بالنسبة للسعة اللترية ؟ سؤال بخصوص الماتيريا

[KeroSirion]

انا معايا ماتيريا 2008 عاملة بالضبط 4000 كم .. وانا جايبها 1498 سي سي .. لكن الرخصة مكتوب فيها 1298 سي سي .. مع انه ورقها وورق الجمرك 1498 .. انا لسه واخد بالي من غلطة الرخصة ديه .. هل ديه غلطة في الرخصة وعادي ؟ ولا العربية 1298 سي سي وانا دافع في 1498 ؟؟!!!

يعني معلش باختصار اعرف منين سعة الموتور ؟ من العربية ؟

وبالنسبة لمالكي الماتيريا ايه اخبار الصيانة وايه الحاجات اللي ركبتوها اوبشنز زيادة .. يعني مثلاً نواكل للعربية عشان كنت عايز اجبها ومش لاقي ليها خالص .. وشكرا مقدماً ليكم

[MoDyBeNz2008]

العربية موديل واحد 1500 سي سي

[KeroSirion]

طب ازاي كاتبين في الرخصة الغلطة ديه وايه الاجرائات لتصحيحها ؟

وبجد شكرا جدا على ردك :-))

[MoToRiZeR]

دي غلطة و أعتقد صلحها لأن ممكن تقرفك في الفحص بعد كدة مش عارف الله أعلم بس هي غلطة من بتوع المرور .

[MoDyBeNz2008]

احنا عدنا في الرخصة العربية كانت فضي و مكتوب في الرخصة ذهبي بس احنا غيرنا لونها خلنا زيتي

بالنسبة لتصحيحها مأدرش افييدك

[shaltot]

ماكينة الماتيريا طراز S3 وهي معروفة إنها 1500 cc ولابد من مراجعة جميع الأوراق من أول الإفراج لغاية الترخيص :k10:مع خالص تحياتي

[madoo]

الماتيريا 1500 موديل واحد مافيش غيره
وبعد أذن حضرتك . أسف لو هتقل عليك أيه أخبار الماتيريا معاك بعد 4000 وعملت أيه ف أول صيانه . وأيه الحاجات اللى راكبته زياده . ممكن تقرير عنها سحبها واستهلاكها للبنزين . و عزل الصوت . وكل حاجه عاجباك ومش عاجباك فيها . لانى خلاص هشترى إن شاء الله.
وشكرا مقدما

[KeroSirion]

اولا شكرا لكل من قام بالرد وسأقوم بالذهاب للمرور وتصحيح الخطأ

ثانياً بالنسبة للاخ madoo العربية مش مجاملة او عشان معايا فبقول كده
العربية ممتازة وفوق الممتازة
اول صيانة مجانية لم ادفع شئ وكانت عند الاف الاولى وتم تربيط العفشة وده طبيعي في اي سيارة جديدة بعد الالف كيلو
كمان ركبت جاز انذار وريموت في مركز الخدمة بتاع رزق مركز خدمة معتمد وركبت فرش جلد ارضية ومقاعد .. وركبت كمان وحدات رفع امامي وخلفي

لكن انا ندمت اني اشتريت الحاجة من المركز ده .. يعني انا كان ممكن اتشريها من برا وحاجات انضف بكتير واخدها اركبها هناك علشان الضمان ولكن الواحد لزم يغلط علشان يعتلم
يعني جهاز الانذار كان ممكن اشتريه هو والريموت من برا واروح اركب هناك
انا كنت فاكر ان الحاجة اللي هتركب حاجة اصلي يعني من شركة دايهاتسو الياباني انما طلعوا اي كلام في الموضوع ده .. فرش المقاعد فوق المماز خصوصا وانه مخصوص للعربية بتاعتك يعني للماتيريا فرش الارضية مش حلو اللي عاملوه يمكن قلة مهارة منهم

روش عربيتك انت بقى هاتلها من جوا معطر وظبطها

سحبها واستهلاكها للبنزين انا من يوم ما اشتريتها وانا بحسب كل حاجة بتاخد 20 لتر لكل ( 180 : 200 كيلو ) داخل المدينة ومشغل التكييف على طولل حاجة جبارة يعني وخارج المدنة لم تستهلك بنزين يذكر يعني بتشمه وتجري :-)

العربية جاراية يعني بتجري حلو اوي .. فراملها تحفة .. في الدورانات باخدها بكل سرعتي وصباح الثبات اللي فيها

عزل الصوت : بتعزلك صوت وحرارة خصوصا لو مشغل التكيف عن الخارج تماماً طبعا لم اسمع صوت للموتور نهائي

السي دي والسانود سيستم جبااااااااااااااااااااار جبااااااااااااااااااار مش هتحتاج اي تعديل فيه

باختصار اللي مش عاجبني وده اللي يهمك : زيروووووووووو يعني مفيش حاجة مش عاجباني

[KeroSirion]

احلى لون في العربية وعن تجربة : النبيتي الغمق الميتاليك والفضي الميتالك والفئراني

[KeroSirion]

اسوأ الالوان الاسود تحس انك في جنازة والعربية مش لايق عليها خالص الاسود والابيض مقرف ومقزز في منظره عليها

[KeroSirion]

طبعا التكيف مفيش اسقع ولا اسرع من كده .. في ميزة جبارة طبعا الزجاج الفاميه منه بيحمي العربية من الشمس من جوا ده غير انه الشمس عمرها ما ضايقتني كسائق ليها او اي حد قاعد عمر ما الشمس جت عليه .. كمان العربية فيه اتساع غريب ورهيب

انا مرة ركبت 9 اشخاص فيها .. 6 ورا !! و 2 قدام !! وكنت سايها يبقوا 9 اشخاص كانوا راكبين والسحب لم اشعر باي فرق وكنت بجري بيها

ميزة طي المقاعد والكنبة اللي ورا ممكن تحركها زي الفل

بالنسبة للحوادث وربنا يكفينا شرها
هو حصلتلي كام حاجة كده
1- واحد صاحبي بيهزر على البحر وكنا بنجري فجأة الدنيا وقفت طبعا نا فرملت ووقفت في مكاني لكن هو جه بعزمه وخبطني .. نزلت كنت متوقع اني هغير اكصدام لاقيت مفيش خدشة كل اللي حصل النمر اتعوجت :-)) طز يعني

2- كام خدشة بسيطة مش باينين اساساً

3- اصعب حادثة ليها كنت عادي بركن فجاة جه مشروع متهور وخبطني من ورا على اليمين الفانوش مخدوش بس بسيط اوي ومش باين فاستحرمت اني اغيره وحصل انه الاكصدام اتفك من اليمين ( نص الكلبسات كده اللي على اليمين ) روحت ركبته تاني الموضوع كلفني 20 جنيه

بس عربية شديدة اوي وربنا يباركلك فيها

[madoo]

بجد بجد ألف ألف شكر ياباشا تقرير هايل فعلا وأنا خلاص كان والدى رايح يحجزهالى بس أنا قولتله أستنى شويه شهر كده علشان أنا قريت أن الاسعار هتنزل . وناوى على الالوان يا أما النبيتى الميتالك أو الابيض اللؤلؤى . (صحيح هو النبيتى دا بينزل منه درجات علشان أنا شوفته ميتالك بيقلب على أسود كده بجد بيبقى تحفه وعلى عربيات تانيه باشوفه نبيتى عادى باهت كده )

تانى حاجه هو أنت لما جيت ترخص عاملوك الفيميه فى الرخصه على طول ولا رخمو عليه .
أنت لما حجزت العربيه أستلمتها بعد أيه ?
أه كلفوك كام الانذار ووحدات الرفع
والفرش الجلد
وفى الاخر أنا عارف أنى تقلت عليك بس أعمل بعشقها!!
وربنا يباركلك فيها ويحفظك ويحفظها من كل شر

[madoo]

صحيح أبقى طمنى عملت أيه ف المرور

[champoo]

شكراً على التقييم

[KeroSirion]

تانى حاجه هو أنت لما جيت ترخص عاملوك الفيميه فى الرخصه على طول ولا رخمو عليه .
أنت لما حجزت العربيه أستلمتها بعد أيه ?
أه كلفوك كام الانذار ووحدات الرفع
والفرش الجلد
وفى الاخر أنا عارف أنى تقلت عليك بس أعمل بعشقها!!
وربنا يباركلك فيها ويحفظك ويحفظها من كل شر

1- من غير اي مضايقات بتتثبت في الرخصة لانها فاميه فابريكة وكتبولي " فاميه فابريكة خلفي وجانبي دون الامامي "

2- الانذار ووحدات الرفع كلفوا 950 ( 450 + 500 ) بس الافضل انك تشتري جهاز انذار بريموته من برا التوكيل وتكون حاجة محترمة وتركبها هناك في التوكيل هتتدفع ثمن التركيب تقريبا 50 جنيه بس بجد مش حلو اللي حاطوه خالص وشكر الريموت مقرف مش بتاع دايهاتسو اساسا حاجة تايلاندي مش حلوة حتى انا بفكر اشتري ريموت شكله انضف وابرمجه .. بالنسبة لوحدات الرفع ديا علشان لما تقفل العربية من الريموت او المفتاح الازاز كله يطلع ويقفل اوتوماتيك

3- الفرش الجلد الكراسي ب 600 والارضية ب 400 والخامات تقرفففففففف يعني لو كنت ودتها عند سروجي كان عاملي جلد طبيعي بالالف اللي دفعتها يالا مش مهم الواحد بيتعلم ... حتى شغلهم بس ده في مركز الخدمة بتاع رزق سئ جداا جداا

طالما بتعشقها يبقى هتحافظ عليها وهتحطها جوا عنيك وهتبقى احلى عربية في عينيك :-) الف مبروووك مقدما وابقى طمني عليها

شكرا لكل اللي ردوا على التقييم