اشتري السيريون ولا

[LanCeLoT]

بصوا بقى يا جماعة انا جديد في السواقة والعربية اللي هشتريها دلوقتي هي اول عربية
و متحيــــــــــــــــــــــــــــــــــــــــــــــ ـر جداااااااااااااااااااا
انا روحت شوفت الجتز والسيريون قريب
بصراحة انا ما سمعتش كلام وحش في الجتزز .... كل الكلام حلو اوي ... خصوصا الموتور الجامد
لما شوفت السيريون حسيت انها مختلفة (في الشكل) عن الليلة بتاعت hyundai ستيل تاني كده في الركوب .... بس طبعا اغلى ... و كل شوية سعلرها بيزيد
انا هجيب تقسيط ... و هما فرقهم عندي من بعض اني هزود سنة تقسيط ... بس السؤال
ها السيريون تستاهل ان الواحد يجي على نفسه ويقسط 5 سنين
و بعدين انا سامع كلام على ان المانيوال بتاعها مش اد كده ... وان الاوتوماتيك أحلى ... و تقريبا ان الكاملة 1500 هيا الوحيدة اللي فيها ABS ومعاملات الامان التانية (حد يصححلي لو انا غلطان) ... هل تستاهل اني اسيب موتور 1600 عشان 1500 والفرق تقريبا 19000 جنيه ينطح جنيه ... ولا لأ ... علما اني كنت خلاص مستقر على الجتز .... بس لما شوفت السيريون و سمعت كلامكم خصوصا ابوعبدالله و معاذ ... كان ليا وقفة
افيدوني افادكم الله

[aliabutaleb]

و تقريبا ان الكاملة 1500 هيا الوحيدة اللي فيها ABS ومعاملات الامان التانية (حد يصححلي لو انا غلطان) ...

مش هاقدر أفيدك في كل أسئلتك
أكيد الأخوة هايقوموا بالواجب
بس بخصوص الجزء المقتبس المعلومة اللي فيه مش صحيحة لان معاملات الأمان بما فيها الـ ABS موجودة في الموديل ال 1300 GLX اما عن الأيرباجز الاتنين فهما موجودين في كل الموديلات بما فيها الموديل المانيوال

وربنا يرزقك حسن الاختيار ان شاء الله

[أبو عبدالله]

بص أخي الفاضل
لو حضرتك جربت الجيتز
ممكن تستنى مقابلة اعضاء دايهاتسو وتحضرها وتجرب العربيه بنفس وانت هتعرف الفرق ان شاء الله
وانصحك بكثرة الأستخارة طبعا لكي ترزق الخير بإذن الله

امام بخصوص المواصفات كما وضح اخي على فعلا
ان العربيه بكل موديلاتها بيبقى فيها اير باجز استاندر في العربيه والزاج الكهربائي والباور

اما ABS بيبقى في الموديلين 1.3 و 1.5 GLX بس

العربيه محترمه جدا وادائها عالي ولو لفيت وشوفت تقييمات ملاكها هتعرفها اكتر ان شاء الله

كل حاجه هتلاقيها هنا ان شاء الله

^^** == كل ما تحتاجه عن السيــــــريـون == ** ^^


----------------------------------

[eng.octooo]

العربية تستحق الانتحار مش سنة واحدة بس (لا ياعم انا بهزر انت غالى عندنا ) بس بجد العربية مفيش علها غبار وهيا اقوىىىىىىىىىىىىى عربية فى فئة الهاتش باك الصغيرة
يعنى لو قدرت تجيبها اوعى تتردد دى كفاية انها يابانى ومع كل الناس شغالة بحالة الزيرو سفر مشاوير مستعجلة كل حاجة ماقلتش لا (بسم الله ما شاءالله )

[mohamed_rhem]

بص يا باشا
من الاخر جوده التقفيل والخامات والاعتماديه لصالح السيريون
اما السعر انا حقولك مثال صغير عندك ميني كوبر وعندك فيات 500
الاتنين نفس الفئه بس في فارق 200000 ايوة 200 الف جنيه
حتقارن ده بده !!
وبرضه جرب العربيه زي ما قالك ابو عبدالله
ولا تنسي كثرة الاستخارة

[MoToRiZeR]

انا كنت في نفس موقفك بالضبط من سنة و شوية
أول عربية و بقارن بين السيريون و الجيتز و معاهم الأفيو

جبت سيريون في الأخر لأن عجبني شكلها (جوة و برة )
إلي جانب إن تجهيزات الأمان فيها أحسن .
و أضف علي ذلك إنها إقتصادية في البنزين لأن انا مشاويري كلها طويلة فا مش عايز عربية تبقي بلاعة بنزين .

أضف علي ذلك إعتمادية دايهاتسو و التوكيل أفضل من غبور طبعاَ ده شئ لا غبار عليه كما أنها كانت أوسعهم و أحدثهم شكلاَ (الجيتز أعتقد خلاص شكلها هيقف) .

و بعد تجربة سنة و شوية الحقيقة انا غير نادم علي إختياري تماماَ بالعكس الحمد لله سعيد به ، و تقدر من المنتدي تشوف إن ملاك العربية مبسوطين منها و من Reviews النت هتلاقي ناس عدت بيها ال 60 و 70 ألف و مبسوطين بإعتمادية العربية كما أن المواقع نفسها بتقول أنها أفضل سيارات المدينة .

فا لو بتقارن بين السيريون و الجيتز أرشحلك السيريون .
و ربنا يوفقك للأفضل لك .

[bmya]

بص ياباشا هقولك حاجه
عربيات هيونداي (جيتز وفيرنا واتوس وi10 ) بتجري جري مووووووووووووووووووووووووووووووووت بمعني كلمه موت
يعني عربيات تجري ومتعرفش توقفها ومفيش فيها ثبات
لكن السيريون عربيه معقوله في كل حاجه يعني ثباتها معقول جدا وبرده بتجري وتجميعها حلو وخامتها كويسه وشكلها جميل وحديث وبيليق عليها التظبيط جداااا علي فكره بعكس الجيتز اللي هي نسخه مصغره من الماتريكس ومتحسش فيها بالانسيابيه بالاضافه اللي صالنوها الكبيير وقدعته مريحه جدا
وفيها عوامل امان كتيير مش موجوده في الهيونداي
كفايه انها بتنزل باتنين ايرباجز كلها فول اوبشن حتي المانوال منها
بالاضافه لوديلات الGLX بيبقي فيها جنوط وفرامل ABS+EBD
تقدر تجيبلي عربيه فيها الكلام ده كله في الهيونداي
ياراجل ده حتي الالنترا مش كلها فيها ايرباجز ولا فرامل ABS
توكل علي الله وربنا يباركلك

[LanCeLoT]

انا يا جماعة متشكر على الردود الجميلة و السريعة ... وحقيقي واضح فيها الصدق و الحيادية و جميل جدا انكم تعملوا تجمـــــع ... ده اكيد مفيد جدا للكل .... انا بس عايز اسرد حاجة و صححولي برده لو كنت غلطان الاسعار دي
SIRION 1500 AT GLX (فيها air bags - ABS - Built in CD Player - جنوط سبور - spoiler)
سعرها 93500
SIRION 1300 AT GLX (فيها air bags - ABS - Built in CD Player - جنوط سبور - spoiler)
سعرها 90000
SIRION 1300 GL AT (فيها air bags )
سعرها 85000
SIRION 1300 XL MT (فيها air bags )
سعرها 80500
ويرده انها هسأل على الجتز في الفورم بتاعها:k47: ... عشان اشوف الجتزاوية هيقولوا ايه برده ... زي ما سمعت السيريونية
و بعدين هي ال فيها فتحة سقف ولا لأ
و اخبار توكيلها ايه

[معاذ الشرباصى]

العربية مفيش و لا موديل فيها بينزل بفتحة سقف

الجيتز فى حاجتين بحبهم فيها: الفرش الداخلى جميل جدا, و فتحة السقف

لكن الصراحة طالما تقدر تجيب العربية ال 1.3 Glx يبقى هاتها

ال Abs+ebd المفروض يبقوا من الحاجات الاساسية فى اى عربية, و فعلا ميعرفش قيمتهم الا اللى جربهم... ربنا طبعا هو اللى بيسترها معانا, لكن وجود عوامل امان زى دى اصبح شىء اساسى لا غنى عنه

و ده عيب فى الجيتز, ان مفيش فيها الاوبشن ده