ارجو المساعدة فى العثور على موزع مناسب

[Dr_MohSalah]

السلام عليكم جميعا

انا حاليا فى مرحلة البحث عن موزع او معرض امين لشراء عربية تريوس مانوال وانا ناوى ان شاء الله ادفع حوالى 60 الف واقسط الباقى على 3 سنين فانا بدور على موزع تكون عنده الفايده 6% مش اكثر ياريت تدلونى ..

وفيه نقطة تانية بعيدة شوية عن الموضوع وهى موضوع لوحة الارقام الجديدة.. هل هى اتعممت فى مصر كلها؟ بمعنى هلى انا لما اشترى العربية واروح ارخصها اللوحة هتكون بالطريقة الجديدة؟ على فكرة انا من محافظة الشرقية..

[osama_alam]

اشتري من التوكيل حتى لو بفيدة اعلى شوية من 6% لأنك حتبعد عن الشبهات والبنوك والكلام ده وثانيا لو زودت عن النص مش محتاج تدفع تامين عن العربية اللي هوه حوالي 3% من تمن العربية سنويا :)

[aliabutaleb]

مظنش في الأزمة المالية الحالية ممكن حضرتك تلاقي حد يدي فايدة 6 %
حتى الشركة العالمية للتجارة موزع معتمد دايهاتسو والشركة اللي ليها سمعة طيبة هنا بين الأعضاء بقت بتاخد 10% فايدة
بس ميزتها إنها تكاد تكون الأبعد عن شبهة الربا

[Dr_MohSalah]

ازاي مش هلاقي 6% انا بشوف في اهرام الجمعة اعلانات عن تقسيط بالفايدة دي.

[madoo]

فعلا تقريبا مش هتلاقى دى اعلانات وكلام جرايد

ثانيا مع انى شايف ان الشركه العالميه للتجاره شركه محترمه جدا بس انا شايف ان بردة كتير جدا حكايه ال 10 % دول

[rzeiny]

باركولي يا جماعة استلمت السيريون بتاعتي 1300س س
نبيتي مانيوال بس لسة مرخصتش وشكرا لاعضاء نايل موتورز الي حببوني فيها واسمحولي انضم للشعب السيريوني وربنا يزيد ويبارك فيهم
على فكرة انا اشتريتها من الوكيل والفائدة 8% بس ولو دفعت النصف بدون تامين والناس محترمين جدا ومنتهى الذوق

[osama_alam]

ألف مبروك ربنا يديك خيرها ويبعد عنك شرها