** تجربتى فى مركز العبور **

[توفيق طة]

بسم الله الرحمن الرحيم

قبل كل شئ أوجة عميق شكرى وامتنانى للأخ الغالى

أبوعبداللة..اللذى قام بالأتصال وأنافى المركزبالمهندس

أحمد عبد الوهاب للتوصية وكان اتصالة مفعول

السحر (افتح ياسمسم )..

كماذكرت من قبل هذة صيانة ال40 ألف وأول

مرة أعمل صيانة فى العبور كنت أعملها دائما

فى مركزالرزق بالأسكندرية وهذة ملاحظاتى ..

1- مدخل العبور سئ جدا ؟؟

2- صالة استراحة العملاء ضيقة جدا جدا كأنة

يوم الحشر!!والعكس تماما فى الأسكندرية ..

3- العمالة الفنية متوسطة ومظهرهم مش قد كدة

3-معاملة حسنة من موظفوا الأستقبال الرجال فقط

4-طلبات البوفية فرى عكس اسكندرية ؟؟

5-عدد سيارات العملاء أكبرمن طاقة المركز ؟؟

جائنى مهندس/أحمد وأخبرنى أن أبوعبداللة كلمة

وأوصاة عليا وشكرتة المهم عمل لى أوردر

صيانة 30000 بدلامن 40000 توفيرا

للتكاليف بركات أبو عبداللة ..وتم تغير زيت

الباوروالفرامل وعمل تشك أب على العفشة وتيل

الفرامل والبوجيهات فقط هذاما تم عملة ..

اما بخصوص تغير سير الأدارة والبوجيهات لم

يتم تغيرهما للتوفير ومش عارف هل دة سليم

أم لا؟؟ تكاليف صيانة ال 40000 هى

1600 جنية وعلى توصية أبوعبداللة تم عملها

ب 370 جنية فقط ؟؟

مرة أخرى جزيل شكرى لابوعبداللة والغالى د/

معاذ الشرباصى اللذى كان يتابعنى على الموبايل

تحيــــــاتى ..

[YoussefMostafa]

الف مبرووووووك يا باشا علي الصيانة وعقبال صيانة ال 400 الف

بس عندي سؤال هل في حاجات متعملتش لتوفير الفرق الجامد ده في المبلغ؟

[for_ever]

السلام عليكم
مبروك الصيانة
بس عندي تعليق علي الاتصالات اللي حضرتك عملتها

المفروض يبقي في نظام و احترام لكل العملاء

بالطريقة دي كل الناس هتكلم الاستاذ ابو عبدالله و الاستاذ معاذ

مش عارف امتي البلد دي هتخلص من نظام الكوسة و كل سنة و انت طيب و الواسطة.

لما يبقي الفرق الرهيب ده فس سعر الصيانة من 1600 جنيه الي 370 جنيه ده معناه ان مفيش ضمير و ان الوكيل مش بيحترم العملاء.

اقول ايه بس. المفروض ان اي واحد في مكان عمله يتقي الله و ياريت الكوسة تختفي من مصر بقي كده كفاية اوي حرام هننحدر لمستوي اقل من كده ايه بس ؟؟؟؟؟؟

[عمرو عمارة]

مبارك الصيانة أستاذ توفيق........بس إصراحة أنا مش فاهم أي حاجة 1600جم ------->370جم

[askoda]

يا جماعة الراجل عمل صيانة ال-٣٠٠٠٠ والتوفير إلي احصل دة إنو مغيروش التيل ولا إللسيور ولا الباجهات

ودول لوحدهم أصلاً سعرهم ميكلش عن ١٠٠٠ جنيه د غير المصنعية بتاعتهم

بس السؤال دلوقتي بقى معنى انهم مغيرهمش إن الواحد ممكن يقعد البجيهات أكتر من ٤٠٠٠٠ والسيور كمان

[توفيق طة]

الأخ اللى بيتكلم على الكوسة وعدم النظام ؟؟

أولاأنا حاجز موعد الصيانة (برضة كوسة)؟؟

ثانيا نحن هنا لنا تخفيض ومعاملة خاصة بالمركز..

ر جائى أن تحترم الكلمة ومن هم أكبرسنا منك .؟

مع تحياتى للأسف الشديد.؟

[for_ever]

الأخ اللى بيتكلم على الكوسة وعدم النظام ؟؟

أولاأنا حاجز موعد الصيانة (برضة كوسة)؟؟

ثانيا نحن هنا لنا تخفيض ومعاملة خاصة بالمركز..

ر جائى أن تحترم الكلمة ومن هم أكبرسنا منك .؟

مع تحياتى للأسف الشديد.؟

سيدي الفاضل
كلامي محترم جدا و لا يحمل اي كلمة خارجة
اولا: انا ما اتكلمتش عن حجز موعد الصيانة
ثانيا: كنت هتدفع كام لو ما كلمتش الاساذ ابوعبدالله
ثالثا: انا بحترم الكبير و الصغير
رابعا: شكرا علي ختام ردك الجميل

[for_ever]

الأخ اللى بيتكلم على الكوسة وعدم النظام ؟؟

أولاأنا حاجز موعد الصيانة (برضة كوسة)؟؟

ثانيا نحن هنا لنا تخفيض ومعاملة خاصة بالمركز..

ر جائى أن تحترم الكلمة ومن هم أكبرسنا منك .؟

مع تحياتى للأسف الشديد.؟

في حاجة كمان نسيت اقولها:
حضرتك بنفسك قلت ان مكالمة ابو عبدالله كان ليها مفعول السحر (لاحظ ان ده كلام حضرتك)

يعني لو اي عميل عادي ما يعرفش ابو عبدالله
و راح يعمل الصيانة, كان هيتعامل نفس المعاملة ؟
و كان هيدفع كام ؟

للاسف حضرتك فهمت من كلامي اني بهاجمك او مش بحترمك
بالعكس انا باركتلك علي الصيانة في ردي و شايف ان موضوعك مفيد
بس كان تعليقي علي اللي بيحصل في كل حتة في البلد
علي اي حال انا نفسي ان الاحوال تتغير للاحسن و ربنا يصلح حالنا

[MoToRiZeR]

أستاذ for ever
كل ما في الموضوع إن مجموعة دايهاتسو في نايل موتورز لهم معاملة خاصة و VIP نظراَ لنشاطهم الإجتماعي الخاص بسيارات دايهاتسو، و الكلام د مش كوسة و مكالمات و علاقات، الكلام ده نشره التوكيل نفسه في جريدة رسمية من خلال إعلان نشر في أحد أعداد جريدة الأخبار في ملحق السيارات ، و نشر جنبه صورة للقاءات اللي بنعملها و كيف تم تكوين الجروب + معلومة إننا بناخد خصم 5% عالمصنعية و قطع الغيار و 10% عالإكسسوار.

اما عن فرق السعر فا ده توكيل مفتوح عشان يجيب فلوس، مش معقول الناس "هتكرمنا" و في المقابل تضر شغلها .. هو ليه يعني هيخليه يدفع فلوس أقل من اللي المفروض يدفعها ؟! هيكسب إيه هو كدة .. التفسير المنطقي هتلاقيه في سطور أستاذ توفيق و هي إن فيه حاجات متغيرتش لأن أكيد لقوا حالتها كويسة فا تركوها للصيانة القادمة ، و ده حصل معايا في صيانة العشرين الف اللي المفروض بتتكلف 500 و شوية تقريباَ و لكني دفعت برده حوالي 370 لأن المهندس لقي فلتر الهواء حالته كويسة و مش محتاج يتغير فا سابه، و كان عندي دلاية واقعة و كارتيرة مخلوعة تم تركيبهم بدون إضافتهم عالفاتورة، و المهندس ده لا كنت مكلمه قبليها ولا كنت شفته قبل كدة ولا خليت حد يكلمهولي ولا حتي كان يعرف إني من نايل موتورز و مقلتلوش غير في الأخر خالص عشان أخد الخصم ، طب ماهو كان ممكن يغيره و التوكيل يكسب في بيع قطعة غيار و انا كدة كدة رايح و عامل حسابي إن الفلتر هيتغير ، و في المقابل ميعملش هذه الخدمة غير "لحبايبه" بقي اللي بياخدوا الكوسة كلها ! و بالتالي انا كنت رايح كعميل عادي .. و إتعاملت نفس المعاملة لأن الحقيقة الناس هناك ذوق و مش بتتأخر و ممكن حضرتك تشوف تعليقات ليا و لزملاء أخرين تحمل نفس المضمون في مواضيع بتاريخ قبل أول مقابلة و قبل تأسيس الجروب أصلاَ .

كل ما في الموضوع إن فيه علاقة طيبة بينا و بين الناس في التوكيل مبنية علي نوع من الصداقة و بنقابلهم في مقابلاتنا و بيحضروها و يعرفون الكثير مننا شخصياَ و بنقعد نتكلم و ندردش معاهم ، و لكن لأن أستاذ توفيق أحد أعضائنا اللي كانت ظروفه مش بتسمحله يحضر المقابلة و أول مرة يروح مركز العبور فا كان أبو عبد الله حلقة الوصل بينه و بين الناس هناك جزاه الله خيراَ .

فلا أبو عبد الله أو معاذ أو أي عضو معانا عضو مجلس إدارة في دايهاتسو فا اما يتصل إتصاله هيفتح الأبواب المغلقة (ده إذا كانت موجودة) ، ولا في حد في التوكيل من مصلحته إننا يبقي لنا كوسة بالعكس منطقياَ كدة هما هيبقوا بيضروا نفسهم لأن في النهاية دي شركة خاصة هدفها الربح .

عفواَ الرد طويل و لكن حبيت أوضح النقطة دي .
أخوك محمود .

بالنسبة للموضوع نفسه ألف مبروك يا أستاذ توفيق عالصيانة بس متقلقش الفلوس هتدفع هتدفع ههههههههههه .. انا فرحت اما تغيير الفلتر إتأجل بس قلت يا نهار أبيض ده كدة هيبقي مع تغيير الزيت الصيانة الجاية و هتخشلها في بتاع 800 جنيه lol .

إن شاء الله نشوف حضرتك و تشرفنا يوم 6 مارس .

و بالمناسبة يا جماعة تغيير قطع السيارة عند كيلو متر معين ده بيبقي شئ تقديري من التوكيل فقط لكن ساعات الحاجات بتبقي حالتها كويسة فا بتتساب تقعد أكتر، و إختلاف الحالة بيبقي حسب إستخدام السيارة فا ساعات مثلاَ واحد مش بيغير البوجيهات في صيانة ال 40 أو مش بيغير الفلتر في ال 20 لأن بيبقي حالتهم كويسة .

[for_ever]

شكرا علي ردك يا استاذ MoToRiZeR
كلامك اقنعني ان في معاملة خاصة لاعضاء المنتدي
بس مش ده الانطباع اللي اخدته لما قرأت موضوع الاستاذ توفيق طه

لاحظ كلمته "وكان اتصالة مفعول السحر (افتح ياسمسم )"

فانا زعلت ان مفيش تكافأ للفرص. لان بلدنا الحلوة مليانة عدم تكافأ في كل حاجة مش بس الفرص.

ربنا يهدي و يصلح الحال

[MoToRiZeR]

أكيد أستاذ توفيق حس كدة لأن باشمهندس أحمد راجل ذوق و أكيد إهتم بيه زي كدة اما تلاقي حد قريبك أو صاحبك جي في المكان اللي بتشتغل فيه بيعمل حاجة أكيد بتجبله حاجة يشربها و تتابع معاه خطوة بخطوة و بتشيله فوق دماغك عشان بيبقي ضيفك.

انا مش بدافع عن التوكيل بس دي الحقيقة فعلاَ هما ناس محترمة .. لو مش مصدق ممكن نروح في سيريون متخفية و أدخلك تشوف بنفسك :k38:

و شكراَ لك علي المناقشة :)

[توفيق طة]

أخى الفاضل/ محمود ..

تحيتى لك ..

أسعدنى ردك المفصل واهتمامك بالتفاصيل وسعدت

أيضا بدعودتك الكريمة لانى أحسست أنها دعوة

محبة وان شاءالله وبدون مقاطعة سأحضربس

اتفقوا على مكان معقول.ولن أعلق على كلام

الأخ الفاضل .فقط أنا لم أطلب من أبوعبدالله

التكلم مع المركز هى عادتة حين يعرف أن أحدا

من الجروب ذاهب هناك لأنة انسان خلوق

ومحترم .وأحب أن أستدعى أبوعبدالله هنا ؟؟

فاكرلما ذكرت لك اسباب ترددى فى المقابلات؟

أهو كلامى تحقق ..

فى النهاية .تحياتى للجميع .مع اننى مصدوم من

رد واندفاع الأخ/ for_ever

[أبو عبدالله]

طبعا في الأول احب احيي محمود على رده الوافي الرائع
واحب ان اوضح ان المسالة لا يوجد فيها ما يستدعي اني اقول كوسه
كوسه لمين اصلا
كوسة من التوكيل للتوكيل نفسه
يعني كلام غير منطقي
كل ما في الأمر ان الناس بتقدر ملاكها اللي اجتمعوا على امتلاك دايهاتسو
وده شئ يأخذ لهم وليس عليه
ما ممكن زي كثير من التوكيلات يقولك ايه المشكلة ما هو مجتمعين مجتمعين
اكيد التوكيل له مصالحه واحنا برضه لينا مصالحنا
المهم الاتنين يتوافقوا مع بعض ونقرب وجهات النظر

عالعموم يا استاذ توفيق مبارك عليك الصيانة الخفيفة دي
وزي ما انا قولتلك ان ممكن حاجات تلاقيها شغاله ومتتغيرشي وده برضه شئ يحسب للتوكيل انه مش شغال بيغير وخلاص علشان العربيه عدت الاربعين الف كيلو
ولو غير محدش هيقوله انت بتغير ليه وعلشان ايه

[Eng_aly]

الف مبروك يا أ/طه والحمد لله جت خفيفة وعقبال الباقى كدة عالطوال فى الخفيف احسن الواحد والله شايل هم الصيانة دى من ساعة معرفت الرقم وعمال احسب يمين وشمال ...وعايز اقول رأيى بعد اذن حضراتكم
اولا التوكيل هو المستفيد الواحيد من تغير كافة الاجزاء "مصنعية وقطع غيار"
ثانيا التوكيل محترم جدا جدا جدا لانه و ببساطه لاقى ان قطع الغيار الموجودة تصلح للعمل "اد اية مش مهم وهو يتحمل المسئولية عن كفائة التشغيل"ولكن تصلح ومعنى كدة انهم شافوا شغلهم كما هو مطلوب منهم ودة حاجة لا تستوجب الشكر ولكن تستحق الاحترام والتقدير منا ومن غيرنا من العملاء الغير اعضاء هنا بالمنتدى واعتقد ان المعامله بين الوكيل وعملاءة ليست تعتمد فقط على مكالمة تيلفون من الأخ الفاضل ابو عبد الله اوالدكتور معاذ يمكن ان نكون نحن اكثر جروب يمتلك السيارة ولكن باقى الملاك اللى هيدفع 1600 جنية فى عربية المفروض انها اقتصادية كل 40 الف كم اكيد هتكون داعية سيئة "على فكرة انا كلمتهم على التيلفون واعترضت على الرقم الغريب دة"...
ثالثا احنا كمان مستفدين من هذة المعاملة الخاصة من الوكيل كخصم ومواعيد وخلافة ودى حاجة ليس لها علاقة بالكوسة او القرع واكيد لازم نبقى مبسوطين بيها...والف مبروك مرة اخرى يا أ/طه وعقبال صيانة ال400الف كم وبردة تبقى 375 جنية

[معاذ الشرباصى]

اولا مبروك م/توفيق على الصيانة

ثانيا تعقيبا على الكلام الغريب اللى بيتقال عن واسطة و كوسة و الكلام ده, أظن ان محمود فعلا جاب الخلاصة

دلوقت توكيل دايهاتسو مش ملزم انه يهتم بمجموعة معينة من ملاك عربيته و يوليهم اهتمامه و معاملة خاصة و تخفيض .... لكن هما لمسوا قد ايه الناس دى محترمة و ناس فاهمة و واعية و مجموعو مميزة فعلا تستحق الاهتمام

مكالمة ابوعبدالله لمهندس احمد عبد الوهاب كان سببها ان م/توفيق كان دى اول مرة يروح العبور, و كانت صياناته كلها فى مركز الرزق فى اسكندرية, ده بالاضافة ان م/توفيق حصل له ظرف فى المقابلة اللى فاتت و لم يستطع الحضور, علشان كده لم يتعرف على م/احمد او م/محمد عبد الصمد

اما بخصوص وصول السعر من 1600 الى 370 فده كان واضح فى كلام م/توفيق ان تم عمل صيانة 30 الف بدلا من 40 الف

ده جدول يوضح الفرق فى اسعار العمالة


ال 30 الف تعامل معاملة صيانة ال 10 الاف

ده غير ان ال 1600 جنيه دول يتضمنوا تغير حاجات كتير زى البوجيهات و سير الادارة و زيوت و سوائل و حاجات كتير

فبلاش الاتهامات دى و القاء التهم على الناس بدون تحرى الدقة او الالمام بأبعاد الموضوع لأن فعلا الناس هناك فى دايهاتسو بيحاولوا يرضوا كل الناس, اكيد طبعا مش هيقدروا يرضوا جميع الاذواق لكن على الاقل بيحاولوا