عايز النصيحه من ملاك السيريون

[eemmoo]

كنت ناوى بأذن الله اشترى عربيه سيريون 1000 سى سى موديل 2008 او 2009

وكان سؤالى بخصوص الموتور مع تشغيل التكييف هل السحب هيكون ضعيف ولا السحب كويس
ولا ابعد عنها خالص واشوف حاجه 1300

وقولت طبعا محدش هيقدر يفيدنى الا اللى راكبين العربيه فعلا عشان الناس بتحب تفتى وتقولك الموتور ضعيف والسحب هيقل والجو ده

وسؤالى التانى عن مدى توافر قطع الغيار هل حاجتها كلها موجوده جديده واستيراد ولا مش متوفره

ولو حد قدامه حاجه للبيع بشرط الحاله يقولى ويمكن البدل بابيزا موديل 2000 حاله ممتازه

وياريت اى حد يقولى سحب الموتور ده مقارب لايه من العربيات المعروفه

[Karim_Monir]

حاجات العربيه متوفره غاليه شويه بس موجوده
غاليه عشان معظمها ياباني
سحبها كويس وبالتكييف
متتخيلش هاتلاقي تلاجه
بقارنها بالعربيه اللي جت بعدها لوجان 1600 مو 2014
تكيف السريون احسن من اللوجان ال 110 حصان
لو لقيت 1300 برضه كويسه جدا وموتور اكبر طبعا
ميزه الالف توفير رهيب في الوقود
بروح بيها اسكندريه واجي باقل من 30 لتر بنزين بالتكييف
وناعمه جدا في سواقتها خصةصا مع الباور الكهربا
اخيرا انا ببيع ال 2009 بتاعتي ماشي 62 الف كم رشه بره ما عدا سقف

[mohamed_rhem]

انا معايا من 2010 تحديدا شهر اغسطس

ماشي بيها حوالي 125 الف كم

ما شاء الله عليه سفر وجوا البلد وتكييف رائع

[eemmoo]

خيرا انا ببيع ال 2009 بتاعتي ماشي 62 الف كم رشه بره ما عدا سقف

شكرا لحضرتك استاذ كريم
طيب ممكن تقولى مطلوب كام نهائى ولونها ايه ومحتاجه اى مصاريف زى كاوتش او صيانه او اى حاجه تانيه ولو امكن صور

[Karim_Monir]

2009
ماشيه 61 الف
لون احمر
راشه بره نضافه ما عدا السقف
الاكصدامين مخربشين هارشهم قبل البيع
صيانات كامله معموله فيصيانه ال 50 الف منها تغيير طقم دبرياج بس ب 1800 في التوكيل
وتغيير بوجيهات اصليه ايرديوم ب 400 جنيه و زيت فتيس وزيت باور وزيت فرامل وتيل فرامل وبارات اماميه
فرش جلد عند جينز كار باكتر من الفين جنيه وفرش شنطه وارضيه جلد
العربيه كنت جايبها للمدام وخليتها عالشعره صارف اكتر من 10 الاف جنيه عشان متوجعش دماغي ومعرفتش تسوق مانيوال
طقم جنوط bbs 14
كاوتش جديد
بطاريه من 4 شهور
زينون
فوجات زينون

رخصه تخلص كمان اسبوعين
لونها احمر
كنت هابيع ب 62 وكان في عضو فاصلني فيها لحد 60 وقالي فلوسه مش جاهزة بس عشان محبش حد يرتبط بكلمه للبيع واحجزله العربيه عالفاضي

[Omar Sarray]

انت كده مضبط العربيه على الاخر وسعرها على فكره 60 الف كويسه من رغم انت غيرت ليها كتير وهيا ماشيه 50 الف انت متاكد ماشيه 50 الف بس وله اكتر

[Karim_Monir]

عيب عليك ده سؤال برضه :-)
علي فكره انا واخدها من سنه 38 الف كم عداد شرعي
كانت بتاعت دكتورة مبتخرجش بيها من منطقه الهرم وفيصل عشان كدة ميكروباصات فيصل كانو معلمين عليها وشيتها من بره عندي في الورشه سكينز الماني
ومشيت بيها دول في السنه دي عشان المدام معرفتش تسوق مانوال