صوط تكه بعد ما ادوس بنزين او اول ما ارفع رجلي

[elwakeel]

السلام عليكم

انا عندي استفسار بخصوص السيريون بتاعتي. أوتوماتيك 1300 سي سي موديل 2008.

الموضوع اني من فترة لاحظت ان لما اكون سايق و رجلي علي البنزين و ارفعها فجأة اسمع صوت تكة خفيفة كأن حد نقر نقرة بسيطة علي الصاج بس الصوت جاي من جوه العربية من منطقة حوض الموتور.

الموضوع بعد شويه زاد و الصوت بقي واضح و زاد عليه ان العربية بقت تتهز هزه بسيطة مع الصوت

الموضوع زاد كمان شويه و بقيت بسمع الصوت ده لما برفع رجلي فجأة من البنزين أو بدوس فجأة علي البنزين من غير ما اعمل كيك داون خالص. يعني ببقي ماشي عادي علي الغيار التاني او التالت مثلا و اشيل رجلي فجأة اسمع الصوت, ادوس تاني زي ما كنت أسمع الصوت تاني

الموضوع دلوقتي زاد لان الصوت زاد و بقت ملحوظه و الهزه كمان زادت

رجاء من خبراء السيريون يفيدوني الله يباركلكم لاني بسافر بيها كل يوم و خايف تكون حاجه خطيرة و انا مهملها

[Mecha]

جابت قواعد

[amr011111]

قواعد موتور
ممكن تلاقى قاعده منهم مش شرط كلهم

[mido elsakkar]

والله بص انا كان معايا سيراتو 2012 وكان عندي نفس حوار التكة واكتشفت ان الكوبلن اليمين والشمال محتاجين ربط شويه علي الطنبورة
اما حوار الهزة دي ممكن فعلا تكون قواعد موتور بس لازم تلاحظ الار بي ام لما تجيب d او r بيبقي كام لان ممكن يكون حساس الايدل مش شغال كويس ومحتاج يتنضف لان الطبيعي ان الار بي ام علي وضع الغيار يبقي 0.7

[elwakeel]

الحمد لله عرفت المشكلة

كان في قاعدة من قواعد الموتور مسمار منها واقعز ربطته و انا بربط عفشة و الصوت اختفي

شكرا للرجالة علي المساعدة!