ماتيريا ولا تيدا ولا ماتريكس

[محمدعبد العظيم]

السلام عليكم لو سمحتم يا جماعة الخير ايه رأيكم في عربية ديهاتسو ماتيريا موديل 2007 من ناحية المميزات والعيوب لاني محتاج الى سيارة واسعة ولو عملنا مقارنة بينها وبين النيسان تيدا أو الهيونداي ماتريكس ، أيهم افضل من حيث الاعتمادية والوسع الداخلي والعفشة وجزاكم الله خيراً

[amr011111]

تيدا - ماتريكس - ماتيريا

ماتريكس ميزتها قطع غيار واى ميكانيكى يشتغل فيها

[abokoko]

فكر فى التيجو كمان

[محمدعبد العظيم]

شكرا على الاهتمام لكن كتير من الناس بتخوفني من الصيني لو كده ممكن افكر في عربية MG انا شوفتها وعجبتني لكن كلام الناس عن الصيني لا يشجع لأنني عايز عربية تكون اعتمادية وذلك لمشاكل صحية عندي

[محمدعبد العظيم]

شكرا على اهتمامك ورأي حضرتك ان الماتريكس افضل من ناحية قطع الغيار لكن من ناحية الاعتمادية ايهم افضل وذلك لوجود مشاكل صحية عندي

[doooom]

1.تيدا
2.ماتيريا
3.الصفيحه المتحركه ماتريكس.انساها
تيديا ياباني وتقفيل ظريف وشكل مقبول
بس الماتيريااا بقااا
بس يا سيدي عن بحث وتجربه
الماتيريا افضلهم بالنسبالي..
للاسباب دي
الكنبه اللي ورا تقدر تخليها زي الشازلونج
اه تقدر تتني الكرسي اللي قدام و ترجع الكنبه ورا من المقعد و ترجع الظهر تنام عليها زي الشازلونج
ودا بيديك راحه نفسيه انك ف شقتك مش ف عربيتك غير انك توسع الشنطه برحتك لما تقدم الكنبه اللى ورا توسع عليك
الماتيريا مش واطيه دي فيها بودي كيت ع الجناب
قطع غيرها معمممرة احسن من الصفيحه ماتريكس و اثبت منها ..المساحه الداخليه جوا هتعجبك .تكييف ياباني و موتورها 1500 تقريبا استهلاك اقل من النيسان والماتريكس .وانا بفكر اشتريها واتخضيت ان ناس عامله بيها 350الف كيلو ولسه فيها الروح عايزة تبيعها

[doooom]

تكمله الرد ع الماتيريا
فيها abs وجنوط رياضيه بتدي ثبات
عفشه ظريفه مش ملاهي زي الماتريكس
عيبها من وجهه نظرى
طنابير ورا.معرفش اذا كان بينزل منها ديسكات ولا ؟؟
الجنط الاسبور مش هيديك top speed عالى هيكون اقل من 190ف حدود ال180
و هيبهدل العفشه اسرع من الجنط العادي
بتكلم ع الاسبور سليم مش العادى
مش حافظ مقاسات..
وكفايه انها بتنزل فاميه فبريكا ومميزه عن اي عربيه وباقل حاجه هتتظبط وتظهر عليها
قارن بينها وبين التيدا وسيبك من الصفيحه المتحركه
فلوسك حلاااال ف الياباني بعد ال2000
والكورى الجديد
مع التحفظ طبعا فيرنا و لانوس

[محمدعبد العظيم]

الف شكر على الرد والنصائح الحلوة دي ربنا يجزيك عني كل خير طمنتني انا كنت ميال للماتيريا اكثر بس كنت خايف من توافر قطع الغيار او اعتمادية السيارة فايهم افضل من وجهة النظر دي أو بمعنى أوضح لو قدامي العربيتين (تيدا ـ ماتيريا) موديل 2007 (لان التيدا الموديل الاعلى سعرها كبر من حدود المبلغ المتوفر معي) والعربيتين حالتهم كويسة اختار ايه لاني محتار جدا بينهم وشاكر جدا جدا على اهتمامك