سيريون الجديدة 1000 سىسى ب 70000

[eng.khater]

منا قولت كدا برضو ازاي تبقي 4 سلندر و 12 صباب دي اكيد 3 سلندر علي كل سلندر 4 صباب و كمان دايهاتسو هي الوحيدة تقريبا الي بتعمل 3 سلندر من ايام الشارد
و شكرا علي الرد

[rzeiny]

اسف ياجماعة على معلومة الالوان دي
لما سألت تاني قالولي انها نازلة كل الالوان لكن خلصت والي باقي دلوقت
هو ال3 الوان المذكورة

[LanCeLoT]

hi every one i would like to ask about some things
first of all what's the difference between the sirion 1300 AT FO and 1300 AT but not FO
is it (spoiler - built in cassette - abs - junut)
and some body tell me what's the monthly fuel consumption of 1300 AT ?
i know it differs from one to one but i want some one give me a range
thanks alot for paying attention

[askoda]

If you drive a daily 80 KM you'll use around 550 L.E for Benzene 92 Octane

The average is 8 liters for every 100 KM iniside the country of course.

And yes the difference is (spoiler - built in cassette - abs - junut) +ebd

[LanCeLoT]

thanks askoda and god help you in your problem .. i read it
and sorry again for bathering you all ... i would like to ask what's the diference between )3fsha spor) we 3afsha 3adeya ... as i'm new in the car field ... and i'm asking about that in sirion 1300 c AT

[MoToRiZeR]

العفشة السبورت الرياضية بيكون أدائها رياضي بيدي ثبات أكتر و لكن في المقابل بتكون أنشف شوية يعني بتحس بالطريق و المطبات أكتر .

في المقابل العفشة العادية أو الناعمة بتبقي مريحة و مش بتحس بالطريق تحتك و لكن في المقابل الثبات بيتأثر .

[LanCeLoT]

thanx motorizer
and thank you all
this forum is very helpful
hope you keep on

[MoToRiZeR]

you're welcome friend
visit our facebook group you'll find our meetings there :)

http://www.facebook.com/group.php?gid=35753706566

the keywords if the link didn't work "sirion lovers in cairo"

[NaderNabil]

شوفتها امبارح في المصرية فرع كورنيش المعادي...

كانت باللون البتنجاني ...

اللي أخد باللي منه...ان مكان الكاسيت مقفول بطبة كبيييرة زي الصورة اللي استاذ يوسف حاطتها

و شالوا مصباح التوقف الثالث (نور الستوب) في الزجاج الخلفي

عدا ذلك العربية زي ما هي...و صفقة رابحة 100%...بس اللي يلحق:)

[معاذ الشرباصى]

انا كنت قرأت المعلومة دى فى حتة قبل كده

بس محبتش احطها غير لما اجيب الدليل بتاعها

المعلومة هى ان السريون ال 1.0 نسبة الانضغاط بتاعها 10.5 عكس الموديلين ال 1.3 و 1.5 اللى نسبة الانضغاط فيهم 10.0

ده البروشور بتاع السريون اللى تباع خارج اوروبا, الموديل اللى بيوصل لنا

Sirion brochure

فى نسخة من البروشور للموديلات اللى بتنزل اوروبا, و هما مختلفين عننا فى المواتير ال 1.3 و 1.5 كمان, نسبط انضغاط اعلى, و العزم عند rpm اقل

European Sirion Brochure

اظن نسبة انضغاط عالية, يعنى علشان تحصل على القدرة الحصانية العالية نوعا ما بتاعتها هتحتاج بنزين بأوكتان اعلى.... يعنى بنزين 95 علشان تحصل على كفاءة المثلى للعربية او الارقام المعلنة!!

طبعا دى نقطة مش فى صالحها خالص

[abohalmos]

سيريون وان

استاذ/ معاذ ... ممكن توضح معنى كلامك بخصوص الانضغاط الاعلى فى السيريون 1000 و علاقته بالبنزين ... اللى فهمته عشان انا جديد فى العربيات ... انه معنى كده عشان تاخد القدرة الحصانية بتاعة العربية و الكفاءة بتاعتها لازم تحط بنزين 95 ؟؟؟ مش ده قصدك ؟؟؟
طب لو مكانش متوافر بقى اللى يشترى العربية بقى يعمل ايه عشان يتغلب على النقطة دى؟
و شكرا على توضيحك على ككل حال

[د.اشرف هنداوى]

ايه رايكم السيريون و لا البونتو؟
نفس السعر تقريبا
البونتو 1300 سي سي - 65 حصان و كل الكماليات
ما رايكم دام فضلكم ؟

[معاذ الشرباصى]

استاذ/ معاذ ... ممكن توضح معنى كلامك بخصوص الانضغاط الاعلى فى السيريون 1000 و علاقته بالبنزين ... اللى فهمته عشان انا جديد فى العربيات ... انه معنى كده عشان تاخد القدرة الحصانية بتاعة العربية و الكفاءة بتاعتها لازم تحط بنزين 95 ؟؟؟ مش ده قصدك ؟؟؟
طب لو مكانش متوافر بقى اللى يشترى العربية بقى يعمل ايه عشان يتغلب على النقطة دى؟
و شكرا على توضيحك على ككل حال

السريون ال 1.0 نسبة الانضغاط اللى فيها 10.5
العربيات معظمها اللى نسبة انضغاطها كده بتحتاج بنزين بأوكتان عالى, اللى هو عندنا هنا 95 و ده علشان تحصل على الارقام المعلنة عن طريق صانع العربية
لكن اوكتان اقل, يبقى هتأخد اداء اقل, مع امكانية حدوث "التسقيف" اللى هو Knocking و ده مش كويس على الموتور

ده لينك بيشرح موضوع الاوكتان و نسبة الانضغاط :compression ratio & Octane

يعمل ايه اللى مش هيقدر يحط بنزين 95, صراحة معرفش ... بس لازم تبقى حاطط فى اعتباراتك انك مش هتاخد من العربية الاداء المثالى اللى موصوفة بيه

نقطة تانية, انا كان معايا بولو مو 99, و العربية دى كان البنزين الموصى لها كان 95, و الحد الادنى 91 ... طبعا كان فى فرق فى الاداء ما بين ال 95 و ال 92, ظاهرة التسقيف برضه كانت محدودوة, و مقدرش اجزم اذا كانت قصرت على العمر الافتراضى للموتور و لا لأ

بس البولو دى تجربة شخصية ... مينفعش نعمم بيها, او من خلالها نحكم ان الموضوع مش هيبقى مؤثر اوى

[SaLM!Na]

السعر ده عالي عليها اوي
و كمان المفروض ما تتقارنش بالبيكانتو و ال اي تن عشان دول برضه سعرهم عالي
خلينا وقفين في طريقهم لحد ماينزلوا كل اسعار العربيات و يرضونا

[askoda]

ايه رايكم السيريون و لا البونتو؟
نفس السعر تقريبا
البونتو 1300 سي سي - 65 حصان و كل الكماليات
ما رايكم دام فضلكم ؟

بص يا باشا البنت عربية كويسة وكل حاجة بس خلي بالك إن السريون ١٠٠٠ cc والبونتو ١٢٤٥ cc ودة إلي مكتوب في الرخصا بتاعتها

الفرق مش كبير أوي عشان فارق التكنولوجي elpunto بنفس الموتور دة من على الاقل ٨ سنين