مساحة العربية اللى فى الخلف

[medo_sirion]

ياجماعة المساحة اللى عندى اتكسرت اللى فى الخلف ومش عارف اعمل اية ولا اجبها منين

[beggo]

لاحول ولا قوة الا بالله ... و اتكسرت ازاى دى؟! دى المساحة الورا دى ماشألله خامتها جامدة؟! ...... معلش ربنا ستر.

هى دى أعتقد من الصعب تلاقى حد هنا عارف سعرها علشان دى نادر جدا لما حد بيغيرها, شوف الأول لو ممكن تتلحم أو تتلزق بـ super glue ولو مانفعش عليك بقى و على خدمة العملاء و ربنا معاك.

[Eng_aly]

لا حول ولا قوة الا بالله...ربنا يعوض عليك انا كنت داخل اقول ان الغطاء اللى على المسمار بتاع المساحة اللى فى الخلف وقع ومش عارف ازاى وكنت عايز اسئل هو ممكن القيه لوحدة ولا المساحة على بعضها احسن الصموله كدة بقت مكشوفة وممكن تصدى

[beggo]

لا حول ولا قوة الا بالله...ربنا يعوض عليك انا كنت داخل اقول ان الغطاء اللى على المسمار بتاع المساحة اللى فى الخلف وقع ومش عارف ازاى وكنت عايز اسئل هو ممكن القيه لوحدة ولا المساحة على بعضها احسن الصموله كدة بقت مكشوفة وممكن تصدى

هو على فكرة حضرتك مش شرط انك تجيب الغطاء بتاع المساحة ده من التوكيل, حضرتك ممكن تلاقيه فى الوكاله أو الحرفين أو ماشبه و حتى لو موجودة فى التوكيل أكيد مش حتبقى غالية انشألله

[توفيق طة]

حبيب قلبى/ميدو باشا .

واحشنى جدا .أخبار التعديل اية ؟؟ عملتى والا لسة؟ بالنسبة للمساحة الخلفيه أسأل عنها فى التوكيل أولا وكان الله فى عونك ..

تحيــــــــــاتى

[medo_sirion]

يارتنى مسالتش فى التوكيل يارتنى:k26:

تخيلوا كدة بكام .......
الدراع 176
الريشة اللى بتركب على الدراع 146
ودة حضرتك من غير الضريبة ولا التركيب ...طب ممكن اعرف بكام التركيب..
110 نعم
ايوة حضرتك
طب لية.....بصوا الرد كان اية

اصل احنا هنفضى واحد يعملهالك
قولتلها يعنى هوة انا جى اخدها ببلاش يعنى
بجد بجد حررررررررررررررررررررام:k30:

[beggo]

عليك و على الحرفين ياباشا و انا متأكد انك حتلاقيها أرخص من كده بكتير كمان

ده غير ان تركيبها فى منتها السهولة, انا فكتها قبل كده لما كنت بركب الفيميه اللى ورا ولله مخديت أكتر من 5 دقائق!

الحاجة التانية انك ممكن تيجيب أى مساحة تانية مشابهه (( العربيات الهاتش باك كتير )) و ممكن تجيبلك واحدة أشيك من بتاعت الفبريكا كمان و بسعر أقل و أى حد ممكن يركبهالك.

[bmya]

ميدو باشا ولا يهمك بسيطه ان شاء الله
الهم سيبك من التوكيل خالص علشان بجد بيستهبلوااااااااا جداااااااااااا
حاول تشوف اي مساحه من اي عربيه هاتش باك تانيه زي الشاريد او الميرا او السيريون القديمه اعتقد انها ممكن تركب عندك والعربيات دي اعتقد قطع غيارها موجوده بره او شوف اي عربيه هاتش باك تانيه زي الكورسا ولا الجوليت وعرفنا برده عملت ايه

begoo باشا ممكن اعرف حضرتك عامل ايه في ضهر العربيه بتاعتك وياريت لو صوره لها عشان انا عايز اعدل في عربيتي شويه

[beggo]

ده فيميه صاج على الشنطه فقط زى ما قولت لـ mido_sirion ركبته فى شارع دمشق عند محل اسمه fast and furious واتكلفت حوالى 70 جنيه علشان جودة الخامه الموجودة عندهم أعلى من باقى المحلات و انا فعلا قبل التركيب سألت عند أكتر من محل و مكنش عندهم الخامه الجامده دى,
والناس اللى عندهم شغلهم نضيف أوى.

*وإن شاء الله الصور تكون عندكو بكره على التوبيك ده :)

[medo_sirion]

ياجماعة اعمل اية حجزت خلاص يوم الثلاثاء علشان التعديل فى علبة الدركسيون
ومش عارف اعمل اية فى المساحة حرام 400ج بجد حرام
والمشكلة مش لاقى حاجة تركب عليها

[عمرو عمارة]

320جم مساحة خلفية !!!!!!!

يا ميدو ماتدفعش الـ110جم تركيب وخدها ركبها بنفسك أو خلي أي حد يركبعالك.....واللهِ حرام تدفع المبلغ ده عشان تركيب مساحة

حسبنا الله ونعم الوكيل

[beggo]

___________________________
تم حذف المشاركة لمخالفة القاعدة 6ب من قواعد المنتدى

إدارة المنتدى - 3

[medo_sirion]

معلش سوال حضرتك ثابت لونين فى الرخصة
دة للعلم فقط
شكرا

[bmya]

بسم الله ماشاء الله تمام والله ربنايباركلك فيها يارب بس فعلا هو حضرتك ثابتها علي الرخصه ولا ايه وياتري فيها مضايقات من المرور ولا عادي

[beggo]

بسم الله ماشاء الله تمام والله ربنايباركلك فيها يارب بس فعلا هو حضرتك ثابتها علي الرخصه ولا ايه وياتري فيها مضايقات من المرور ولا عادي

لا ولله ابداً محدش وقفنى ولامره, ثم الحاجة التانية إن مكان الفيميه فى الخلف يعنى حتى لو قابلك كمين و شافك حتكون عديت منه خلاص, ده غير ان اى إستيكر بيليق عليه و على فكرة الخامه دى جيده جداً و مع الوقت والغسيل اللمعه بتاعته بتزيد,والصور تحكم


*الصورة دى أول يوم ركبت فيه الفيميه (حتلاقى اللمعه بتاعته مطفيه)




*ودى بعد شهرين من التركيب

بس أهم حاجة تصور مكان العلامات الورا عشان تركبهم فى نفس المكان بالضبط ويبقى شكلهم حلو.


*على فكرة انا كنت كاتب كل ده قبل كده بس بحروف انجليزى بس للأسف إدارة المنتدى شالته