السيريون اتجننت بعد تغيير المايه امبارح

[M.Mosaad]

معلشي يا جماعه محتاج نصيحه سريعه

انا معلوماتي في العرييات ضعيفه جدااااااا و علشان كدة كل حاجة بعملها في التوكيل و الدنيا ماشيه كويس

امبارح بقي رحت اغسلها و مش عارف ايه جنني في عقلي و قلت اغير المايه بتاعة الردياتير - المهم الدنيا مشيت كويس و الواد غير المايه و نزل كل المايه القديمه و حطيت مايه جديدة و ركب الوصله بتاعة الردياتير تاني و مشيت بالعربيه ركنتها بتاع نص ساعه و بعدين جيت اشغلها لقيت اللمبه الخضرا مش الحمرا بتاعة الحرارة منورة و مش عايزة تنقل و لمبة الشيك منورة - طفيت و شغلت تاني مشيت كويس و نقلت زي الفل بس لمبه التشيك منورة رحت البنزينه تاني عمل ريسيت للبطاريه و اشتغلت كويس و لمبة التشيك اتطفت -

النهاردة الصبح بقي واضح ان البطاريه نامت و مش بتدور و لما بحط المفتاح في الكونتاكت بلاقي اللمبه الخضرا بتاعة الحرارة بتنور و تطفي و لمبه التيشك منورة

ياريت تقولولي اعمل ايه و هل الموضوع خطير و لا ممكن يكون سنسور مخرف و لا ايه بالظبط - انا هجيب النهاردة واحد بجهاز كشف اعطال يشوف في ايه و لو مش كدة هاخدها علي ونش للتوكيل بس عايز اطمن

معلشي طولت

شكرا مقدما

[salam100100]

ممكن توضيح اكثر لاللمبه الخضراء - رمزها ايه
طيب هل العربيه بتسخن؟

فالعموم الوان اللمض ليها دلالات
يعنى الاخضر - دى لمض طبيعيه - للنور مثلا- اشارات
البرتقالى: وجود عيب تقدر تمشى بالعربيه لكن فى اقرب فرصه اكشف- زى لمبه التشيك انجين- abs- اير باج
الاحمر: خطر انك تمشى بالعربيك- اوقف وشيك عليها- لمه زيت- فرامل يد/ او زيت فرامل- بطااريه- ,وطبعا حزام الامان :)

[M.Mosaad]

ممكن توضيح اكثر لاللمبه الخضراء - رمزها ايه
طيب هل العربيه بتسخن؟

فالعموم الوان اللمض ليها دلالات
يعنى الاخضر - دى لمض طبيعيه - للنور مثلا- اشارات
البرتقالى: وجود عيب تقدر تمشى بالعربيه لكن فى اقرب فرصه اكشف- زى لمبه التشيك انجين- abs- اير باج
الاحمر: خطر انك تمشى بالعربيك- اوقف وشيك عليها- لمه زيت- فرامل يد/ او زيت فرامل- بطااريه- ,وطبعا حزام الامان :)

شكرا علي الاهتمام و الرد السريع
اللمبه الخضرا اللي بتنور عادي لما بتدور العربيه لحد الماتور ما يسخن دي بقي النهاردة عماله تنور و تطفي و واضخ ان البطاريه فاضيه خالص لاني اضطريت افتح العربيه بالمفتاح كمان

انا توقعي ان في سنسور حصل فيه مشكله و حاسس ان دورة التبريد مش شغاله - في ناس اصحابي بيقولوا ان ممكن الصنايعي مقفلش الخرطوم علي الطبه اللي بتودي للريدياتير كويس و ان في بتاع زي سكس بالف كدة لازم يكون راكب بطريقه معينه علشان يعدي المايه
بس مفيش لمض حمرا منورة لا زيت و لا حرارة - حتي امبارح و انا ماشي بيها كان عادي و التسارع بقي طبيعي و صوت الموتور واطي

[م/أحمد عبد الفتاح]

غير البطارية

[M.Mosaad]

توضيح بقي للمشكله

طبعا الاستاذ أحمد عبد الفتاح جاب الخلاصه البطــــــــــــــــــــــاريه معني شاريها من حوالي سنه و عشر شهور و في المعتاد كانت بتقعد 3 سنين

اللي حصل بقي كالتالي واضح ان في مايه نزلت كتير في حوض العربيه معرفشي بقي تاثيرها ايه علي السنسورز بس واضح انها كانت سبب الجنان اللي حصل للمض التشيك و الحرارة

رحت امبارح عملت وصله للبطاريه و رحت عند الراجل بتاع البطاريات قستها جابت 8.5 بالعافيه و قاللي طالما قلت عن 9 يبقي عايزة تتغير و من بعدها كل حاجة رجعت لطبيعتها و قاللي ان المايه اللي نزلت في حوض العربيه زمانها نشفت علشان كدة لمض التابلوه رجعت لحالتها

قاللي بقي معلومه غريبه ياريت تاكيدها او نفيها - ان البطاريه لما تضعف ممكن تاثر علي العربيه و هي دايرة يعني ادائها بيبقي ضعيف و ممكن تأثر علي نقل السرعات كمان لان العربيه اول امبارح حصلها حاجة غريبه انها مكنتش عايزة تنقل حتي و انا ماشي اضريت اقف و اطفي و اشغل تاني و بعدين مشيت كويس - مش عارف بقي الكلام دة صح و لا فتي ؟


شكرا علي كل الردود و محدش يغير مايه في بنزينه تاني

[م/أحمد عبد الفتاح]

توضيح بقي للمشكله

طبعا الاستاذ أحمد عبد الفتاح جاب الخلاصه البطــــــــــــــــــــــاريه معني شاريها من حوالي سنه و عشر شهور و في المعتاد كانت بتقعد 3 سنين

اللي حصل بقي كالتالي واضح ان في مايه نزلت كتير في حوض العربيه معرفشي بقي تاثيرها ايه علي السنسورز بس واضح انها كانت سبب الجنان اللي حصل للمض التشيك و الحرارة

رحت امبارح عملت وصله للبطاريه و رحت عند الراجل بتاع البطاريات قستها جابت 8.5 بالعافيه و قاللي طالما قلت عن 9 يبقي عايزة تتغير و من بعدها كل حاجة رجعت لطبيعتها و قاللي ان المايه اللي نزلت في حوض العربيه زمانها نشفت علشان كدة لمض التابلوه رجعت لحالتها

قاللي بقي معلومه غريبه ياريت تاكيدها او نفيها - ان البطاريه لما تضعف ممكن تاثر علي العربيه و هي دايرة يعني ادائها بيبقي ضعيف و ممكن تأثر علي نقل السرعات كمان لان العربيه اول امبارح حصلها حاجة غريبه انها مكنتش عايزة تنقل حتي و انا ماشي اضريت اقف و اطفي و اشغل تاني و بعدين مشيت كويس - مش عارف بقي الكلام دة صح و لا فتي ؟


شكرا علي كل الردود و محدش يغير مايه في بنزينه تاني

هو الكلام بتاع عدم النقل ده حصل بعد ماغيرت البطارية ولا قبل ماتغير البطارية ؟؟؟ فعلا زى مالراجل قالك لو البطارية ضعفت ممكن تأثر على الاداء لان فيه اشارات كهربية بتروح للكمبيوتر بيبقى فولتها من ١،. فولت الى ١ فولت يعنى فولتها صغير جدا فلو حصل اى مشكلة كهربية فى العربية الفولت ده بينزل ويدى اشارة كاذبة للكمبيوتر فالدنيا تتلخبط وتلاقى لمبات الفرح بقت فى التابلوه ولو راحت اشارة غلط من الفتيس العربية ممكن ماتنقلش او تتحول اوتوماتيك لوضع اسمه limb mode وده بيخلى العربية ماتنقلش اكتر من التانى علشان يادوب تروح تركنها او تصلحها .

[M.Mosaad]

هو الكلام بتاع عدم النقل ده حصل بعد ماغيرت البطارية ولا قبل ماتغير البطارية ؟؟؟ فعلا زى مالراجل قالك لو البطارية ضعفت ممكن تأثر على الاداء لان فيه اشارات كهربية بتروح للكمبيوتر بيبقى فولتها من ١،. فولت الى ١ فولت يعنى فولتها صغير جدا فلو حصل اى مشكلة كهربية فى العربية الفولت ده بينزل ويدى اشارة كاذبة للكمبيوتر فالدنيا تتلخبط وتلاقى لمبات الفرح بقت فى التابلوه ولو راحت اشارة غلط من الفتيس العربية ممكن ماتنقلش او تتحول اوتوماتيك لوضع اسمه limb mode وده بيخلى العربية ماتنقلش اكتر من التانى علشان يادوب تروح تركنها او تصلحها .

حصل قبل ما اغير البطاريه بعد غسيل العربيه و تغيير المايه علطول - هو تزامن الحاجتين مع بعض هو اللي لخبطتني جداااااااااااااا لان فعلا بعد ما غسلت العربيه و غيرت ماية الردياتير و العربيه اتجننت بالطريقه دي

منكم نستفيد بجد لاني كنت فاكر ان مهمه البطاريه هو الشراره الاولي بس و بعد كدة الماتور بيقوم بباقي الشغل - هبقي اكشف عليها كل كام شهر

[mohamed_rhem]

البطارية اما بتضعف

الكاسيت مش بيشتغل

التكييف مش بيشتغل

الباور مش بيشتغل

ده اللي حصل معايا في سيريون 2010 مانيوال (سيريون1)