اول المستفدين من التخفيض

[Eng_aly]

السلام عليكم ورحمه الله وبركاته...
يوم الثلاثاء الماضى عملت بفضل الله صيانة ال25000والتكلفة الكلية كانت 460واللى دفعتة تقريبا430:k49:الحجز كان عن طريق مركز الخدمة زى ما معاذ قالى وعلى فكرة انا حجزت يوم الأثنين بعد ما كان الميعاد 20/01/2009 وانا شايف ان دة اهم من التخفيض "التقدير اللى الناس بيقدروه لنايل موتورز واعضاءه مهم جدا واكيد شئ يفرحنا كلنا ويخلينا نقول لأخوانا بالمنتدى الف شكر على الجهود المبذوله وجزاكم الله خيرا"...المهم انا كان عندى مشكلتين
1-العربية بعد ال100 فى راجة فى الدريكسون "من غير فرامل ولا حاجة"ودى تقريبا اتحلت بس حاسسها ضعيفة شوايه
2-البنزين الأستهلك باقى زيادة اوى يعنى مع تثبيت كافة العوامل العربية كانت بتعمل فى الصفيحة تقريبا من 380ال360 والأن الصفيحة من310 الى 290 ودىبصراحة حاجة انا مستغرب لها لما قولت للمهندس احمد قالى دى حاجة مالهاش مقياس ...؟؟؟؟؟؟؟
كل عام وحضراتكم طيبن وبأحسن حال

[عمرو عمارة]

مبارك التخفيض والصيانة

380كم في الصفيحة!!؟؟.....

أنا عربيتي لو عملت 310كم في الصفيحة والكلام ده في الشتا يعني بدون تكييف بحمد ربنا

معدل إستهلاك السيارة في الصيف حوالي 270كم في الصفيحة مع تشغيل المكيف طبعاً وكل الطرق دائري وأوتوستراد شيراتون

حاول تراجع حساباتك بدقة شوية لأن الرقم ده مبالغ فيه جداً وأعتقد في أكتر من موضوع في المنتدى بيشرح طرق حساب إستهلاك البنزين

لو كده يا باشا قولي إنت بتحط من محطة إيه وأنا أروح أشتري تانك بحاله من عندهم

[aliabutaleb]

باشمهندس علي
ألف مبروك على الصيانة
وياريت حضرتك تقول لنا صيانة الـ 25 ألف بتشمل إيه؟

[aliabutaleb]

بالمرة ياريت حضرتك تقول لنا كيفية الحصول على الخصم
يعني حضرتك بتقول انك من نايل موتورز ولا فيه قائمة بأسماء الناس التي تستحق الخصم وصلت ولا بيتم الاطلاع على الاستيكر

[hussein]

380 لتر فى الصفيحة؟
يعنى اللتر يعمل معاك 19 كم ؟
بص المنوال بتاع العربية بيقول ان المتوسط حوالى 230 الى 240 فى الصفيحة و دا كمان فى الحالة المثالية
انا عربيتى(تريوس مانوال) بعمل باللتر 12 كم و شايف ان دا معدل ممتاز

[wawamoha]

السلام عليكم

يا جماعه الخير متشكرين قوي عل المعلومات القيمه دي
بس في حاجه ناقصانا قوي ...
شويه دقة بس
يعني كل واحد قال معدل الاستهلاك ما قالش بنزين كام
لانها بتفرق
فلو سمحتم اللي بعت عل الموضوع ده يبعت تعديل و يقول هو بيحط بنزين كام يعني 90 او 92 ...؟؟

شكرا لكم جميعا و كل سنه و انتم طيبين

[madoo]

مبروك على الصيانه يا باشمهندس

[Eng_aly]

شكرا لحضرتكم جميعا ...انا بخط بنزين 92 والعادى بحط من محطة موبيل اللى جانب مدينه الفردوس اللى على طريق الواحات او امارات مصر اللى على الدائرى بعد كمين المرج والرقم اللى انا بقول علية صحيح ...وكان ابو عبد الله الله يبارك فيه قال قبل كدة ان اول شرطة فى العداد بتعمل اكتر من باقى الشرط علشان التنك 43لتر مش 40 علشان كدة تقريبا اول شرطة لواحدها كانت بتعمل حوالى 180كم تقريبا وانا عارف عرببتى كانت بتعمل فى الصفيحة حوالى 380الى 360 حسب ماشوير وسط البلد وكدة وكمان العربية بقلها ما شاء الله سنه وعارف ان دة اتلخبط بشكل ما...صيانة ال25 صيانة عادية وفيها تغير زيت mob.1 بالنسبه لأى تغير حاجة تانية لا يوجد...بالنسبه للخصم ابو عبد الله بيعمل قائمة بالأسماء وان شاء الله يبعتها بس انا ساعتها كلمت الدكتور معاذ الشرباصى وهو قال للمهندس احمد دة معانا وشكرا لحضراتكم جميعا

[Mustafa_Farouk]

السلام عليكم،


يا عم يا عم، ١٠٠٠ مبروك عليكو

[معاذ الشرباصى]

1-العربية بعد ال100 فى راجة فى الدريكسون "من غير فرامل ولا حاجة"ودى تقريبا اتحلت بس حاسسها ضعيفة شوايه
2-البنزين الأستهلك باقى زيادة اوى يعنى مع تثبيت كافة العوامل العربية كانت بتعمل فى الصفيحة تقريبا من 380ال360 والأن الصفيحة من310 الى 290 ودىبصراحة حاجة انا مستغرب لها لما قولت للمهندس احمد قالى دى حاجة مالهاش مقياس ...؟؟؟؟؟؟؟
كل عام وحضراتكم طيبن وبأحسن حال

م/على مبروك عليك الصيانة

زى ما قلت لحضرتك غالبا الرجة دى العربية محتاجة ترصيص

من احسن الناس اللى بتعمل الموضوع ده, مراكز Fit&Fix بتاعة بريدجستون

جرب كده و قول لنا الاخبار

اما الاستهلاك فده مش قادر افيد حضرتك فيه خالص

بالمرة ياريت حضرتك تقول لنا كيفية الحصول على الخصم
يعني حضرتك بتقول انك من نايل موتورز ولا فيه قائمة بأسماء الناس التي تستحق الخصم وصلت ولا بيتم الاطلاع على الاستيكر

بالنسبة للخصم يا على

لما م/على كان هناك كلمت م/احمد عبدالوهاب

هو قالى هما مستنين القائمة من ابوعبدالله علشان هتتسجل عندهم على ال system علشان الحصول على الخصم يبقى تلقائى من دون الرجوع كل مرة للشخص المختص
و بكده هما مش محتاجين الاستيكر ... مش عارف بقى اذا كان وجود الاستيكر فقط, دون وجود الاسم مسجل عندهم يسمح لمالك السيارة بالحصول على الخصم و لا لأ .... إن شاء الله هسأل الاسبوع ده لما اروح هناك

[tamtam]

السلام عليكم ورحمة الله وبركاته
بفضل الله سبحانه وتعالى اشتريت السيريون من قريب، و كنت عايزة اعرف معلومات اكتر عن موضوع تخفيض الصيانة دة.
انا قربت اعمل صيانة الالف، ممكن اعرف ازاى استفيد من التخفيض ده؟ و ايه مركز الخدمة اللى هيكون فيه التخفيض؟ و ازاى احجز فيه؟ اصلى دى اول عربية اجيبها و معنديش خبرة فى موضوع الصيانة ده.
للعلم انا مش معايا استيكر بس إن شاء الله ناوية اجيبه
شكرا

[MoToRiZeR]

السلام عليكم ورحمة الله وبركاته
بفضل الله سبحانه وتعالى اشتريت السيريون من قريب، و كنت عايزة اعرف معلومات اكتر عن موضوع تخفيض الصيانة دة.
انا قربت اعمل صيانة الالف، ممكن اعرف ازاى استفيد من التخفيض ده؟ و ايه مركز الخدمة اللى هيكون فيه التخفيض؟ و ازاى احجز فيه؟ اصلى دى اول عربية اجيبها و معنديش خبرة فى موضوع الصيانة ده.
للعلم انا مش معايا استيكر بس إن شاء الله ناوية اجيبه
شكرا

أولاَ مبروك عليكي السيريون يا طمطم

بصي هي صيانة الألف مجانية فا مش هتستفيدي بالتخفيض لأن مفيش تكاليف ، أول صيانة هتدفعي فيها فلوس هي اللي بعدها في ال 5 الاف .

إلا لو كنتي هتركبي إنذار ولا حاجة في صيانة الألف ممكن تستفيدي بخصم 10% عليه و 5 % علي مصنعية تركيبه .

مركز الصيانة في العبور و تحجزي فيه عن طريق رقم 16168

أي إستفسار تاني إسألي علي طول و أهلاَ بيكي في منتدي دايهاتسو و يا ريت نشوفك في المقابلات اللي بيعملها المنتدي

و ده الجروب بتاعنا علي فيس بوك .

http://www.facebook.com/group.php?gid=35753706566

[aliabutaleb]

لا إضافة بعد رد موتورايزر الوافي
بس حبيت أبارك لحضرتك استلام السيريون
وأدعوكي للانضمام إلى رابطة مالكي السيريون على الرابط

[boty50]

انا كان عندي اول ماستلمت التيريوس 2007
رجه عند 120 غيروا مكان العجل الأمامي
مكان بعض وراحت الرجه
دلوقتي بعد سنه استخدام رجعت عند 130
ولم اهتم كتير علشان انا نادر لما اسوق 130

بس هل المشكله دي عامه?

[tamtam]

الله يبارك فيك يا MoToRiZeR وبجد متشكرة جدا على المعلومات الجميلة دى وعلى ذوقك وانا خلاص سجلت فى جروب الفيس بوك وإن شاء الله هتابع المقابلات واحاول احضر. انا بس كنت عايزة اعرف لو حبيت استفيد من الخصم اعمل ايه بالضبط؟ اقولهم فى التوكيل انى تبع نايل موتورز وبس؟ وللا فيه حاجة تانية (الاستيكر مثلا)؟

alijandroo
الله يبارك فيك، متشكرة جدا جدا. انا سجلت فى الرابطة خلاص ومبسوطة جداااا إنى انضميت للرابطة الجميلة جدا دى.