ثبات التريوس 2009 ؟

[moono]

انا ناوى اجيب عربيه خلال الفتره القصيره الجايه باذن الله

وكنت بقارن بين الماتريا والبيجو 207

بس بامانه خفت من البيجو مع كامل تقديرى ليها وعشقى للماركه دى عشان الصيانه وعشان لازم احجزها قبلها ب 3 شهور

والماتريا جامده وكل حاجه وعجبانى بس مش عارف ادفع 110 الف فى عربيه والناس تعقدنى فيها


فبفكر ازود 8 الاف واجيب تريوس بلاتنيوم
او ازود 5 واجيب فيات لينيا


يس الحاجه الواحيده الى مخوافانى من التريوس

الثبات الثبات الثبات

الكل بيحز منها على الطريق وانا شاب وكتير بسافر وطبعا بدوس جامد

فايه رايكم ؟ يا ريت الى يقول معلومه يكون متاكد منها لان دى مساله حياه او موت


واسف على الاطاله

[Merit]

أنا شايف التريوس ممكن تكون عادية في السفر مع السواقة الطبيعية والحذر لكنها غير آمنة تماما مع الجري والسرعة في الملفات
بالنسبة لي أنا أنا إشتريت التريوس الlong وبعتها بعد شهرين لأني مارتحتش ليها نهائي هي الحسنة الي كانت فيها بالنسبة لي شكلها وتكييفها فقط

[Migo123]

او ازود 5 واجيب فيات لينيا

توكل على الله
فيات لينا تربو
وسافر ودوس براحتك

[moono]

يعنى تريوس ولا ماتريا ؟

[nav man]

انا بحب الماتريا اكتر,بس التريوس حلوة برضوة.

[nav man]

واعتقد ان ثبات الماتريا احسن من التريوس في السرعات.

[Sherif Sharaf]

أنا رأيى لو بتجرى وعايز شد يبقى اللينيا تربو أفضلهم كسرعة وثيات على الطريق أما التيريوس فهى أنسب لطرقات المحروسة داخل المدن بما فيها من مرتفعات ومنخفضات (اللى بيسموها مطبات)

[for_ever]

أنا شايف التريوس ممكن تكون عادية في السفر مع السواقة الطبيعية والحذر لكنها غير آمنة تماما مع الجري والسرعة في الملفات
بالنسبة لي أنا أنا إشتريت التريوس الlong وبعتها بعد شهرين لأني مارتحتش ليها نهائي هي الحسنة الي كانت فيها بالنسبة لي شكلها وتكييفها فقط

ممكن لو سمحت حضرتك تقولنا ايه العيوب اللي وجدتها بالتفصيل لاني بفكر جديا في شراء التيريوس. شكرا

[moono]

فين ملاك التريوس يا جماعه يفودنى عشان انا خلاص

هخلص ان شاء الله الاسبوع ده

ويا ريت كل واحد جرب التريوس يرد عليا فى حكايه الثبات بسرعه

[melhefnawy]

السلام عليكم

على حسب تجربتي الشخصية للأسف ثبات التريوس من أول 120 Km/h مش تمام , انا لسة وسافر بيها النهاردة العين السخنة وراجع مرتين وكنت حاسس انها ريشة في مهب الريح

يعني بحس انها بتتهز وبتحدف مني يمين وشمال , انا مش عارف اذا كان هوا ده الثبات اللي بتسأل عليه ولا قصدك في الملفات بس ملفات طريق السخنة الجديد بخدها بين 100 و 120 وعادي مافيش مشكله

برضوا احتمال تتطلع المشكلة في عربيتي أنا بس بصراحة مش عارف

[fahd_628]

بص من الأخر التيريوس مش بتاعت شد و جرى و سفر على سرعة عالية و الكلام دة

لو عاوز كدة هات الليتيا او الانترا او هوندا سيفيك او i30 او ميجان

[PoweRPassioN]

فيات لينا تربو احسن حاجه ليك

[أبو عبدالله]

السلام عليكم

على حسب تجربتي الشخصية للأسف ثبات التريوس من أول 120 Km/h مش تمام , انا لسة وسافر بيها النهاردة العين السخنة وراجع مرتين وكنت حاسس انها ريشة في مهب الريح

يعني بحس انها بتتهز وبتحدف مني يمين وشمال , انا مش عارف اذا كان هوا ده الثبات اللي بتسأل عليه ولا قصدك في الملفات بس ملفات طريق السخنة الجديد بخدها بين 100 و 120 وعادي مافيش مشكله

برضوا احتمال تتطلع المشكلة في عربيتي أنا بس بصراحة مش عارف

حضرتك مسألة انك تححس ان العربيه بتحدف يمين وشمال من الهواء
دي مسألة اي عربيه في الدنيا هتعمل كده لأن ده هواء ورياح بتقاوم العربيه حسب اتجاهه
والموضوع ده حصل في كل العربيات اللي ركبتها
هتفرق من عربيه لعربيه حسب وزن وثقل العربيه وليست حسب مدى ثبات العربيه
ثبات العربيه مش ده مقياسه
وانما مقياس الثبات ان العربيه في المنحنيات والملفات على سرعات تساعدك على ان تأخذ الملف بدون الشعور ان العربيه هتخرج خارج الطريق
او عند حدوث لا قدر الله فرملة جامده ان ده لا يكون له تأثير عالي على ان العربيه تلف بك على الطريق

في النهاية التيريوس الجديده وليس القديمة ثباتها جيد ولكن يأخذ في الأعتبار ان ليست عربيه سرعات عاليه
وان اي عربيه عالية عن الطريق بنفس العلو اللي فيه التيريوس اكيد مينفعشي اقيسها بعربيه ملاكي قريبة من الأرض
ومع ذلك العربيه ليست سيئة في الثبات
بل انا اعتبر انها جيده في ثباتها بالنسبة لفئتها
ولو بصيت عليها من الخلف هتعرف ذلك لأن العجل الخلفي بارز عن البودي بتاع العربيه من الجوانب عندما تنظر اليها من الخلف

وانصحك بكثرة الأستخارة لكي ترزق الخير اين كان

[tsalah]

أن أؤيد كلام الأخ أبو عبد الله تماما
العربية دي الثبات بتاعها كويس جدا
بس مشكلتها إن صوتها عالي في السفر و بتحتاج تربيط عفشة