بدات في رحلة التعديل لحل مشكلة العفشه في السريون

[hitham_sh]

كنت اول امبارح في التوكيل بعد ما كلمت المهندس/ احمد عبد الوهاب علشان يكشفو على العربيه ويشوفو الصوت ويشوفو انا محتاج لتعديل ولا لا
وفعلا طلع معايا مدير الورشه وجرب العربيه معايا وسمع الصوت
واتفقنا على يوم الحد الصبح هياخدو العربيه واحتمال تبات عندهم يوم او احتمال يخلصوها في نفس اليوم لو قدرو
ان شاء الله يوم الحد هودي العربيه
ولما استلمها هقولكو استلمتها في نفس اليوم ولا تاني يوم
وهل المشكله اتحلت ولا قلت ولا زي ما هيا
وربنا يستر

[bmya]

طيب الحمد لله وربنا يسهل
بس فيه حاجه هو انا اللي بكلمهم واقولهم ولا هما بيتصلو ولا اعمل ايه بالظبط وياتري بحجز ولا انا بروح وخلاص وفيه ترتيب للسنين يعني 2007 الاول وبعد كده 2008 ولا ايه النظام

[hitham_sh]

اه هما قالو هيبداو ب 2007 الاول
وانا روحت من غير حجز ولا حاجه بس كنت مكلم المهندس احمد عبد الوهاب اوصيه مش اكتر
وانت الي هتروح مش هما الي هيكلموك

[bmya]

طيب انا عربيتي 2008 اروح ولا استني ولا اعرف منين
ياريت حد يكون متابع الموضوع ده يفهمنا اي النظام

[Eng_aly]

هو على حسب معاذ ماقال انهم فعلا بيشتغالوا فى العربيات 2007 وبعدهم 2008 يمكن يكون لنيا استثناء عموما لما الأستاذ هيثم يروح يوم الأحد ان شاء الله يسأل ويقولنا وان شاء الله يكون خير علينا وعليه

[hitham_sh]

ان شاء الله هسالكو

[hitham_sh]

الحمد لله الحمد لله المشكله اتحلت والصوت راح خالص وجربت العربيه في كل الحتت الي كان بيطلع معايا فيها الصوت ملوش اي اثر والحمد لله
بعد معاناه من الصوت لمدة سنه ونص الحمد لله الموضوع اتحل
والجميل كمان اني استلمت العربيه في نفس اليوم وديتها الساعه 9 واستلمتها 5 :10D5C8~1107:
اشكر جميع العاملين في التوكيل وشكرا جدا لمجهودكم
وشكر خاص للمهندس احمد عبد الوهاب :)
على فكره هما سؤلوني تاني اذا كانت العربيه 2007 ولا 2008قبل ما يستلموها ولما عرفو انها 2007 قالولي دخلها
بس محدش فادني هيبداو في 2008 امتى بالزبط
اتمنى للجميع ان المشكله تتحل عندهم

[أبو عبدالله]

مبارك عليك ان شاء الله
طيب كويس والله
انا ان شاء الله برض المفروض اروح اشيك عليها وكويس انك بتستلمها في نفس اليوم
خصوصا اني 2007 برضه
طيب في اي ملاحظات حاسسها من بعد التعديل ولا ايه ؟؟؟

[hitham_sh]

اه حاسس ان الدركسيون خف وبقى انعم وحاسس ان العربيه بقت ماسكه نفسها زي اول ما جبتها بس ده اعتقد انهم ربطو على العفشه بس برضو لما كانو بيربطو في الصيانات مكنتش بحس انها متماسكه زي المرادي والاحساس بخشونة الاسفلت والمطبات بالعجلات الاماميه بقه اظرف من الاول بس فروق بسيطه
بس الاهم ان مبقاش في اي اصوات خالص

[أبو عبدالله]

طب والله كويس
يعني تعاملو مع المشكلة بحرفيه بجد
ماشاء الله
انا ان شاء الله هحاول اشوف كده اني اروح اشيك على الموضوع ده
ومبارك عليك يا جميل

[hitham_sh]

الله يبارك فيك يا ابو عبدالله ومتكسلش روح علشان تتطمن حتى لو مش عندك الصوت

[أبو عبدالله]

ان شاء الله
هيا المشكلة الوقت بتاع الواحد مزنق شويتين بس
الله المستعان

[asmio1969]

الحمد لله الحمد لله المشكله اتحلت والصوت راح خالص وجربت العربيه في كل الحتت الي كان بيطلع معايا فيها الصوت ملوش اي اثر والحمد لله
بعد معاناه من الصوت لمدة سنه ونص الحمد لله الموضوع اتحل
والجميل كمان اني استلمت العربيه في نفس اليوم وديتها الساعه 9 واستلمتها 5 :10D5C8~1107:
اشكر جميع العاملين في التوكيل وشكرا جدا لمجهودكم
وشكر خاص للمهندس احمد عبد الوهاب :)
على فكره هما سؤلوني تاني اذا كانت العربيه 2007 ولا 2008قبل ما يستلموها ولما عرفو انها 2007 قالولي دخلها
بس محدش فادني هيبداو في 2008 امتى بالزبط
اتمنى للجميع ان المشكله تتحل عندهم

أ. هيثم
ممكن شرح مشكلة الصوت بالتفصيل؟
والتكلفة كانت كام ؟
والتوكيل قاموا بالتربيط ولا تعديل فى العفشة ؟
تليفونهم كام وأطلب أكلم مين لأنى ساكن قريب منهم فى العاشر من رمضان

[ows212]

الف مبرووك يا هيثم حل مشكلة الصوت

[askoda]

I want to know if i have the same problem or not but i'm 2008 :(