كنز لملاك الشاريد والدايهاتسو عموما في الهرم و فيصل

[didos323]

امتلك سياره شاريد 2007 اتوماتيك التكييف بتاعها باظ رحت اصلحه عند الاستاذ هشام اللي ورا الشبراوي هرم راجل محترم و فاهم و مصنعياته معقوله جدا و كل اللي عنده فاهمين و شغلهم نظيف المهم طلع المشكله كباس التكييف باظ... والحل واحد جديد والناس عارفه ان حاجه العربيه قليله و عزيزه قلت لسه هاروح الحرفيين لسيد الفراش . الاستاذ هشام قاللي في حد شغال في الدايهاتسو يجي يبص و يشوف جيه الاستاذ احمد راجل محترم و قمه في الذوق وقاللي كل حاجه العربيه عنده..ياااه يا عبدتاصمد الكهم جابلي سربنتينه تكييف بحااله الزيرو ب700 جنيه و هشام لقى عنده كمبرسور ليا على 500 و شحن ب 150 و مصنعيه 120 الشهاده الاستاذ احمد فضل واقف معانا لحد ما قفلنا الشغل و جربنا التكييف و اخد فلوسه بعد ما اطمنا انا هحطلكم عنوانه و تليفونه وهو بيصلح كمان ميكانيكا و عفشه دايهاتسو . الاسم:احمد دايهاتسو
التليفون :012223606464

[upaupa]

شكر على مساهمتك واهتمامك بافادة الجميع ....... يا ريت لو تكتب عنوانه وكيفية الوصول اليه بالتفصيل.... والناس اللى تعاملت معاه تكتب انطباعها ....يا ريت كمان عنوان هشام بتاع التكييف بالتفصيل غلشان نضيفهم لبقية عناوين صنايعية الديهاتسو المتوفرة فى المنتدى

[didos323]

عنوان استاذ هشام عامر للتكييف شارع الهرم تدخل من عند الشبراوي مسرح الزعيم اول شارع يمين تدخله تلى بعد 150 متر شمال

استاذ احمد دايهاتسو فيصل المطبعه بجوار المبروك جيم

[didos323]

النهارده غيرت الكمبرسور بتاع دايهاتسو شاريد 2007 من عند الاستاذ احمد دايهاتسو على التجربه لمده اسبوع برضه تم التركيب عند الاستاذ هشام عامر و احمد استنى لحد ماركبنا وشغلنا و ساعدنا في حاجات بصراحه الراجل خدوم جدا كل الشكر والتقدير ليه و للمهندس هشام

[mohamed_rhem]

كلمته الرقم المظبوط
01223606464

راجل محترم و وودود داخله شغل قريب كمان اسبوع هروح واشوف

[upaupa]

كلمته الرقم المظبوط
01223606464

راجل محترم و وودود داخله شغل قريب كمان اسبوع هروح واشوف

مستنى رأيك فى شغله بحكم خبرتك بفارغ الصبر علشلن اروح له يظبط العربيه ...ده يعتبر جنبى ... هيا زى الفل بس بتبطل احيانا وانا مشفل التكييف

المهم يكون متخصص

[ahmad_eng]

انعدام الضمير ... هي أحمد دايهاتسو

فقط احذر من التعامل مع المدعو أحمد دايهتسو

شخص غير أمين وفظ .. عن تجربة شخصية قام بتغيير الموتور للسيارة بآخر مستورد بتكلفة تخطت ال 10 الاف جنيه بعد ذلك قام بابتزازنا بسبب عدم وجود رقم صادر وتعمده اخفاءه حتى يقوم بحلب فلوسنا لأطول فترة ممكنة ، بعد ذلك اتضح ان الموتور تالف ورفض تغييره وتحجج ان ضمان الموتور المستورد 8 أيام.


لمن يريد ان يمر بتجربة سيئة ستفسد أيامه ويخسر فلوسه ويندم بشدة... يستطيع تجربة هذا الشخص

[Colin Chapman]

فقط احذر من التعامل مع المدعو أحمد دايهتسو

شخص غير أمين وفظ .. عن تجربة شخصية قام بتغيير الموتور للسيارة بآخر مستورد بتكلفة تخطت ال 10 الاف جنيه بعد ذلك قام بابتزازنا بسبب عدم وجود رقم صادر وتعمده اخفاءه حتى يقوم بحلب فلوسنا لأطول فترة ممكنة ، بعد ذلك اتضح ان الموتور تالف ورفض تغييره وتحجج ان ضمان الموتور المستورد 8 أيام.


لمن يريد ان يمر بتجربة سيئة ستفسد أيامه ويخسر فلوسه ويندم بشدة... يستطيع تجربة هذا الشخص