احداث صيانة الـ40 الف في مركز العبور

[salsa10]

يا جماعة لو حد يعرف مركز خدمة كويس في صيانة الدايهاتسو
يا ريت يقولنا عليه
علشان السيارات خارج الضمان واللى ما بضمنهاش الوكيل بالرغم من انه هو اللي بايعها في أي منطقة من العالم بس لما تتنقل من بلد لبلد تفقد الضمان
دا في عالم الكمبيوتر hp عاملة مراكز صيانة تضمن منتجها بغض النظر عن مكان الشراء
صلاح

[Eng_aly]

انا شخصيا بفكر ان لازم الناس دى تحسن من ادءها علشان خاطر الناس اللى بتثق فيهم ومش عايز اقطعهم ولا حاجة بس يا فرعون ايه فرعانك....انا بس مش عايزهم لا يسرقونى ولا يعملوا زى الواد بليه
وكمان مش عايزهم يبقوا ملائكه بس دايما فى حد ادنى للتعامل مع العملاء فى اى مكان محترم وانا علشان عارف انهم محترامين مش عايز حاجات مش مضبوطه تحصل ...علشان كدة انا كلامى بقصد به التحسين بالشكل ايجابى وليس سلبى...علشان مش عايز اروح لحد برة التوكيل
شكرا

[عمرو عمارة]

انا شخصيا بفكر ان لازم الناس دى تحسن من ادءها علشان خاطر الناس اللى بتثق فيهم ومش عايز اقطعهم ولا حاجة بس يا فرعون ايه فرعانك....انا بس مش عايزهم لا يسرقونى ولا يعملوا زى الواد بليه
وكمان مش عايزهم يبقوا ملائكه بس دايما فى حد ادنى للتعامل مع العملاء فى اى مكان محترم وانا علشان عارف انهم محترامين مش عايز حاجات مش مضبوطه تحصل ...علشان كدة انا كلامى بقصد به التحسين بالشكل ايجابى وليس سلبى...علشان مش عايز اروح لحد برة التوكيل
شكرا

تمام يا م/مهندس علي......الله يفتح عليك .....نفس الكلام الي عايز أوصله للناس وبحاول أقنع بيه نفسي

[Eng_aly]

تمام يا م/مهندس علي......الله يفتح عليك .....نفس الكلام الي عايز أوصله للناس وبحاول أقنع بيه نفسي

حلو اوى كدة ...وبكدة لو فى عدد من كل اعضاء المنتدى انا بوجة الدعوى الى انتخاب عدد من الاعضاء لمناقشة الموضوع دة مع مجلس ادارة دايهاتسو مصر لحل كافة المشاكل التى تواجة الاعضاء وملاك السيارات واتخاذ اجراءت لحل هذة المشاكل ويارات لو حد يا اخونا يتولى التنسيق...مع اعتذارى لظروف العمل

[معاذ الشرباصى]

اسمحولى يا جماعة انا مقدرتش اسيب الموضوع الساخن ده اكتر من كده بالرغم انى عندى امتحان بكره

انا متابعه ... لكن كنت ناوى اكتب اللى عايز اقوله بعدين, لكن كده هيبقى وقته متأخر

الاول اسمحولى هأقتبس كذا جملة لأكثر من عضو

مش لدرجة مقاطعة برضه يا جماعة .. !!
يعني دي نقطة سلبية نتمني أن نجتمع في طرحها علي التوكيل و يكون فيه حوار خاصة أنهم ناس محترمين و الحوار معاهم قائم دائماَ مش من الناس اللي سككهم مقفولة ولا يرضون بسماع الأراء الناقدة .
كمان هما كان لهم معانا مواقف طيبة كتير مش هننساها بسبب حاجة سلبية إحنا شايفنها لازم يكون فيه حوار برضه .

بما انى مش من ملاك الدايهاتسو فهعتبر ان الكلام موجه

ليا الى حدما فتسمحلى ارد على جزء من الموضوع ,اذا

كان الواحد متغاظ فده مش من التوكيل ده بحد ذاته ولكن على

اسلوب التعامل والاذعان فى بيع غرض باضعاف سعره نظرا

لانى محتاج التوكيل مثلا للحفاظ على ضمان السيارة والكلام ينطبق

على كل الوكلاء وليس هذا التوكيل , واكيد هما فتحين هذه

الوكلات للمكسب وليس كعمل خيرى وانما الكلام على

المبالغة فى المكاسب فى قطع الغيار على الاقل ومليش دعوة

بالمصعنيات وهى تقديرهم لجهدهم وبرضه بحدود

واكيد انك هتزعل مثلا يوم ماتشترى غرض معين (بعيدا عن
التوكيل)
باكثر من سعره وانت عارف سعره الحقيقى نظرا لاضرارك

الشراء من مكان معين ومافيش بديل.

انا شخصيا بفكر ان لازم الناس دى تحسن من ادءها علشان خاطر الناس اللى بتثق فيهم ومش عايز اقطعهم ولا حاجة بس يا فرعون ايه فرعانك....انا بس مش عايزهم لا يسرقونى ولا يعملوا زى الواد بليه
وكمان مش عايزهم يبقوا ملائكه بس دايما فى حد ادنى للتعامل مع العملاء فى اى مكان محترم وانا علشان عارف انهم محترامين مش عايز حاجات مش مضبوطه تحصل ...علشان كدة انا كلامى بقصد به التحسين بالشكل ايجابى وليس سلبى...علشان مش عايز اروح لحد برة التوكيل
شكرا

أنا شايف الى حد كبير كلام محمود, و د. احمد و م/ على بتلخص الفكرة اللى فى دماغى

من البداية كده انا طبعا مش عاجبنى اللى حصل مع هيثم ... سواء موضوع البوجيهات او لما فتح الكبوت و لقى ان فى تقصير حصل فى الصيانة

دلوقت التوكيل لما اختص المجموعة بتاعتنا بمعاملة خاصة, ده علشان كل الناس اللى فيها بلا مبالغة ناس على قدر كبير من الاحترام و ناس مش من النوع اللى بيمشى مع التيار ... يعنى لما بيشوفوا حاجة كويسة بيشكروا فيها, و لما يلاقوا حاجة وحشة ينتقدوها لأجل الاصلاح مش نقد على الفاضى

إذا فى اى مشكلة لنا مع التوكيل اكيد مش هيبقى حلها بالمقاطعة و اتهامهم بالنصب و السرقة الخ... كده احنا بنخسر الناس دى و بس

و فى نفس الوقت هما اكيد مش عاوزين يخسروا مجموعة منتقاه يقدروا الى حد كبير يعرفوا بيها customer feedback على ادائهم و يصلحوا من التقصير ... بس اكيد مش على حساب اتهامهم بالنصب و خلافه

اظن متفقين الى حد كبير على الخطوط العريضة دى

التوكيل من بداية تعاملى أنا معاهم كان فى دقة شديدة فى العمل, الحاجة بتأخد وقت لكن بتخرج زى الفل, أى ملاحظات كان بيتسمع لها, و فى حاجات كانت بتتنفذ و حاجات لأ ... لكن فى المقابلة الحجز هناك كان بياخد وقت طويل للصيانة ده غير المشكلة الرئيسية فى بعض الصيانات ان سعرها مبالغ فيه جدا نظرا للحاجات اللى بتتعمل

حاليا بقى فى سرعة فى حجز الصيانة, سرعة فى اجراء الصيانة نفسها لكن على حساب الدقة فيها ده غير بدأت تلوح فى الافق مشكلة عدم توافر قطع غيار نظرا للكثافة اللى زادت على المركز مع استمرار مشكلة غلاء الصيانة و غلاء قطع الغيار بشكل مبالغ فيه اكتر, ده إن وجدت!

طيب الحل ايه؟

هو اكيد مش بالمقاطعة او بالتشهير بالتوكيل

الحل أننا نكلم الناس هناك, نناقش معاهم السلبيات دى, الى اكيد مضايقة الناس كلها هنا, و هتعمل سمعة وحشة للتوكيل و العربية, لو ملقناش استجابة ساعتها بيبقى فى كلام تانى

حاليا الوضع سىء فعلا ...

1-انخفاض اداء العمال فى الصيانة, و ده لاحظناه مع ابو حمزة فى صيانة ال 20 الف, مع هيثم فى صيانة ال 40 الف , ده غير موقف بايخ حصل مع م/توفيق (اتصل من دمياط يسأل على سعر فانوس امامى اكتر من مرة, و كل مرة الموظف يقول له 560 جنيه, ولما وصل هنا القاهرة لقى الفانوس بحوالى 800 جنيه!!!)

2- لازال فى قطع غيار مش موجودة للعربيات زى التريوس و السريون و الماتريا, و مش موجود لفترة زمنية تخطت الشهر, و قطع غيار اسعارها غير مبررة زى البوجيهات (انا سألت مرة على نوع البوجيهات الموجودة كان NGK platinium و مرة تانية اللى كان موجود (Denso Iridium

3- اسعار العمالة لبعض الصيانات غالية, ده غير بعض الحاجات اللى تضايق: زى حكاية الزيت اللى ابوعبدالله ذكرها (فى فولكس كانوا بيدونى ربع لتر زيت الباقة من اصل 4لتر), المركز محتاج صيانة لأستراحة العملاء, الحمامات, و البوفيه

احنا مطلوب مننا نحدد التقصير و المشاكل اللى بتواجهنا, ونعرضها عليهم فى التوكيل ... و أنا معنديش شك ان هيكون فى استجابة من جانبهم

و اقتراح أخر نفسى يتم تطبيقه ... نفتح موضوع و يتم تثبيته فى ساحة دايهاتسو, و يبقى مخصص فقط لذكر تجارب الصيانة فى مركز العبور حاليا, و ابو رواش مستقبلا. و طبعا الموضوع يبقى فيه كل التجارب بلا استثناء, يعنى الكويسة و الوحشة, بحيث كل فترة نقدر نشوف ايه التطورات و التغييرات اللى بتحصل هناك... ايه رأيكم؟

[معاذ الشرباصى]

أنا بس نسيت احط اللينك للموضوع الرائع اللى عمله نادر نبيل عن صيانة ال 60 الف للبيكانتو

بالرغم ان عربية نادر خليجى, يعنى مش مضطر اطلاقا انه يعملها صيانة فى التوكيل, و حاجتها متوفرة بره, سواء الاصلى او منشأ اخر

الا انه فى الاخر لما عمل صيانته هناك, وجد انه دفع اقل من اللى كان هيدفعه بره

كيا بيكانتو ... صيانة60000!

اتمنى فى يوم من الايام نعمل موضوع زى ده للدايهاتسو

[hitham_sh]

كلام جميل يا معاذ واتفق معاك في كل نقطه فيه

[hitham_sh]

يا جماعه استهدو بالله في ايه بس الموضوع مش حروب بين التوكيلات وكل واحد بيشجع التوكيل بتاعو
في النهايه احنا المفروض مع بعض لان احنا عملاء لجميع هذه التوكيلات
بلاش المجادلات دي الي مفيش من وراها اي فايده غير انها بتزعل الناس من بعض

في شخص من التوكيل اتصل بيا النهارده علشان يعرف ايه اخبار الصيانه الي انا عملتها وقلتلو على كل حاجه الحلو والوحش بكل مصداقيه
وسالني على الاسعار قلتلو انها غاليه جدا في قطع الغيار والمصنعيات
مش عارف بقه المكالمات دي كده وخلاص ولا بياخدو فعلا باراء العملا

[الإداره]

و اقتراح أخر نفسى يتم تطبيقه ... نفتح موضوع و يتم تثبيته فى ساحة دايهاتسو, و يبقى مخصص فقط لذكر تجارب الصيانة فى مركز العبور حاليا, و ابو رواش مستقبلا. و طبعا الموضوع يبقى فيه كل التجارب بلا استثناء, يعنى الكويسة و الوحشة, بحيث كل فترة نقدر نشوف ايه التطورات و التغييرات اللى بتحصل هناك... ايه رأيكم؟

العضو الفاضل

لا مانع لدى الإدارة بتثيت الموضوع الذى يراه ملاك دايهاتسو مناسبا أو تجميع تجارب الملاك فقط بدون تعليقات من الأعضاء فى موضوع واحد لمساعدتهم فى تقييم أداء التوكيل

[معاذ الشرباصى]

السلام عليكم و رحمة الله و بركاته

و انا موجود فى مركز الصيانة, خليت مهندس احمد يشوف الموضوع ده

هو افتكر الاحداث فعلا. و هو أكد انه اللى عندهم فى مركز الصيانة بوجيهات denso فقط على الاقل فى خلال الشهور الاخيرة.

لما شاف صور بوجيهات هيثم, قال لو كنا كشفنا له عليها, كنا قلنا له خليها تفضل شوية, لأن حالتهم كويسة.

و بعت سأل مهندس من الورشة, فالمهندس قال له ان فعلا العربية موصى لها بوجيهات Denso و اللى زيها NGK و كده ينفع عادى يركب اى منهم... فالمعلومة مكنتش كاملة عند مهنس احمد.

على أثره, لو حد مش عايز يغير البوجيهات من عندهم, و جاب البوجيهات المكتوب الكود بتاعها فى الكتالوج سواء Denso او NGK هيركبهم عادى, بس نصيحة يكشف عليهم الاول علشان ممكن ميكونوش محتاجين تغيير اصلا.

و خليته يشوف موضوع نادر الخاص بصيانة ال 60 الف للبيكانتو, و بالرغم ان كان له بعض التحفظات على بعض الاسعار لقطع الغيار, الا انه قال ان EIT محترمين و محترفين جدا.

[Eng_aly]

السلام عليكم ورحمه الله وبركاتة
اولا شكرا يا معاذ انك ورايت المهندس احمد الموضوع ...مع انى كنت فاكر انة متابع ...جميل اوى انك بردة حددت النقاط المطلوب ان احنا ننقاشها معهم والمفروض بقى نبداء بإختيار الاعضاء.
يا جماعة بجد ويا بشمهندس احمد الناس بتفكر الف مرة قبل ماتشترى عربيه وياريت تخلوا بالكوا ان العملاء وخصوصا عملاء دايهاتسوا بيفكروا فى السعر بتاع كل حاجة جامد جدا جدا جدا"احنا فى مصر يا اخونا" لأنهم وببساطة عازين عربيات موفرة فى كل حاجة اكسب بس بعقل فى توكيلات منافسة ليك وبيجيبوا قطع غيار من اليابان بردة وسعرهم مختلف تماما عن الكلام اللى انتوا بتقلوة خالص وعلشان محدش يتهمنى انى متحامل عليكم فى حاجة عندكم حاجات فوق الممتاز"خالنى معلش اوقلها طبيعى " بس فى حاجات تنرفز جدا "الكارتيرة -الرمش -البوجيهات -الزجاج (وممكن دة يعدى علشان ابو عبد الله بس)-واخيرا فلتر البنزين والله اعلم اية الباقى اللى جاى "
اخيرا واسف للإطالة نحاول ان نصل الى حل وسط يرضى جميع الأطراف فاهمنا لية السعر دة كدة من غير .......وبعدين تسمح لنا ان الحاجات الغالية عندكم نيجبها من برة طالما مطابقة للمواصفات اللى فعلا محتاجها العربية وارخص من عندك ولأسباب مش سهل ان احنا نفهمها مش هاينفع انك ترخص سعرها
ارجو ان لا يكون فى كلامى او اقتراحى اى خروج عن حدود اللياقة
شكرا

[hitham_sh]

حسبت استهلاك البنزين بعد صيانة ال 40
ولقيتو 285 كيلو في الصفيحه من غير تكيف ومن غير حرق قوي على الغيرات بس في اوقات زحمه واوقات الطرق سالكه
مش عارف المعدل ده يعتبر كويس ولا سيء

[Eng_aly]

حسبت استهلاك البنزين بعد صيانة ال 40
ولقيتو 285 كيلو في الصفيحه من غير تكيف ومن غير حرق قوي على الغيرات بس في اوقات زحمه واوقات الطرق سالكه
مش عارف المعدل ده يعتبر كويس ولا سيء

كدة الأستهلاك عالى يمكن يكون بسبب البوجيهات وطبعا منقدرش ننسى الطريق الواقف

[أبو عبدالله]

حسبت استهلاك البنزين بعد صيانة ال 40
ولقيتو 285 كيلو في الصفيحه من غير تكيف ومن غير حرق قوي على الغيرات بس في اوقات زحمه واوقات الطرق سالكه
مش عارف المعدل ده يعتبر كويس ولا سيء

أظن ان الأستهلاك كده كويس ماشاء الله
لأن ده مش كله على الطريق المفتوح زي ما انت قولت يا هيثم

هو لو كان كلهم على الطريق مفتوح يبقى اكيد قليل ولكن بما انهم الأتنين زحمة ومفتوح يبقى كويس طبعا

وربنا يباركلك فيها ان شاء الله

[hitham_sh]

جربت استهلاك البنزين التاني وانا مسافر اسكندريه على الطريق الصحراوي كنت ماشي بسرعه تتراوح ما بين 90 الى 100 وكنت قافل الزجاج معظم الطريق ومش مشغل التكيف طبعا
طلع الاستهلاك 370 كلم في الصفيحه
اعتقد انو معدل كويس ولا ايه ؟؟