مشاكل السيريون الشائعة

[mohamed_rhem]

بعد استخدام دام اكثر من 5 سنين وحوالي 150 الف كم

نقدر نلخص ان الاعطال المتكررة

اولا بالنسبة للكهرباء

لمبات الانارة الامامية h4 منوسط عمرها سنة ونص

بطارية العربية ns40 المعكوسة كبيرها سنتين

احيانا زجاج خلفي بيعلق

العفشة

مشكلة علبة الدركسيون

بارات الطرف نفس المشكلة في الشاريد

انخفاض الخلوص مع التحميل بيخلي العربية تحك في المطبات العالية خصوصا في الدلتا

الميكانيكا

بلية الدبرياج نفس المشكلة في الشاريد

احيانا المرشدير بيرفض التعشيق حلها تريح فرامل اليد او تحرك العربية

مفتاح العربية

خصوصا اني مش معايا ريموت

مع الاستخدام ظهرت عضه خفيفة

الباب يفتح عادي والدركسيون ميتحركش لما استخدمت المفتاح الاحتياطي

اللي كان بحالته الاصليه راحت المشكلة

مجملا عربية تحفة وواسعة من جوا واعتمادية الي ابعد مدي

[Mecha]

المرشدير عادي كدا في عربيات كتير عشان ملوش غوايش
اللمض والبطاريه معقولين جدا
ابه مشكلة وعمر بلية الدبرياج لو بيتغيروا مع طقم جديد؟؟
المفتاح عادي مع الاستهلاك والتراب وبترش wd40

بارات الطرف الفبريكه عمرها كام كم؟؟

[mohamed_rhem]

المرشدير عادي كدا في عربيات كتير عشان ملوش غوايش
اللمض والبطاريه معقولين جدا
ابه مشكلة وعمر بلية الدبرياج لو بيتغيروا مع طقم جديد؟؟
المفتاح عادي مع الاستهلاك والتراب وبترش wd40

بارات الطرف الفبريكه عمرها كام كم؟؟

بلية الدبرياج بتعمل صوت ظهر في السيريون عند 140.000 كم

نفس المشكلة كانت في الشاريد الديسك والاسطوانه حالتهم كويسة السحب والتسارع والتوب سبيد

مشكلة المفتاح من الاستخدام حصل فيه عضة في النص من كتر الاستخدام

ولما استخدمت مفتاح جديد اشتغل كويس

صحيح في عيب كمان دواسات الفرامل والدبرياج بتزيق في الشتا

حلها استخدام wd40

[Mecha]

الدبرياج اللي يجيب ١٥٠ الف كم ممتاز
كلها حاجات عاديه حضرتك وعلي عمر عالي حق العربيه.
المهم مبتغدرش ساعة متحتجها تلاقيها.
تحياتي

[upaupa]

بارات الطرف الفبريكه عمرها كام كم؟؟

نفس السؤال بارات الطرف والكبالن عمرها المتوسط كام كيلو داخل المدينة فى السريون والشاريد ؟؟؟

فرصة نستفيد بخبرتك الكبيرة يا استاذ محمد

[mohamed_rhem]

نفس السؤال بارات الطرف والكبالن عمرها المتوسط كام كيلو داخل المدينة فى السريون والشاريد ؟؟؟

فرصة نستفيد بخبرتك الكبيرة يا استاذ محمد

الكبالن الاصلية قعدت 17سنة من سنة 1990 الي 2007

التايواني بتقعدلها حوالي 3 - 4 سنوات

بارات الطرف التايواني في الشاريد عمرها من 2 -3 سنوات

انا مغيرتش بارات الطرف في السيريون من سنتين التوكيل طلع في التقرير ان البارة اليمين محتاجه تتغير

ولما بروح اربط عفشة في بردجستون بيقولولي البارات خفيفة محتاجه تتغير قريب