استفتاء على ميعاد المقابلة الثالثة لملاك الدايهاتسو

[معاذ الشرباصى]

السلام عليكم و رحمة الله و بركاته

احنا الحمد لله متعودين اننا نتقابل كل شهرين تقريبا

و بما ان المقابلة القادمة مميزة كونها بعد الاعلان عن الجروب الخاص بنا, بالاضافة الى كونها تحت رعاية دايهاتسو مصر, و هما اللى هينظموا المقابلة فى المكان اللى هنختاره

اتفقت مع م/محمد عبد الصمد, انى هبلغه بالميعاد اللى هنتفق عليه مع بعض, و ساعتها هو هيدينى قائمة بالاماكن المقترحة لعقد المقابلة

انا قلت له بلاش اكتوبر للمرة التالتة علشان ميحصلش انقلاب

كانت الاماكن المقترحة: الرحاب, العبور, المعادى, مصر الجديدة... و هما هيبحثوا على الاماكن اللى ممكن نتقابل فيها و يعرضوها علينا علشان نختار منها بحيث يبقى متوفر فيها الشروط الاساسية:
1- قريبة من الطرق السريعة, علشان الناس اللى هتيجى من السفر
2- توافر باركنج كبير بحيث يستوعب عدد السيارات و يبقى مناسب للتصوير

نيجى للمواعيد المقترحة للمقابلة:

1- الجمعة 20 فبراير 2009
2- الجمعة 27 فبراير 2009
3- الجمعة 6 مارس 2009

انا عملت الاستفتاء يدوى (مش فى صورة استطلاع) علشان الناس اللى تصوت و يتحسب اصواتها هما ملاك الدايهاتسو... اى حد يحب يحضر اكيد مرحب بيه, بس علشان متحصلش اللخبطة بتاعة المرات اللى فاتت بخصوص التصويت

فياريت بعد اذنكم كل واحد يكتب الميعاد المناسب له

الاستفتاء ده يخلص الجمعة 6 فبراير ان شاء الله

[توفيق طة]

أخى الفاضل/د معاذ..

يشرفنى أن أكون أول المقترحين ..

لامانع فى ميعاد الجمعة 20 فبراير ..

أقترح مكان المقابلة العبور ليكون بجوار مركز

الصيانة .وقريب لنا أهل الأ قاليم ..والرحاب

ثانيا ..وعميق شكرى وامتنانى لمجهودك والغالى

محمود ..

تحيــــــــاتى للجميع ..

توفيــــــق

[ara]

السلام عليكم جميعاً
ممكن الجمعة 6 مارس؟ علشان الجو يكون حلو إن شاء الله خصوصاً لو ها نخرج في مكان مفتوح
أي مكان ok :)

[salsa10]

السلام عليكم
يشرفنى ان انضم للمقابلة القادمة وأتمنى ان تكون يوم
الجمعة 6 مارس والمكان مش ها يفرق
وياريت اعرف شروط الأنضمام
وشكرا لكل دايهاتسوي مصري

[askoda]

Thanks Moaaaz

I think i'll choose 20 February

Because i really want to se all the Daihtsuu's in February :)

[OlaOsman]

20 فبراير و 6 مارس أوك معايا، انما 27 فبراير مرتبطة فيه بموعد.

الأماكن يستحسن ما تكونش عبور و لا ريحاب عشان لسه مش باقدر أسوق في الطرق اللي زي دي و لا حتى اعرف بيتراحوا ازاي

[osama_alam]

27 فبراير او 6 مارس

ويا ريت تتفقوا مع التلفزيون المرادي علشان يغطي المقابلة

ويجعله عامر

[MoToRiZeR]

27 فبراير او 6 مارس

ويا ريت تتفقوا مع التلفزيون المرادي علشان يغطي المقابلة

ويجعله عامر

أسامة باشا، ثق في إن مفيش أي قناة هترضي تغطي الموضوع ده لأنه إعلان صريح

إن شاء الله هشوف أنهي معاد مناسب ليا و أكتبه .

[عمرو عمارة]

6 مارس هايكون مناسب إن شاء الله عشان فبراير قافل معاية كله...

[معاذ الشرباصى]

إن شاء الله الاستفتاء المفروض يخلص النهارده

انا بالنسبة ليا المواعيد كلها مناسبة

و لكن افضل 6 مارس

[MoToRiZeR]

يبقي كدة علي بركة الله 6 مارس إن شاء الله
المقابلة الثالثة من المتوقع إنها تكون كبيرة جداَ إن شاء الله .. كله يزبط دلوقت عشان مش هنقبل أعذار :) 6 مارس محجوز للسيريون .

[badry]

تتقابلوا على خير ان شاء الله.....

انا بس بسأل...هو ممكن حد من غير مالكى الديهاتسو يحضر؟؟؟

انا بصراحة كنت بفكر انى اشترى سيريون...و كنت عايز استفيد من خبرة الأخوة....بالأضافة الى لو اقدر استفيد من وجود ممثلين من التوكيل فى الشراء...

لو ده مسموح بيه...ياريت اعرف مكان المقابلة و الساعة كام؟؟؟

و شكرا

[معاذ الشرباصى]

تتقابلوا على خير ان شاء الله.....

انا بس بسأل...هو ممكن حد من غير مالكى الديهاتسو يحضر؟؟؟

انا بصراحة كنت بفكر انى اشترى سيريون...و كنت عايز استفيد من خبرة الأخوة....بالأضافة الى لو اقدر استفيد من وجود ممثلين من التوكيل فى الشراء...

لو ده مسموح بيه...ياريت اعرف مكان المقابلة و الساعة كام؟؟؟

و شكرا

حضرتك تنورنا طبعا

الميعاد يوم 6 مارس ان شاء الله

المكان لم يحدد بعد

[salsa10]

السلام عليكم ورحمة الله وبركاته
ياريت نعرف مكان المقابلة وكمان كيفية الأشتراك وانا عندي تريوس2009 واول مرة اشترك

[MoToRiZeR]

السلام عليكم ورحمة الله وبركاته
ياريت نعرف مكان المقابلة وكمان كيفية الأشتراك وانا عندي تريوس2009 واول مرة اشترك

الإجراءات سهلة جداَ
حضرتك تعرف مكان و معاد المقابلة و تقولنا إنك جي .. و تيجي تنورنا :) بس كدة .. و في إنتظارك يوم 6 مارس إن شاء الله