مقبل علي شراء سيريون 2009 تنصحوني بيها ولا ايه

[محمد المطري]

يا جماعه انا مقبل علي شراء سيريون 2009 تنصحوني بيها ولا ايه وكنت بقارنها ببونتو كلاسيك عايز اعرف عيوبها ايه وهتزعلني كل شويه واخبار قطع الغيار ايه. ياريت الرد ضرووووووري. شكراااا







تم تعديل العنوان ليتناسب مع المحتوى
م.ع 7

[samertaha]

ان شاء الله الف مبروك بس اكشف عليها فى التوكيل اضمن ليك و اطلب ريبورت للبيع

[deyaaeldeen]

الف مبروك مقدما
انا عندي اختها 2009 من الزيرو لغاية دلؤقتي و1000 سي سي مانيوال يعني اقل فئة وبالرغم من كدة شايفها ممتازة ويابانى ومعمرة جدا
مراتي عاملة بيها 170000 كيلو ولسة فابريكة ومن 5000 كيلة بس لسة مغيرين المقصات وطقم الديبرياج والفرامل وبلي وسيور المجموعة , يعني معمرة جدا جدا ومفيهاش اى تكنلوجي محتاج ميكانيكية متخصصين واى ميكانيكي شاطر يشتغل فيها وللاحاطة فقط احنا عارضينها للبيع علشان حنجيب حاجةاوتوماتيك

[رامي مصطفى]

عربيه ممتازه ورائعه بس..........؟؟؟؟؟
اتأكد من قطع غيارها عندكم في دمياط لو متوفره ما تترددش
وبالتوفيق

[محمد المطري]

مطلوب كام حضرتك وهيا 1000 ولا 1300

[mido elsakkar]

السيريون عربية جميلة جدا جدا
ثبات عالي رغم حجمها الصغير ده
اكتر حاجات بتستهلكها العربية دي
مقصات. اتياش ميزان. مساعدين امامي
واسعة جدا جدا من جوا
الموتور 1300 احسن حاجة ليها
اقصي سرعة بيها جبتها الحقيقة 180 مع ثبات رائع
الموتور 1500 بلاش لانها هتبقي مجنونة لوحدها

[محمد المطري]

السيريون عربية جميلة جدا جدا
ثبات عالي رغم حجمها الصغير ده
اكتر حاجات بتستهلكها العربية دي
مقصات. اتياش ميزان. مساعدين امامي
واسعة جدا جدا من جوا
الموتور 1300 احسن حاجة ليها
اقصي سرعة بيها جبتها الحقيقة 180 مع ثبات رائع
الموتور 1500 بلاش لانها هتبقي مجنونة لوحدها

طب لو سمحت قدامي واحده 2008 راشه اكصدامين بس وماشيه قليل مانيوال ومصمم علي 75 ياريت تفيدني

[mido elsakkar]

طيب موتور 1000 ولا 1300

[Eslam Khalil]

انا بردو بدور فى دمياط يا أستاذ محمد و حيران زيك و لقيت اتنين سيريون 2007 و اللون اسود اوتوماتيك

الاولى :

- 81000 جنيه
- 1300 سى سى
- ماشية 164000
- 2 ايرباج متفتحوش
- فابريكا
-معرفش فيها abs ولا لأ
- رخصة القاهرة سنة

* عيوبها ظاهريا*
- مرمات صغيرة و كتيرة نسبيا
- مرمة فى باب من تحت بس مرشوشة بس واضحة كانها متأكلة منها
- الرخصة و مصاريفها
- عداد فوق ال 160000
- السقف كلح من الشمس و فيه كأن بودرة فوقه و طبعا ده حوار

الثانية :

- 84000 جنيه
- 1300 سى سى
- ماشية 120000
- 1 ايرباج متغير و التانى مفيش
- فابريكا
- abs
- رخصة مجددة 3 سنين بانتظار اسم الشاري بس لنقلها له
- خليجى اللى عداد ال rpm فوق

* عيوبها ظاهريا *
- مرمات صغيرة (خطوط) و مرمة كبيرة اكبر من كف الايد مفرود فوق التنك و كله الخدوش فيها صدأ بنسب مختلفة
- العتب فيه برومة و واضحة من نصه لاخره فى الناحيتين يمين و شمال بس بيقولى سمكرى يظبطه بسهولة و بيقول مرضاش يرشه علشان بيتفهم انه عتب مرشوش يبقى اتلعب فيها
- عداد فوق ال 120000
-مرايا مكسورة و معمولها لحام
- مفيش الا ايرباج واحد
- متغيرلها اكصدام قدام و ورا فابريكا و رفرف قدام

رأيكم ايه و بترشحوا ايه لانى بصراحة قلقان من الاتنين بس دول اللى لقيتهم بس للأسف

[mido elsakkar]

ولا واحدة منهم
التانية كمان واحد ايرباج معناها انها حادثة لان كل السيريون بينزل 2ايرباج
اصبر شوية هتلاقي حاجة احسن ان شاءالله

[Eslam Khalil]

ولا واحدة منهم
التانية كمان واحد ايرباج معناها انها حادثة لان كل السيريون بينزل 2ايرباج
اصبر شوية هتلاقي حاجة احسن ان شاءالله

هو فعلا صاحبها قالى انه مالكها اللى قبله خبط فى عمود خبطة بسيطة و فتح الايرباج و انه السيريون حساستها حساسة بزيادة ( على كلامه )

انا الحمد لله لقيت واحدة تانية سودا بردو مباشرة بعد ما ضيفت الرد

2009 اوتوماتيك ماشية 70000 و فابريكا و اكصدامات محتاجة رش و الصور مبشرة بس لسه هشوفها و اشوف الدنيا ايه

[mido elsakkar]

هو فعلا صاحبها قالى انه مالكها اللى قبله خبط فى عمود خبطة بسيطة و فتح الايرباج و انه السيريون حساستها حساسة بزيادة ( على كلامه )

انا الحمد لله لقيت واحدة تانية سودا بردو :s_thum1[1]: مباشرة بعد ما ضيفت الرد

2009 اوتوماتيك ماشية 70000 و فابريكا و اكصدامات محتاجة رش و الصور مبشرة بس لسه هشوفها و اشوف الدنيا ايه

بس مافيش حاجة اسمها خبطة بسيطة وتفتح ايرباج
معني انها تفتح الايرباج يعني اخدت خبطة بقوة 2.5 طن
تزيد او تقل علي حسب نوع العربية
عموما ربنا يوفقك وتلاقي الاحسن باذن الله