السلام عليكم ورحمة الله وبركاته
انقل اليكم خبرة اخ فاضل فى مجال مبيعات السيارات بالمملكة عن رأيه فى السيارة دايهاتسو تيريوس موديلات حتى 2006
السيارة تنقسم الى جيلين
الاول من 1997 الى 2004
الثاني 2004 حتى الان
ولكن النقله الحقيقة جاءت من موديل 2007 حيث ادخلت التعديلات الجزرية لتلافي عيوب الجيل السابق
وهي
اولا التريوس مميزاتها فقط انها صناعة يابانية بالكامل

التريوس الحالية تيواني مش ياباني ودي اللي بتنزل مصر وكان في دفعات بتوصل ياباني بس معنديش فكرة لسة ولا لا

اما بقي عيوبها اكثر من مميزاتها
صغيرة الحجم من ناحية العرض تعتبر ضيقة نوعا ما بالنسبة لمسمي سيارة جيب حجم صغير

التريوس ليست سيارة جيب فسيارات جيب ماركة امريكية انما هي سيارة تتبع فئة suv


ثانيا خطيرة جدا في الملفات علي السرعة العالية لانها مرتفعة والات الجر الخلفي علي كرونا وده عيب فيها
لان عيوب الكرونا مع سيارة عالية وعرضها صغير تعرضها للانقلاب بسهولة

لا يوجد علاقة بين الكرونة والارتفاع وقلة الثبات وليس كل سيارات تريوس بها كرونة خلفية ايضاً
بعض سيارات تريوس جر امامي فقط والاخري دفع رباعي وهو ما يعطيها ثبات اعلي لكن تظل حدود السرعة لسيارات suv اقل من سيارات الصالون وتريوس ليست سيارة سباق
بالمناسبة سيارات بي ام دبليو ومرسيدس بها كرونة وده بيديها ثبات اكثر




ثالثا موتورها مش قوي تناسبا مع حجم السيارة ووزنها هي موتور 1500 سي سي قوة حصان مش عالية وده يعيبها طبعا لو كانت 1600 موتور 2 كامة كانت حققت معادلة لا باس بها وكان هاتبقي قوة حصان اعلا مقارنه مثلا بالسوزوكي الفيتارا اقوي بكتير منها وافضل لانها اعرض من التريوس وده يديها ثبات علي الطريق افضل وخصوصا في المنحنيات للسرعة العالية نوعا ما

فرق ال 100 cc لا يمكن ان يكون معنوي ان كان موتور التريوس 1500 يولد 105 حصان صافي وليس كلي وهو رقم مقارب جدا للفيتارا في ليست اقوي بالمناسبة فسكون بالكثير 110 لو زاد الي 1600 وبالتالي ما الجدوي
موتور التريوس بالفعل 16 صباب وتكنولوجيا الخاصة به معقولة وادائه مناسب للسيارة
لكن ههناك معادلة يجب ان تؤخذ في الاعتبار وهي نسبة القوة الحصانية المولدة الي الوزن وفي حالة التريوس هي محسوبة جيدا ولا يوجد ما يعيق السيارة


وكمان محتاجة تعديل في الات الجر الخلفي كان مفروض تبقي كبالن خلفية زي مثلا البيجو ال 504 ال جي ال لان الكبالن الخلفية بتكون تعليق منفرد وبتتحرك كل جهة بشكل مستقل وده يديها مرونة وتوازن للبودي وثبات اكتر


لا يوجد في علوم الميكانيكا شئ اسمه كبالن خلفية
التريوس بها كرونة وجهاز فرقي خلفي يعد الاكثر تطوراً بين مثيلاتها علي الاطلاق
باقي المعلومات اللي ذكرتها سيادتك في الفقرة السابقة ما انزل الله بها من سلطان


معلش طولت عليكم انا بس بتكلم بحكم خبرتي في مبيعات السيارات لفترة اكثر من 20 عاما وهي خبرة اتبنت علي اساس علمي وتدريبات عالية في اكبر وكالات السيارات بالسعوية
وفي التدريب بتعرف مميزات وعيوب كل سيارة بشكل مفصل من ناحية الموتور والقوة والبودي والات الجر والي اخره واي استفسار اخر انا تحت امركم وياريت المعلومات تكون مفيدة للجميع
ومن عندي انا قطع غيار ها مش موجودة بكثرة
سلامي للاحبه

واضح ان معلومات حضرتك لا ترقي لان توصف بكلمة خبرة وان التدريب اللي سيادتك تكلمت عليه غير كافي بالمرة

وادعو كل من يقرا هذا الموضوع الي البحث عن المعلومات الصحيحة بنفسه ومن مصادر موثوق فيها والابتعاد عن مصادر
قالي وقولتله وحكالي والكلام ده


خالص تحياتي للجميع

[yourfreeman]

واضح ان معلومات حضرتك لا ترقي لان توصف بكلمة خبرة وان التدريب اللي سيادتك تكلمت عليه غير كافي بالمرة

وادعو كل من يقرا هذا الموضوع الي البحث عن المعلومات الصحيحة بنفسه ومن مصادر موثوق فيها والابتعاد عن مصادر
قالي وقولتله وحكالي والكلام ده


خالص تحياتي للجميع

لن اجادل حضرتك لان لك مني كل التحية والتقدير [overline]( ادعوك لان تكون اهدى من ذلك لاني لم اقصد باي حال من الاحوال اثارة غضب احد )[/overline]
لو حضرتك اخدت بالك ان دة مش رايي الشخصي دة راي اخ طيب في مجال المبيعات ولست انا
وانا وان كنت عرضته فهو من باب الاخذ عن اصحاب الخبرة وليس اكثر .
وانا شخصيا استغربت من الكثير من كلامه ولكن عرضته لكي نتناقش فيه وننقحه ونخرج بالحقائق الثابتة منه
لك مني كل التحية والى اخوانا الافاضل بالمنتدى