Tweet
الحمد لله ..
الثلاثاء اللى فات استلمت من التوكيل بالمعادى التريوس limited اللون الفضى ..
لون الحمد جميل جدا رغم انى كنت متوقع انه حيكون تقليدى لانه منتشر جدا بالذات فى اللانسر
بالنسبة لموضوع اللون انى كان نفسى اجيب اللون الرمادى بس مكانش موجود فى العرض الخاص بتاع العربيات الليميتد
العرض دا عبارة عن عربية تريوس وعليها جنوط سبور+اكصدام بلون العربية+كشافات ضباب
وكل دا بسعر 111500 بدل 110500 بدون العرض
طبعا اغلبنا قرينا العرض فى اهرام السيارات الجمعة اللى فاتت فى اخر صفحة وتانى يوم بتصل بالتوكيل فرع المهندسين قالولى مفيش فضل مانيوال غير عربية واحدة لونها اخضر(هوا لون جامد بس شبابى اكتر من اللزوم او بناتى) وبعدها اتصلت بفرع المعادى قالولى فيه لون ازرق واخضر وفضى انا فضلت اللون الفضى المهم انا حجزته وتانى يوم دفعت المبلغ كامل واستلمت العربية
طبعا مش حقول على المعاملة الراقية بتاعة الفرع بصراحة معامله شيك
انا اساسا من قنا بعد ما استلمت العربيةساقها واحد معرفة لغاية ما طلعنى على الطريق الصحراوى للعين السخنة ومشيت وانا سايق لغاية ما وصلت قنا وابدل سواقة انا واخويا
قريت فى المانيوال بتاع العربية ان التليين لغية 1600كم حوالى 1000ميل المفروض انى مزيدش عن 90كم او 55ميل سرعة وشوية حاجات اراعيها فى ال300كم الاولى خصوصا
طبعا فى الطرق ساعات العربية بتسرقنى السرعةلغاية ما افتكر موضوع التليين اروح ارجع تانى لغاية 90 كم
فى ملحوظة على العربية هيا ان نظام العزل فيها ممتاز يعنى لما تقفل القزاز متسمعش حاجة غير صوت الموتور اللى انا شايف انه عالى نسبيا بس لو جوه البلد متسمعش صوته حتى لما اشد على العربية جوه البلد اسمع صوت ازيز بس صوت محبب تحس بقوة العربية بسببه :D :D :D :D
بالنسبة للتابلوه هوا جامد وغريب بعض الشىء بس للامانة انا شايف ان اجمل عربيةفى الديهاتسو فى التابلوه هيا الماتيريا ثم السريون ثم التريوس ثم الشاريد
ولون اضاءة العدادات ابيض جميل اوى بس فييه دواير حوالين العدادت تخلى محدش يشوف العدادات غير اللى سايق العربية
التكيف بصراحة مشغلتوش كتير زى مانصحونى فى الفرع لحد ما اعدى التليين بس انا جربته كدا بسرعة لقيته مش بياثر على الموتور و بيبرد بسرعة
كنت فاكر العربية 2 روافع كهربا اتضح انه 4
ملحوظة برده بالنسبة للثبات بتاع العربية على السرعة العالية هيا العربية ثابته لغاية 120 بعد كاد تبتدى احس انها حتطير منى بس انا شايف ان دا عادى بالنسبة لعربية ارتفاعها عن الارض حوالى 20 سم + ان وزنها حوال 1170كجم بس ملحوظة برده على طريق العين السخنة اللى عامله الجيش الطريق دا مستوى جدا وعامل زى الحرير العربية على الطريق دا كانت ثابتة اوى لانه الطريق مستوى ويكاد يكون طريق دولى بس باقى الطرق من الزعفرانة ونازل على البحر الاحمر الطرق المعتادة فى مصر المطباات والل1ى منه العربية بصراحة اخاف ازود عن 120
على المنحنيات العربية على سرعة 90 عادى جدا ومش تحس انها حتتقلب ولا حاجة (بس مش منحنيات عاصرة طبعا)
فرش العربية كويس والكراسى كويسة بس بقت احسن لما فرشتها فرس من عند سبير كار جنب لاظوغلى فرش مبطن
التقفيل اكتر من ممتاز واربع سماعات كاسيت صوتهم حلو كاسيت بايونير بس مش اعتقد انه اصلى
مفيش عداد للحرارة بس لما تنزل الصبح تسخن العربية تنور لمبة خضرا معناها ان العربية مش جاهزة تطلع ولما اللمبة تنطفى معناها العربية جاهزة فيه لمبة حمرا انا مشفتهاش نورت ولا مرة معناها الحرارة عالية ودى مش تنور الا فى حالة سخونة الموتور بس مفيش عداد للسخونة زى بقية العربيات
النور الضباب ممتاز يعادل النور الواطى فى عربية الللادا القديمة(العزيزة على قلبى ولسه معانا)والنور الواطى يعادل النور العالى فى اللادا والنور العالى مبهر وكاشف الطريق من بعيد
فيه حاجات كتير موجودة فى المانيوال بتاع العربية بس مش موجودة فى العربية فى الحقيقة زى مثلافى عداد فى العداد متعدد الوظائف فيه مثلا ساعة ومقياس حرارة للجو ومقياس للضغط الجوى ومقياس للارتفاع عن سطح البحر ومقياس معدل استهلاك الوقود ومعدل استهلاك الوقود اللحظى وعداد كيلو متر وعدادين كيلو متر للرحلات بيتصفروا زى ما انت عاوز لكن فى الحقيقة العربية اللى استلمتها مفيهاش غير الساعة وعداد الكيلومتر والعداادين اللى بيتصفروا والباقى مش موجود رغم ان العربية من اليابان مش متجمعة فى مصر
نصيحة للى عاوز يشترى العربية يستنى شهر 12 او 11 عشان يبقى العربية موديل 2008 بس عشان ابقى صادق مش عارف يمكن تغلى العربية او ترخص الله اعلم انا عن نفسى كنت حأجل الشراء لغاية 11 لولا العرض اللى اعتقد انه مغرى لا الجنوط الاصلى لوحدهم تخش فى حسبة 3 او 4 الاف + الاكصدام اللىبلون العربية+ كشافات الضباب الاصليين
Comment