يا جماعة ساعدونى من فضلكم

[amr fahmy]

انا كنت ناوى اشترى سيارة فيرنا 1600 اوتوماتيك و لكن بعض الاصدقاء ذكروا لى ان السيارة بها بعض العيوب , فرايت السيريون و اعجبت بها و لكنى السيريون الكاملة الوتوماتيك ب 85000 ج و نا لو طلعت لهذ ا المبلغ فساصبح امام عدة اختيارات و هى (اوتوماتيك فقط) :-
1 - فيرنا اوتوماتيك
2 - سيريون اوتوماتيك
3 - ماتريكس اوتوماتيك
4 - نيو اكسنت اوتوماتيك
ففى رايكم ماهى السيارة الافضل من هولاء من كل الوجوه ؟

[Sharky]

رأى الشخصى

لو عايز عربية هاتشباك يبقى هات السيريون

لو عايز عربية سيدان هات النيو أكسنت

لو عايز عربية عائلية هات الماتريكس (مع تحفظى على شكلها)

[أبو عبدالله]

السلام عليكم ورحمة الله وبركاته

أولا اهلا بك في المنتدي ومنورنا بوجودك ان شاء الله

ثانيا .... مش عارف الاختيارات دي مش متوافقه مع بعضها يعني سيدان على هاتشباك
لا تقارن السيارات هكذا ..... ولكن انا هقولك مزايا كل واحده وعيوبها

السيريون : عربيه ياباني ومحترمه جدا وكفاءة شغل وجودة خامات وموتور اداء عالي كويس وتوفير في استهلاك في البنزين ومعمره وواسعه جدا من الداخل واعلى ضمان 100 الف كيلو او ثلاث سنوات
انا مش هقول ان ده من عيوبها لأنها هاتشباك وكل الهاتشباك لازم يبقى كده ولكن لو متفرقشي معاك موضوع الشنطة هيا بتاخد مش معنى الكلام انها مش بتاخد لا بتاخد ولكن مش طبعا زي السيدان
طبعا مفيش حاجه اسمها عيوب تقفيل او عيوب صناعه الا طبعا نادر بس اللي هو مش شئ ملاحظ

الماتريكس عربيه كوري وجيده جدا ومنتشرة وواسعه من الداخل وشنطتها كويسه اي حجمها يعتبر جيد وماتورها واداءها كويس و 1600 سي سي ولا اسمع ان أحد بيشتكي من اي حاجه فيها غير بس التوكيل اللي هو غبور ضمانها طبعا 60 الف كيلو

اما الفيرنا فأنا كل اللي اعرفه انها دايما فيها مشاكل زوايا وانا أضيف ان النيو اكسنت كده برضه لأني شوفت بعنيا واحده ماشيه قبل كده امامي وكان العجل الامامي مش ماشي مع العجل الخلفي
فأنا أنصحك خليك في الماتريكس او السيريون أحسن او مش هتفرق معاك موضوع السيدان من الهاتشباك وكده يعني

وربنا يوفقك لما يحبه ويرضاه وانصحك بكثرة الاستخارة بدون ميل لأي سيارة منهم

[amr fahmy]

شكرا لكم يا جماعة على ارائكم القيمة و لكن انا مازال لى سؤال هل السيريون اللى ب 80000ج تختلف كثيرا على اللى ب 85000 ج او من وجهة نظر اخرى هل الفروق تساوى هذا المبلغ ؟ و هل استطيع ان اركب الكاسيت الاصلى بتاعها فى التوكيل و سيكون ثمنه كام ؟

[amr fahmy]

و معلش يا جماعة ممكن اعرف هل الكنبة الخلفية لها اوسع و لااضيق من كنبة الفيرنا ؟

[fahd_628]

هل السيريون اللى ب 80000ج تختلف كثيرا على اللى ب 85000 ج او من وجهة نظر اخرى هل الفروق تساوى هذا المبلغ ؟

راى الشخصى نعم

العربية بيضاف عليها عداد Rpm و جنوط سبور و Abs مع EBD و سبويلر و السى دى الأصلى بيخلى شكل التابلوة حلو و دول الى فاكرهم دلوقتى ممكن الأخ ابو عبد الله يقولك على الباقى لأنة معاة الكاملة

بالنسبة للأختيار فدة يرجع ليك

لو عاوز عربية صغيرة سهلة فى الركن و المناورة و يابانى و محترمة و توكيل محترم و واسعة من جوة بس شنطتها مش كبيرة يبقى السيريون

لو عاوز عربية للعائلة واسعة جدا من جوة و مسمعش ان فيها مشاكل و منتشرة و حتلاقى قطع غيارها و سهلة اعتقد فى البيع يبقى الماتريكس

لو عاوز عربية شبابية و شكلها حلو ( دة رأى و بتختلف الأزواق :) ) بس بصراحة مسمعش عنها كلام خالص لا حلو ولا وحش بس لما اتفرجت عليها على موقع هيونداى حسيت انها حلوة و على فكرة ادائها ممتاز

و عندك على فكرة فية اختيارات اخرى تانية زى الهوندا سيتى 1300 و التويوتا ياريس و شفرولية اوبترا و بروتون واجا بس دول حيبقو مانيوال علشان سعرهم يبقى 85 او اقل بحبة بسيطة و لكن لو اوتوماتيك حتخش فى اوائل التسعينات فا لو ممكن يبقى احسن طبعا بس بما ان حضرتك عاوز اوتوماتيك فقط ف مفيش غير الأختيارات الى حضرتك قولتها الى ب 85

و الأختيار يتوقف على احتياجات حضرتك

و ربنا يوفقك فى الأختيار :)

[محمد البحيري]

الماتريكس حلوه اوي ده غير انها عائليه وحجمها حلو وسواقتها نااااااعمه اوي

[AhmedElsayed]

بص اكتر تعليق باسمعه على الدياهتسو عامة انها واسعة جدا من جوا غير ميبان عليهم من بره
يعنى انا معايا الشاريد وما شاء الله الوسع من جوا جميل جدا رغم انى طويل اوى
واعرف برده ان السيريون واسعة جدا من جوا يعنى مش زيا ميبان من برا
والاخ عبد الله يفيدك اكتر

[sokasoon]

• لو قعدت تقلب فى العربيات دول هيصفصفو على اتنين هما
  
  
  السيريون يابانى والماتريكس كورى
  
  
  امامك اتنين والاتنين كويسين وشوف ايه الاحسن ليك
  
  وسيبك من الباقى لان دول الافضل بينهم
  
  وسواء اشتريت ماتريكس او سيريون العربيتين حلوين