إعـــــــلان

Collapse

.

,
See more
See less

مشاكل السيريون

Collapse
X
 
  • Filter
  • الوقت
  • Show
Clear All
new posts

  • مشاكل السيريون

    طبعا كـ اى مشترى لـ اى سيارة يخطط و يفكر الف مرة قبل ما يأخذ القرار, فـ انا عايز عربية فى الرانج 70 لـ 85 و السيريون عاجبتنى لما قرات مواضيعها هنا و عن ثباتها و انا كمان بحب الحجم الصغير و انا عاجبنى فيها اخبار الامان بصراحة هو اكتر شئ شدنى ليها بجانب شكلها الرائع!

    بس لم ارى اى شخص كاتب عن مشاكلها فـ انا بفكر فى واحدة من الـ 3 اما frv او gen2 او سيريون!! و طبعا الكل مانويل لانى مابحبش الاوتوماتك و ماليش صبر معاه :)

    فـ ياريت تفيدونى فى هذه النقطة و هى مشاكل السيريون؟ هل هى ثابته؟ ام عادية يعنى بأختصار من واجه مشكله فى عربيته يخبرنى بيها و يفيدنى!

    شكرا لكم
    سابانى حبك يا فخر الرتب.....موسى رأكِ عَجب من عَجب.....و الاناديل فضــه بتضوى و الصلبان دهب

    دا مدحى للباتول ذاد قلبى فرح.....و اللى يمدحها علطول قلبو ينشرح.....ياقبة موسى يا مريم يا شورية هارون

  • #2
    أولا اهلا بك في المنتدى

    ثانيا انا واحد من ملاك العربيه من شهر 11-2006
    ولحد الأن لم اقابل مشكلة في السيارة لا مشكلة تصنيع ولا مشكلة تقفيل ولا مشاكل ميكانيكة
    مع العلم انا عامل حولي 33 الف كم لحد الأن

    وجربت كل حاجه في العربيه
    حمولة زائدة مع تكييف مع سرعه ولا فيها الهوا

    وانا اتوماتيك كمان
    استهلاك بنزين جميل خصوصا في السفر

    وانصحك بكثرة الأستخارة لكي ترزق الخير ان شاء الله
    [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
    [COLOR="Olive"]قال رسول الله صلى الله عليه وسلم :[/COLOR]
    [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

    Comment


    • #3
      المشكلة الوحيدة فى السيريون هى العفشة الناشفة

      Comment


      • #4
        وانا معايا مونيوال زى ماحضرتك عايز تجيب ان شاء الله والعربيه بسم الله ما شاء الله ممتازة جدا وانا سافرت بيها مرتان مرة اسكندرية وكنت انا وواحد صاحبى بس ومرة مرسى مطروح وكانا 4 ومعنا شنط كتتتييييييييير وفعلا كنت مستمتع جدا وانا ماشى بالسرعة اللى انا عايزها والعربية مش مقصرة فى اى حاجة وكمان التكيف شغااااااااااااال وبالمناسبة العربية معايا من 12-2007 وعاملة 24000كم وان شاء الله ربنا يوفقك الى ما فية الخير
        م/على إبراهيم

        Comment


        • #5
          اولا ربنا يوفقك فى الاختيار ان شاء الله

          انا هقول لحضرتك العيوب اللى انا شايفها من وجهة نظرى الخاصة, و عيب تانى ظهر فى بعض السيارات و يفترض انه الوكيل هيبدأ فى حل الموضوع ده ابتداء من شهر ديسمبر

          1- عفشة العربية ناشفة, يعنى عكس ما هو سائد ان العربيات اليابانى عفشتها ناعمة, لكن العربية دى انشف , لو قارنتها بعربية قريبة جدا منها فى السعر زى الياريس (او كانت قريبة فى السعر :) )

          2- مستوى عزل الصوت مش اوى, لكن اكتر حاجة مش عجبانى هو صوت الحصى او الرمل لما يخبط فى العربية من بره, و انت قافل كل الزجاج, بيبقى مزعج و مسمع جوه العربية (مش عارف اذا كنت وصلت وجهة نظرى و لا لأ): يعنى على سبيل المثال لو عديت على ارض فيها "طينة" مثلا بتلاقى ان الحصى اللى بيتناثر تحت العربية مسموع جوه الكابينة كويس جدا

          3- مستوى عزل الروائح عن الخارج برضه متوسط, يعنى حتى لما تكون مشغل خاصية تدوير الهواء بداخل السيارة (recycling) برضه ممكن ؤوائح العادم او اى رائحة مكروهة تتسلل لداخل السيارة, لكن اكيد مش بنفس قوتها بالخارج (ممكن تقول 1/5)

          ------------------------------------------------

          نيجى للعيب اللى المفروض الوكيل يصلحه, هو موجود عند بعض الناس و المفروض هيبدأ معالجته ابتداء من 1/12/2008

          هتلاقى تفاصيل عنه فى الموضوه الاتى : مشكلة فى السريون

          و ده الاخبار الخاصة بتصليح العيب: اخر الاخبار

          علشان لو كان فى نصيب و جبت العربية, و لا قدر الله ظهر عندك الصوت متدعيش علينا و تبقى عارف انه بأذن الله بيتم حله عن طريق الوكيل

          تحت امرك فى اى استفسار :)

          ملحوظة: انا معايا العربية من 2 مارس 2008, و عامل بيها 20 الف كم
          [CENTER][SIZE="5"][COLOR="YellowGreen"]إن لم تستح ..... فأصنع ما شئت[/COLOR][/SIZE][/CENTER]

          Comment


          • #6
            ربنا يوفقك للخير يا باشا ان شاء الله
            يس في عيب الاخوه مذكروهش حبيت اعرفك بيه وهما مذكروهوش لانهم اوتماتك
            لاكن بما انك هتجيبها مانويل لازم تعرف ان الدبرياش بتعاها تقيل شويه
            [shr71=http://2.bp.blogspot.com/_2itwrLyEJJk/TDhefYcakFI/AAAAAAAAAM8/FjUVVg5aTao/s1600/honda-city-2010-5.jpg][/shr71]

            Comment


            • #7
              شكرا لكل من عبرنى :)

              انا والدى رفض موضوع الجين تو و عاجباه البريليانس بس بسبب كلامكم هنا قلت له ننزل نتفرج على السيريون و اهو التوكيل قريب مننا فى شارع النزهة يعنى مش هنخسر حاجة

              و هو قال لى اوك اما اشوف اخرتها معاك ايه! انا بس عايز اقل مشاكل يعنى عايز عربية استخدمها استخدام نضيف بس ما تقرفنيش! يعنى مش من غير ما اعملها حاجة الاقيها بتصفر ولا تطقطق مثلما يقول البعض هنا

              عن العفشة فـ هى مش مشكلة اى نعم انا نفسى فى عفشة محترمة مثل عفشة الـ 308 اللى ماركبتش انضف من عافشتها والله حتى الـ c180 عفشتها ماكنتش بنفس النضافة بصراحة عفشة غريبة يعنى معدين من فوق عين القط! وانا متعود على الدبدبة فى العربية الاقى العربية معديه فوقيهم ولا سامع صوت ولا هزة واحدة حتى!!!

              عرفت ساعتها معنى العفشة النضيفة بس دا مش مشكل! المهم انى مش عايز اشوف التوكيل الا فى الصيانات! غير كدا مش عايز اهوب نحيته!

              ايه رأيكم هل لو حافظت عليها هسمع صوت الطقطقة دا اللى مالوش حل؟

              و بالنسبة لونة الفتيس؟ يعنى ايه ونه اصلا؟؟ :) سمعت انها مشكلة متكرره فى الـ سيريون

              طبعا كل برغوت و على قد دمه يعنى مافيش شئ بالسعر دا و خالى من المشاكل!! لذا لو مشاكلها خفيفة اتكل على الله و خلاص

              على العموم انا من الناس الهادية فى السواقة و اخرى 120 لو الطريق فاضى!! يعنى مش هكون شديد عايها عشان كدا مش عايز الاقى فيها عيوب بعد كل دا :)

              شكرا للكل
              سابانى حبك يا فخر الرتب.....موسى رأكِ عَجب من عَجب.....و الاناديل فضــه بتضوى و الصلبان دهب

              دا مدحى للباتول ذاد قلبى فرح.....و اللى يمدحها علطول قلبو ينشرح.....ياقبة موسى يا مريم يا شورية هارون

              Comment


              • #8
                انا رأيي السيريون مناسبة لك أكتر من الجين تو و البرليانس لأنك هادي في السواقة و مش محتاج حاجة تجمع معاك سرعات عالية و موتور كبير 1600 .. إلي جانب إنها هتوفرلك في إستهلاك البنزين .. و السيريون إعتمادية أكتر و مضمونة فا مشاكلها هتبقي أقل .

                عيوب العربية مش هزود عاللي قاله معاذ و هيثم بس انا رأيي إن مش الدبرياش اللي تقيل الفتيس هو اللي تقيل شوية خاصة و العربية لسة جديدة خاصة في الغيار الأول .
                [COLOR="gray"]
                [CENTER]Leadership is based on inspiration, not domination[/CENTER][/COLOR]

                Comment


                • #9
                  3- مستوى عزل الروائح عن الخارج برضه متوسط, يعنى حتى لما تكون مشغل خاصية تدوير الهواء بداخل السيارة (recycling) برضه ممكن ؤوائح العادم او اى رائحة مكروهة تتسلل لداخل السيارة, لكن اكيد مش بنفس قوتها بالخارج (ممكن تقول 1/5)
                  على فكره يا معاذ الحركه دي مش بتبقى عالطول وبيبقى سببها ان الفتحات دي لما بتقفلها مش بتعشق كويس في مكانها
                  يعني ممكن بس وانت بترجعها للقفل انك تضغط عليها كويس
                  [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                  [COLOR="Olive"]قال رسول الله صلى الله عليه وسلم :[/COLOR]
                  [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                  Comment

                  Working...
                  X