ركبت كاست جديد للسريون

[hitham_sh]

الحمد لله من اسبوع غيرت الكاسيت العقيم الي كان جي مع السريون 2007 وركب واحد بايونير دبل cd + Usb

[abohalmos]

الف الف مبروك

الف مبروك عليك الكاسيت يا اخ هيثم .
بس لو ممكن تقولنا جبته منين و بكام .........؟؟
و لو فيها رزالة.......اخبار السماعات عندك ايه ؟؟؟؟ قصدى يا ترى هيا بتاعة العربية و لا غيرتها ؟؟؟؟؟؟؟؟
و لو فيها تباتة .....ركبته فى التوكيل و لا برة ؟
و لو فيها شكولاتة ركبته بكام؟؟
و مبروك عليك و عقبال الجى ام و الاكواليزر

[hitham_sh]

الله يبارك فيك يا باشا انا جبتو من ادريان الي في فيصل وسعرو بالتركيب كان 1350 جنيه
ووصلتو على سمعات العربيه وركبت سمعتين في البابين الي ورى نوعهم بانسونك 220 وات 12 بوصه
صوتهم معقول بس مش الحلو قوي
وانت تامر يا باشا لا رزاله ولا تباته ولا شكولاته ده حتى انت سكر نباته

[abohalmos]

صباحو قشطة يا عسل

الف شكر يا هيثم باشا
و ميرسى على ردك .
بس هوا انتا مقولتش ركبت فى التوكيل و لا بره ؟؟
و السماعات الاصلية بتاعة العربية كويسة و لا على ما تفرج ....
و برضه هوا الكاسيت بتاع العربية الاصلى ..وحش للدرجة دى ؟؟؟؟؟؟
امال دا انا قريت هنا قبل كده انه تمنه فى التوكيل حوالى 4000 جنيه:10d5c8~1107:؟؟؟
و ياريت تقبل صداقتى ..انا صعيدى يا بوى على حق ..صعيدى و اقول الحق

[hitham_sh]

ركبتو بره التوكيل والسمعات يعني ظريفه تقدر تقول على ما تفرج
2007 كان بينزل معاه كست عادي بشريط
ويباشا انا شرقاوي والشراقوه ولاد عم الصعايده

[abohalmos]

مرحب بيك يا ابن العم

اهلا بيك يا هيثم .
و انا سعيد بمعرفة حضرتك .
لو ممكن تقولى ايه اخبار العربية معاك دلوقتى بعد سنتين تقريبا من الاستعمال.
عشان انا معجب بيها جدا .. وان شاء الله هاجيب سيريون وان على اساس انى طبيب و من المستشفى للبيت و من البيت للعيادة ... يعنى مشاويرى قريبة جدا..بس مستنى اظبط مقدم حلو .. ان شاء الله .. و كمان حد يكون جابها و كتب تقييم عنها .فكنت عاوز اعرف اخبار العربية معاك لحد دلوقتى ...؟
و اذا كنت جبت قطع غيار ليها و لا حاجة ... و ربنا يحافظ عليك و عليها ان شاء الله

[aliabutaleb]

ماشاء الله لا قوة الا بالله
رائع يا هيثم
ربنا يبارك لك فيه يارب

[bmya]

مبروك الكاسيت يا هيتم اباشا

[Demirell]

ما شاء الله شكله لايق جداً كأنه بتاع العربية...بالذات عشان واخد مكان الكاسيت كله...ألف مبروك يا هيثم

بس هو فيه فتحة aux وللا لأ و ياترى هو صناعة إيه؟

[hitham_sh]

الله يبارك فيكم جميعا
صديقي abohalmos العربيه الحمد لله تمام ومفهاش اي مشاكل وكان فيها مشكله في العفشه والتوكيل صلحهالي ببلاش
وقطع غيرها سعرها ممكن يكون غالي شويه بس في رنج معظم العربيات القريبه منها
صديقي Demirell اه هوا فيه فتحه لل aux وفتحه للusb

[abohalmos]

شكرا يا هيثم باشا

الف شكر يا هيثم باشا. ربنا يحافظ عليك و على السيريونة بتاعتك.
طب ما تعرفشى حد جاب سيريون وان او شفتها مع حد من صحابك او كده؟
يعنى موضوع 1000 سى سى مش مقلق و لا ايه ؟
انا فلا اعتقادى انه عربية زى تويوتا ياريس ماشية حلو بموتور 1300 فلما تكون عربية فى حجم السيريون 1000 سى سى ... يبقوا حلوين عليها و لا ايه رايك يا عم الحاج؟
يعنى انت هل بتحس فى وقت ان الموتور مش ساعفك او مساعدك مثلا ... بالذات لو معاك 4 اشخاص ؟؟؟ و لا ايه النظام ؟؟؟؟

[hitham_sh]

والله انا كان زمان معايا تويتا استارليت كانت 1000 سي سي بس هيا كانت اصغر شويه من السريون
كانت ظريفه والموتور كان حلو وكانت بتجري ومكانش في اي مشاكل
بس انا معرفش حد جاب سريون وان

[أبو عبدالله]

الف شكر يا هيثم باشا. ربنا يحافظ عليك و على السيريونة بتاعتك.
طب ما تعرفشى حد جاب سيريون وان او شفتها مع حد من صحابك او كده؟
يعنى موضوع 1000 سى سى مش مقلق و لا ايه ؟
انا فلا اعتقادى انه عربية زى تويوتا ياريس ماشية حلو بموتور 1300 فلما تكون عربية فى حجم السيريون 1000 سى سى ... يبقوا حلوين عليها و لا ايه رايك يا عم الحاج؟
يعنى انت هل بتحس فى وقت ان الموتور مش ساعفك او مساعدك مثلا ... بالذات لو معاك 4 اشخاص ؟؟؟ و لا ايه النظام ؟؟؟؟

صدقني وعن تجربة
1300 سي سي قبل ما تنزل السيريون 1000 سي سي
وانا بقول انها كويسه جدا للعربيه
لأن انا حملت العربيه لحد ما المساعدين نزلوا لأخرهم ومشيت بالعربيه بالتكييف ومفيش احساس ان العربيه بتعاني ولا اي حاجه

الحمد لله يعني
فلا تقلق لأن العربيه نازله في العالم كله بالماتور ده من اول ما الموديل ده نزل اصلا من سنة 2005 ولكن منزلتش هنا الا في 2009
يعني مهياش جديده في السوق

[abohalmos]

جزاك الله عنا خيرا يا ابو عبد الله

الف شكر للصديق هيثم باشا . و ميرسى على ردك .
و الف شكر للصديق العزيز ابو عبد الله ... وجزاك الله عنا خيرا .....يمكن انا قلقان شوية بس انا و الله معجب بيها جدا... بس انا كده كده ان شاء الله هاجيبها من توكيل دايهاتسو او من اى مكان بتقسيط مباشر فا انا بصراحة مستغلى ال 80 الف بتوع 1300 و كمان سعرها حاسس انه مش هاينزل لانه كل اليابانى فى الطالع :10D5C8~1107:
بس فانا بس عاوز اطمن من موضوع 1000 سى سى .. على الرغم من انى قريت ريفيوهات عليها من ملاكها فى مواقع اجنبية و بيشكروا فيها جدا...بس اللى قلقنى انه فى منتدى مصرى للسيارات بدون ذكر اسماء لاقيتهم نازلين تريقة على موضوع ال 1000 سى سى و 3 سلندر و بيقولوا انهم مهندسين و خبراء و كده .. فا الواحد قلق من كلامهم شوية و بالذات انى على قدى فى موضوع العربيات ده ..... و شكرا مقدما للردود و للاخوة ابو عبد الله و هيثم و dimeril

[أبو عبدالله]

الف شكر للصديق هيثم باشا . و ميرسى على ردك .
و الف شكر للصديق العزيز ابو عبد الله ... وجزاك الله عنا خيرا .....يمكن انا قلقان شوية بس انا و الله معجب بيها جدا... بس انا كده كده ان شاء الله هاجيبها من توكيل دايهاتسو او من اى مكان بتقسيط مباشر فا انا بصراحة مستغلى ال 80 الف بتوع 1300 و كمان سعرها حاسس انه مش هاينزل لانه كل اليابانى فى الطالع :10D5C8~1107:
بس فانا بس عاوز اطمن من موضوع 1000 سى سى .. على الرغم من انى قريت ريفيوهات عليها من ملاكها فى مواقع اجنبية و بيشكروا فيها جدا...بس اللى قلقنى انه فى منتدى مصرى للسيارات بدون ذكر اسماء لاقيتهم نازلين تريقة على موضوع ال 1000 سى سى و 3 سلندر و بيقولوا انهم مهندسين و خبراء و كده .. فا الواحد قلق من كلامهم شوية و بالذات انى على قدى فى موضوع العربيات ده ..... و شكرا مقدما للردود و للاخوة ابو عبد الله و هيثم و dimeril

معلشي هنعمل ايه
دايما في مصرنا الحبيبة هتلاقي كتير لازم يفتي قبل ما تكتمل عنده المعلومات الكاملة اللي تخليه يفتي
يعني لازم هنا في مصر تفتي الاول وبعدين نتكلم من هنا للصبح ومش هنوصل لحاجه
على فكرة اكتر جوائز السيريون على اللي بماتور 1000 سي سي

وكفاية جايزة whatcar الانجليزية
لدرجة ان موقع دايهاتسو الانجليزي نفسه بيستشهد ان العربيه حاصلة على جائزة من مؤسسة whatcar

يعني الصانع بيستشهد بمؤسسة تقييم سيارات